ខេត្តតាកែវ៖ រយៈពេលបីថ្ងៃនៃពិធីបុណ្យចូលឆ្នាំថ្មីនេះ ខេត្តតាកែវទទួលបានភ្ញៀវទេសចរជាតិ និងអន្តរជាតិ ចូលស្នាក់នៅ និងលេងកម្សាន្ត ចំនួនជាង១លាន៧សែននាក់ ក្នុងនោះភ្ញៀវទេសចរបរទេស ចំនួនជាង ២៧០០នាក់។…
ខេត្តតាកែវ៖ រយៈពេលបីថ្ងៃនៃពិធីបុណ្យចូលឆ្នាំថ្មីនេះ ខេត្តតាកែវទទួលបានភ្ញៀវទេសចរជាតិ និងអន្តរជាតិ ចូលស្នាក់នៅ និងលេងកម្សាន្ត ចំនួនជាង១លាន៧សែននាក់ ក្នុងនោះភ្ញៀវទេសចរបរទេស ចំនួនជាង ២៧០០នាក់។
ក្រុងដូនកែវ ដែលរដ្ឋបាលខេត្តតាកែវ បានរៀបចំតាកែវសង្ក្រាន្ត នៅសួនច្បារមាត់បឹងតាកែវ មានភ្ញៀវទេសចរជាតិ និងអន្តរជាតិ ចូលរួមលេងកម្សាន្ត ចំនួនជាង៨០ម៉ឺននាក់ ។
រដ្ឋបាលខេត្តតាកែវបានអោយដឹងថា ក្នុងចំណោមក្រុង-ស្រុកទាំង១០របស់ខេត្ត គឺ ស្រុកបាទី ស្រុកគីរីវង់ និងស្រុកអង្គរបុរី ក៏បានទាក់ទាញភ្ញៀវទេសចរជាតិ អន្តរជាតិ ចូលលេងកម្សាន្ត យ៉ាងច្រើនកុះរកផងដែរ ។
ចំណែកសន្តិសុខសុវត្ថិភាពនៅក្នុងពិធីបុណ្យចូលឆ្នាំបីថ្ងៃនេះ ត្រូវបានឧត្តមសេនីយត្រី សេង មហា មេបញ្ជាការកងរាជអាវុធហត្ថខេត្តតាកែវ ឱ្យដឹងថា កម្លាំងសមត្ថកិច្ចបានខិតខំប្រឹងប្រែងថែរក្សាបានយ៉ាងល្អប្រសើរបំផុតក្នុងម្លប់សន្តិភាពរបស់ប្រទេសជាតិយើងដែលមានសម្តេចហ៊ុន ម៉ាណែត ជាប្រមុខដឹកនាំ ៕
ចែករំលែកព័តមាននេះ