ខេត្តស្វាយរៀង ៖ នៅក្នុងភូមិសាស្ត្រស្រុករមាសហែកមានប្រជាកសិករបង្កើតកសិដ្ឋានដាំដំណាំដើមឈើហូបផ្លែចម្រុះលើផ្ទៃដី ជាង៨០ហិកតា ជាដំណាំប្រមូលផ្តុំ កំពុងទទួលបានផលបណ្តើរៗ ហើយ មានដូចជា ក្រូចពោធិសាត់ ក្រូចផ្លុង…
ខេត្តស្វាយរៀង ៖ នៅក្នុងភូមិសាស្ត្រស្រុករមាសហែកមានប្រជាកសិករបង្កើតកសិដ្ឋានដាំដំណាំដើមឈើហូបផ្លែចម្រុះលើផ្ទៃដី ជាង៨០ហិកតា ជាដំណាំប្រមូលផ្តុំ កំពុងទទួលបានផលបណ្តើរៗ ហើយ មានដូចជា ក្រូចពោធិសាត់ ក្រូចផ្លុង ខ្នុរ ត្របែក និងផ្លែឈើជាច្រើនទៀតកំពុងផ្លែ ទុំបានបេះលក់បណ្តើរ ៗហើយធ្វើឲ្យម្ចាស់កសិដ្ឋានសប្បាយរីករាយយ៉ាងខ្លាំងជាពិសេសដំណាំធូរេន កំពុងត្រៀមប្រមូលផល។
កសិដ្ឋានដាំដំណាំឈើហូបផ្លែ ចម្រុះនេះ មានទីតាំងនៅក្នុងភូមិសំបួរ ឃុំសំបួរស្រុករមាសហែក។
លោកភិត ដាលឿ អាយុ៤៧ឆ្នាំ ម្ចាស់កសិដ្ឋាន ដំណាំឈើហូបផ្លែ ចម្រុះបានប្រាប់កោះសន្តិភាព នារសៀលថ្ងៃទី២១មិនា២០២៥ថា គាត់ប្រកបមុខរបរលើវិស័យកសិកម្ម នេះរយៈពេល១០ឆ្នាំមកហើយនៅលើផ្ទៃដី ជាង៨០ហិកតា ដោយដាំដំណាំឈើហូបផ្លែ ចម្រុះ រួមមាន ក្រូចពោធិសាត់ ក្រូចផ្លុង ត្របែក និងដើមឈើហូបផ្លែជាច្រើនមុខផ្សេងទៀត ជាពិសេសធូរេនកំពុងត្រៀមប្រមូលផលនៅខែខាងមុខនេះ។
លោកភិតដាលឿ បានឲ្យដឹងទៀតថា កសិដ្ឋានរបស់គាត់បានចាប់ផ្តើមរៀបចំបង្កើតឡើងនៅក្នុងឆ្នាំ២០១៣ ដាំដំណាំឈើហូបផ្លែ រហូតដល់ឆ្នាំ២០២២( រយៈពេល១០ឆ្នាំ)ចំពោះដំណាំ ធូរេន បានទទួលផលឆ្នាំដំបូង លើកទី១ ចំនួន២០តោន ឆ្នាំទី២ ទទួលផលបានចំនួន៤០តោន ឆ្នាំទី៣ ទទួលបានចំនួន៧០តោន ហើយនៅលើកទី៤ឆ្នាំ២០២៥នេះ មិនទាន់ដឹងថា ទទួលផលបានប៉ុន្មានទេ ដោយឆ្នាំនេះអាកាសធាតុមានកំដៅក្តៅខ្លាំង ក៏ប៉ុន្តែឆ្នាំនេះចំពោះដំណាំ ធូរេន មើលទៅមានទន្និនផលច្រើនជាងមុន ។
លោកភិតដាលឿ បានលើកឡើងថា លោកក៏ដូចសហគមន៍នៅឃុំសំបួរ ស្រុករមាសហែក គឺបានដាំដំណាំប្រមូលផ្តុំ ដោយអនុវត្តន៍គោលនយោបាយភូមិមួយផលិតផលមួយរបស់រាជរដ្ឋាភិបាល ក្នុងគោលបំណង នៃគោលការណ៍អនុវត្តន៍ទប់ស្កាត់លំហូរការនាំផ្លែឈើហូបផ្លែចូលពីប្រទេសជិតខាង ដោយការបង្កើតកសិដ្ឋានដាំដំណាំឈើហូបផ្លែក្នុងស្រុក ដោយប្រើប្រាស់ជីធម្មជាតិផលិតដោយកសិករខ្លួនឯង ។
ហើយលោកបាន អំពាវនាវដល់ប្រជាពលរដ្ឋគ្រប់មជ្ឈដ្ឋាន សូមចូលរួមគាំទ្រដំណាំផ្លែ ឈើហូបផ្លែរបស់ខ្មែរយើងនិងមកកំសាន្ត លម្ហែកាយនិងទិញផ្លែឈើហូបដល់ក្នុងចំការតែម្តងក៏បានឬអាចទទួលយកទៅលក់បន្តក៏បាន ដោយពួកគាត់បានរៀបចំកសិដ្ឋាន ជារមណីដ្ឋានធម្មជាតិ មានកញ្ចុះអង្គុយលេងនិងទទួលទាន អាហារផ្លែឈើ និងដើកំសាន្តនៅក្នុងចំការធំទូលាយ មានខ្យល់អាកាសល្អបរិសុទ្ធ ត្រជាក់ក្នុងការលម្ហែកាយផងដែរ។
យើងសង្កេតឃើញថា ប្រជាកសិករក្នុងខេត្តស្វាយរៀងកំពុងអភិវឌ្ឍន៍លើវិស័យកសិកម្ម តាមគោលនយោបាយភូមិមួយផលិតផលមួយរបស់រាជរដ្ឋាភិបាល ដោយអនុវត្តតាមគោលការណ៍ធម្មជាតិ ដើម្បីធានាសុវត្ថិភាពសុខុមាលភាពអ្នកបរិភោគ ៕
ចែករំលែកព័តមាននេះ