ខេត្តព្រះសីហនុ ៖ យុវជនស្មគ្រចិត្តដែលស្រឡាញ់ និងគាំទ្រការអានសៀវភៅ ស្ថិតនៅភូមិកែវផុស ស្រុកស្ទឹងហាវ ខេត្តព្រះសីហនុ បានបង្កើតបណ្ណាល័យសាធារណៈតូចមួយ ក្នុងភូមិដាក់តាំងសៀវភៅចំណេះដឹងមួយចំនួន សម្រាប់សាធារណៈជន…
ខេត្តព្រះសីហនុ ៖ យុវជនស្មគ្រចិត្តដែលស្រឡាញ់ និងគាំទ្រការអានសៀវភៅ ស្ថិតនៅភូមិកែវផុស ស្រុកស្ទឹងហាវ ខេត្តព្រះសីហនុ បានបង្កើតបណ្ណាល័យសាធារណៈតូចមួយ ក្នុងភូមិដាក់តាំងសៀវភៅចំណេះដឹងមួយចំនួន សម្រាប់សាធារណៈជន យុវជន យុវនារី កុមារា កុមារីមកអានដោយមិនគិតប្រាក់។
បើតាមតំណាងយុវជនអ្នករួមគំនិតគ្នាបង្កើតបណ្ណាល័យសាធារណៈនេះឲ្យដឹងថា សម្ភារៈបង្កើតជាបណ្ណាលយ័នេះ ក្រុមយុវជនយើងបានស្វែងរកដែកឬសម្ភារៈចាស់ៗមកកែច្នៃផ្គុំចេញជាបណ្ណាល័យសៀវភៅក្នុងភូមិនេះឡើង ហើយគម្រោងនេះធ្វើឡើង ដើម្បីបំផុសគំនិតមហាជន ប្រជាពលរដ្ឋ យុវជន យុវនារី កុមារា កុមារី ពេលទំនេរនាំគ្នាមកអានសៀវភៅជំនួស ការដើរលេងឬធ្វើសកម្មភាពមិនល្អណាមួយក្នុងសង្គម។
អ្វីដែលគួរចាប់អារម្មណ៍ទៀតនោះ កម្មវិធីនេះ ក្រុមយុវជនយើងមិនស្វះស្វែងរកជំនួយជាថវិកាអ្វីទេ ប៉ុន្តែសប្បុរសជនដែលចង់ជួយ អាចជួយជាសៀវភៅចំណេះដឹងផ្សេងៗ ដើម្បីដាក់បន្ថែមក្នុងបណ្ណាល័យសាធារណៈនេះសម្រាប់អ្នកអាន ។
នេះអាចនិយាយបានថា ជាលើកទី១ហើយសម្រាប់ការបង្កើតកម្មវិធីនេះឡើង ដែលជាកម្មវិធីអប់សាធារណៈមួយ ដើម្បីបណ្តុះស្មារតីយុវជន យុវនារី កុមារា កុមារី ងាកមកអានសៀវភៅ កាត់បន្ថយការលេង ចុចទូរស័ព្វ និងលេងហ្គេម ឬសល់ពេលវេលាដើរលេងអត់ប្រយោជន៍ ។
ចែករំលែកព័តមាននេះ