ពលរដ្ឋកម្ពុជាយ៉ាងតិច៤សែននាក ត្រូវបានរកឃើញថា មានកើតជំងឺឡើងសម្ពាធឈាម ឬភាសាសាមញ្ញហៅថាជំងឺលើសឈាម នៅឆ្នាំ២០២៤។ នេះបើតាមមន្ត្រីសុខាភិបាលម្នាក់បាននិយាយកាលពីថ្ងៃទី៨ មីនា ដោយផ្អែកលើរបាយការណ៍របស់ក្រសួងសុខាភិបាល។ វេជ្ជបណ្ឌិតដែលជាមន្ត្រីជាន់ខ្ពស់ក្រសួងសុខាភិបាលនិយាយថារបាយការណ៍បានបង្ហាញអំពីកំណើនគួរអោយកត់សម្គាល់នៃចំនួនអ្នកកជំងឺឡើងសម្ពាធឈាម។ លោកបានពន្យល់ថាបើតាមរបាយការណ៍…
ពលរដ្ឋកម្ពុជាយ៉ាងតិច៤សែននាក ត្រូវបានរកឃើញថា មានកើតជំងឺឡើងសម្ពាធឈាម ឬភាសាសាមញ្ញហៅថាជំងឺលើសឈាម នៅឆ្នាំ២០២៤។ នេះបើតាមមន្ត្រីសុខាភិបាលម្នាក់បាននិយាយកាលពីថ្ងៃទី៨ មីនា ដោយផ្អែកលើរបាយការណ៍របស់ក្រសួងសុខាភិបាល។
វេជ្ជបណ្ឌិតដែលជាមន្ត្រីជាន់ខ្ពស់ក្រសួងសុខាភិបាលនិយាយថារបាយការណ៍បានបង្ហាញអំពីកំណើនគួរអោយកត់សម្គាល់នៃចំនួនអ្នកកជំងឺឡើងសម្ពាធឈាម។ លោកបានពន្យល់ថាបើតាមរបាយការណ៍ ជំងឺឡើងសម្ពាធឈាមបានកើនឡើងជាង២០ភាគរយពីចំនួនជាង៣,៣សែននាក់នៅឆ្នាំ២០២៣ ទៅដល់ជាង៤សែននាក់នៅឆ្នាំ២០២៤។
ចំណែកចំនួនអ្នកជំងឺដែលចូលសម្រាកព្យាបាលនៅមន្ទីរពេទ្យក៏មានការកើនឡើងគួរអោយកត់សម្គាល់ដោយកាលពីឆ្នាំ២០២៣ មានចំនួនជាង ២៦ ០០០នាកក់ ហើយនៅឆ្នាំ២០២៤ឡើងដល់ជាង ៣៤ ០០០ នាក់។
វេជ្ជបណ្ឌិតរូបនេះបាននបន្ថែមទៀតថាដូច្នេះ ប្រជាជនកម្ពុជាត្រូវបង្កើនការយកចិត្តទុកដាក់ចំពោះសុខភាព តាមរយ:ការកាត់បន្ថយការហូបប្រៃនិងធ្វើការហាត់ប្រាណអោយបានទៀងទាត់។ ជាមួយគ្នានោះ យុទ្ធនាការអប់រំប្រជាជនកម្ពុជាអំពីគ្រោះថ្នាក់ជំងឺនេះក៏ត្រូវធ្វើអោយកាន់តែទូលំទូលាយផងដែរ។
គួរបញ្ជាក់ថាក្រសួងសុខាភិបាលកំពុងយកចិត្តទុកដាក់ខ្លាំងក្លាផងដែរដល់យុទ្ធនាការអប់រំប្រជាជនកម្ពុជាអំពីជំងឺនេះតាមបណ្តាញសារព័ត៌មាន ទូរសព្ទ័និងមធ្យោបាយផ្សេងៗទៀត៕
ចែករំលែកព័តមាននេះ