ខេត្តព្រះសីហនុ ៖ រថយន្តដឹកអីវ៉ាន់បញ្ញើមួយគ្រឿង ត្រូវអគ្គិភ័យឆាបឆេះអស់ទាំងស្រុង ខណៈរថយន្តរបស់ក្រុមហ៊ុន វីរៈប៊ុនថាំ មួយគ្រឿងនេះ ធ្វើដំណើរទិសដៅពីភ្នំពេញ មកកាន់ខេត្តព្រះសីហនុ នៅវេលាម៉ោងជាង២រំលងអធ្រាត្រឈានចូលថ្ងៃទី១០…
ខេត្តព្រះសីហនុ ៖ រថយន្តដឹកអីវ៉ាន់បញ្ញើមួយគ្រឿង ត្រូវអគ្គិភ័យឆាបឆេះអស់ទាំងស្រុង ខណៈរថយន្តរបស់ក្រុមហ៊ុន វីរៈប៊ុនថាំ មួយគ្រឿងនេះ ធ្វើដំណើរទិសដៅពីភ្នំពេញ មកកាន់ខេត្តព្រះសីហនុ នៅវេលាម៉ោងជាង២រំលងអធ្រាត្រឈានចូលថ្ងៃទី១០ ខែកុម្ភៈ ឆ្នាំ២០២៥ នៅចំណុចភូមិស្ទឹងសំរោង ឃុំអូរបាក់រទេះ ស្រុកកំពង់សិលា ខេត្តព្រះសីហនុ ។
អ្នកបើកបរមានឈ្មោះ ចាន់ ថូ ភេទប្រុស អាយុ៣២ឆ្នាំ ជនជាតិខ្មែរ មានទីលំនៅ ភូមិបឹងជើង ឃុំមៀន ស្រុកអូររាំងឪ ខេត្តត្បូងឃ្មុំ។
ចំពោះមូលហេតុ តាមការបញ្ជាក់ពីអ្នកបើកបរខាងលើ បានប្រាប់ថា បណ្ដាលមកពីការឆ្លងប្រព័ន្ធភ្លើងនៅក្នុងរថយន្ត ពេលកំពុងបើកបរ ។
បើតាមរបាយការណ៍របស់សមត្ថកិច្ច បានបង្ហាញថា ករណីអគ្គិភ័យនេះ កម្លាំងនគរបាលបានចេញរថយន្តពន្លត់អគ្គិភ័យរបស់អធិការដ្ឋាននគរបាលស្រុកកំពង់សីលា ចំនួន០១គ្រឿង បានប្រើប្រាស់ទឹកអស់០៥ឡាន ស្មើ១០ម៉ែត្រគូប ។
បើតាមរបាយការណ៍របស់សមត្ថកិច្ច បានអោយដឹងទៀតថា រថយន្តម៉ាក យីហុនដាយ ពណ៌ទឹកក្រូច ពាក់ស្លាកលេខ ភ្នំពេញ 3G-7197 ជារថយន្តដឹកអីវ៉ាន់របស់ក្រុមហ៊ុន វីរៈប៊ុនថាំ (ទិសដៅពីភ្នំពេញមកខេត្តព្រះសីហនុ) ត្រូវឆេះខូចខាតអស់ទាំងស្រុង ។
របាយការណ៍របស់សមត្ថកិច្ចដដែល បានបញ្ចាក់ថា ករណីអគ្គិភ័យខាងលើនេះ គ្មានមនុស្សស្លាប់ រឺរងរបួសឡើយ ៕
ចែករំលែកព័តមាននេះ