រាជធានីភ្នំពេញ ៖ យុវជនម្នាក់បានជិះម៉ូតូម៉ាក់ហុងដា Click ទាក់ដៃចង្កូតគ្នាជាមួយម៉ូតូហុងដាប៊ីត ហើយរេចង្កូតទៅបុកក្បាលរបាំងថ្មខណ្ឌចែកទ្រូងផ្លូវ បណ្តាលអោយដួលបោកបាក់.កស្លាប់នៅនឹងកន្លែង ហើយនារីម្នាក់បានរងរបួសធ្ងន់ ត្រូវបានបញ្ជូនទៅសង្គ្រោះ ។…
រាជធានីភ្នំពេញ ៖ យុវជនម្នាក់បានជិះម៉ូតូម៉ាក់ហុងដា Click ទាក់ដៃចង្កូតគ្នាជាមួយម៉ូតូហុងដាប៊ីត ហើយរេចង្កូតទៅបុកក្បាលរបាំងថ្មខណ្ឌចែកទ្រូងផ្លូវ បណ្តាលអោយដួលបោកបាក់.កស្លាប់នៅនឹងកន្លែង ហើយនារីម្នាក់បានរងរបួសធ្ងន់ ត្រូវបានបញ្ជូនទៅសង្គ្រោះ ។
ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោង០១និង៤០នាទីរសៀលថ្ងៃទី៣១ ខែមករា ឆ្នាំ២០២៥ នៅតាមបណ្តោយផ្លូវលេខ៥៩៨ ក្នុងសង្កាត់ទួលសង្កែទី០២ ខណ្ឌឬស្សីកែវ រាជធានីភ្នំពេញ ។
យុវជនរូបនោះ ពុំទាន់ស្គាល់អត្តសញ្ញាណនៅឡើយ ភ្លាមៗត្រូវបានក្រុមគ្រួសារដឹកតាមរថយន្តនាំយកទៅធ្វើបុណ្យតាមប្រពៃណី។
តាមសាក្សី បានអោយដឹងថា នៅមុនពេលកើតហេតុ គេឃើញយុវជនម្នាក់ខាងលើ ជិះម៉ូតូមួយគ្រឿងម៉ាក ហុងដា Click ពណ៌ស ពាក់ស្លាកលេខ បន្ទាយមានជ័យ 1V-2895 ក្នុងទិសដៅពីត្បូងទៅជើង ក្នុងល្បឿនលឿន ខណៈមកដល់ចំណុចកើតហេតុ ក៏បានជ្រុលទៅទាក់ដៃចង្កូតម៉ូតូមួយគ្រឿង ម៉ាក ហុងដា ប៊ីត ពណ៌ស ពាក់ស្លាកលេខ កណ្តាល 1AK- 9320 បើកបរដោយនារីម្នាក់ ធ្វើដំណើរក្នុងទិសដៅស្របគ្នា រួចក៏រេចង្កូតទៅបុកក្បាលរបាំងថ្មខណ្ឌចែកទ្រូងផ្លូវពេញទំហឹង បណ្តាលអោយយុវជនរូបនោះដួលបោកក្បាលស្លាប់នៅនឹងកន្លែង។ ចំណែកនារី ដែលម៉ូតូ ហុងដា ប៊ីត បានរងរបួសធ្ងន់ ត្រូវបញ្ជូនទៅមន្ទីរពេទ្យសង្គ្រោះបន្ទាន់ ។
បន្ទាប់ពីកើតហេតុ កម្លាំងនគរបាលចរាចរណ៍ ក៏បានចុះទៅវាស់វែង រួចនាំយកម៉ូតូបញ្ជូនទៅកាន់ការិយាល័យចរាចរណ៍ផ្លូវគោក ដើម្បីដោះស្រាយ ៕
ចែករំលែកព័តមាននេះ