នៅក្នុងមួយឆ្នាំៗ កម្ពុជាជះលុយចាយវាយលើការនាំចូលត្រឹមតែទឹក គ្រឿងស្រវឹង និងភេសជ្ជៈផ្សេងៗមានតម្លៃដល់ទៅប្រមាណជា៣០០លានដុល្លារ ។ ស្ថិតិនៃការនាំចូល កាលពីឆ្នាំ២០២៤ បានបង្ហាញថា កម្ពុជាបាននាំចូលទឹកមកបម្រើសេចក្តីត្រូវការមានតម្លៃជិត១២លានដុល្លារកើនឡើងដល់ទៅជាង៤៨ ភាគរយធៀបនឹងការនាំចូល…
នៅក្នុងមួយឆ្នាំៗ កម្ពុជាជះលុយចាយវាយលើការនាំចូលត្រឹមតែទឹក គ្រឿងស្រវឹង និងភេសជ្ជៈផ្សេងៗមានតម្លៃដល់ទៅប្រមាណជា៣០០លានដុល្លារ ។
ស្ថិតិនៃការនាំចូល កាលពីឆ្នាំ២០២៤ បានបង្ហាញថា កម្ពុជាបាននាំចូលទឹកមកបម្រើសេចក្តីត្រូវការមានតម្លៃជិត១២លានដុល្លារកើនឡើងដល់ទៅជាង៤៨ ភាគរយធៀបនឹងការនាំចូល កាលពីឆ្នាំ២០២៣កន្លងទៅ ។
ដោយឡែក គ្រឿងស្រវឹងដែលជាស្រា និងស្រាបៀរវិញក៏មានកំណើនកើនឡើងគួរសមដែរ ខណៈដែលនៅលើទីផ្សារកម្ពុជាក៏មានផលិតផលស្រាបៀរសម្រាប់បំពេញសេចក្តីត្រូវការនៅក្នុងស្រុកជាច្រើនប្រភេទហើយក៏ដោយ ។
ស្ថិតិបានបង្ហើបថា នៅក្នុងឆ្នាំ២០២៤ កន្លងទៅនេះ កម្ពុជានាំចូលគ្រឿងស្រវឹងមានតម្លៃជាង២៤លានដុល្លារជាមួយនឹងកំណើនប្រមាណជា១០ភាគរយធៀបនឹងឆ្នាំ២០២៣ ។
ក្រៅពីនោះ សម្រាប់ការនាំចូលផលិតផលភេសជ្ជៈផ្សេងៗវិញមានតម្លៃធំគួរសមពោល គឺពេញមួយឆ្នាំ២០២៤ កម្ពុជាបានចូលចូលមានតម្លៃដល់ទៅជាង ២៥៩ លានដុល្លារជាមួយនឹងកំណើនកើនឡើងប្រមាណជាជិត១២ ភាគរយ ។ ផលិតផលភេសជ្ជៈផ្សេងៗនេះ គឺមានតាំងពីពពួកគ្រឿងកំប៉ុង ភេសជ្ជៈជំនួយកម្លាំង ទឹកស៊ឺរ៉ូ កាហ្វេ ជាដើម ៕
ចែករំលែកព័តមាននេះ