ខេត្តបន្ទាយមានជ័យ ៖ អគ្គិភ័យបានឆាបឆេះព្រៃ និងដើមអាកាស្យា ឬដើមប្រេងខ្យល់ទាំងកណ្តាលយប់ត្រូវបានកម្លាំងនិងក្រុមអន្តរាគមន៍ជួយពន្លត់មិនរាលដាលដល់ផ្ទះប្រជាពលរដ្ឋទេ ដែលហេតុការណ៍កើតឡើងកាលពីយប់ថ្ងៃទី២៣ មករា ឆ្នាំ២០២៥ ស្ថិតនៅភូមិបឹងជម្រុង ឃុំទួលពង្រ…
ខេត្តបន្ទាយមានជ័យ ៖ អគ្គិភ័យបានឆាបឆេះព្រៃ និងដើមអាកាស្យា ឬដើមប្រេងខ្យល់ទាំងកណ្តាលយប់ត្រូវបានកម្លាំងនិងក្រុមអន្តរាគមន៍ជួយពន្លត់មិនរាលដាលដល់ផ្ទះប្រជាពលរដ្ឋទេ ដែលហេតុការណ៍កើតឡើងកាលពីយប់ថ្ងៃទី២៣ មករា ឆ្នាំ២០២៥ ស្ថិតនៅភូមិបឹងជម្រុង ឃុំទួលពង្រ ស្រុកម៉ាឡៃ ។
លោក ស្វាយ ជា អភិបាលស្រុកម៉ាឡៃបានប្រាប់ថា ក្រោយអគ្គិភ័យបានឆាបឆេះព្រៃដើមអាកាស្យា ត្រូវបានអន្តរាគមន៍ពន្លត់មានរថយន្តពន្លត់អគ្គិភ័យរបស់ក្រុមអន្តរាគមន៍ ឬសង្គ្រោះក្រុងប៉ោយប៉ែតមួយគ្រឿងសហការជាមួយកម្លាំងមាននគរបាលកងរាជអាវុធហត្ថ យោធាតំបន់ប្រតិបត្តិការសឹងរង ស្រុកម៉ាឡៃ និងប្រជាពលរដ្ឋជួយពន្លត់ដោយនាំគ្នាកាច់មេឃឈើវ៉ៃពន្លត់ និងរថយន្តពន្លត់អគ្គិភ័យ១គ្រឿងបាញ់ពន្លត់មិនរាលដាលឆាបឆេះដល់ប្រជាពលរដ្ឋនោះទេ។
លោកបានបញ្ជាក់ថា មូលហេតុដែលអគ្គិភ័យឆាបឆេះព្រៃទាំងកណ្តាលយប់នេះ អាចបណ្តាលមកពីអ្នករកឃ្មុំឬដុតរកសត្វពេលយប់ ទើបបណ្តាលឱ្យឆាបឆេះឡើងត្រូវជួយអន្តរាគមន៍ពន្លត់បានទាន់ពេល មិនរាលដល់ផ្ទះប្រជាពលរដ្ឋនោះទេ ដោយមានការខិតខំប្រឹងប្រែងពីកម្លាំង និងក្រុមអន្តរាគមន៍បានជួយទាន់ពេល។
លោក ស្វាយ ជា បានបញ្ជាក់ថា អគ្គិភ័យដែលឆាបឆេះព្រៃ បង្កឱ្យព្រួយបារម្ភ និងប៉ះពាល់ដល់ផ្ទៈសម្បែងប្រជាពលរដ្ឋ ដោយមានការអន្តរាគមន៍ប្រើប្រាស់ទឹកអស់២ទៅ៣ឡាន និងកម្លាំងអន្តរាគមន៍ជាច្រើននាក់ ទាំងកម្លាំងចម្រុះ និងក្រុមអន្តរាគមន៍ និងសង្គ្រោះក្រុងប៉ោយប៉ែតបានជួយអន្តរាគមន៍ទាន់ពេលវេលាទើបគ្រប់គ្រោងស្ថានការណ៍បាន ។
ចែករំលែកព័តមាននេះ