ពិតជាមិនធម្មតា និស្សិតម្នាក់រៀនចប់ បែរជាចាប់យកអាជីពជាអ្នកដឹកជញ្ចូនទៅវិញ ខណៈពេលបច្ចុប្បន្នលោកនៅតែបន្តការងារមួយនេះ និងកំពុងស្វែងការងារថ្មីបន្ទាប់ពីរៀនចប់ផ្នែកច្បាប់ ។ ជាការពិត ការងារផ្នែកអ្វីក៏ដោយ គឺសុទ្ធតែមានតម្លៃ កុំអោយតែទៅឆ.ក់…
ពិតជាមិនធម្មតា និស្សិតម្នាក់រៀនចប់ បែរជាចាប់យកអាជីពជាអ្នកដឹកជញ្ចូនទៅវិញ ខណៈពេលបច្ចុប្បន្នលោកនៅតែបន្តការងារមួយនេះ និងកំពុងស្វែងការងារថ្មីបន្ទាប់ពីរៀនចប់ផ្នែកច្បាប់ ។
ជាការពិត ការងារផ្នែកអ្វីក៏ដោយ គឺសុទ្ធតែមានតម្លៃ កុំអោយតែទៅឆ.ក់ ទៅប្ល.ន់គេ ទើបជារឿងខុស ពោលរយៈពេលជាច្រើនឆ្នាំដែលនិស្សិតរូបនេះបានឆ្លៀតពេលដឹកអីវ៉ាន់ផងធ្វើការផង ខណៈពេលលោកជាក្មេងកំព្រាឪពុក ហើយជាកូនទោល និងទទួលរ៉ាប់រងបន្ទុកម្តាយចាស់មានជំងឺដែលត្រូវការព្យាបាលជាប្រចាំខែ ។
មែនទែនទៅ លោកអ្នកពិតជាចង់ដឹងហើយពីជីវិតបុរសរូបនេះដោយលោករៀនចប់ច្រើនខែឆ្នាំ តែបែរជាបន្តនៅការជាអ្នកដឹកជញ្ចូន តែខណៈពេលលោកក៏ធ្លាប់ធ្វើការងារអោយក្រុមហ៊ុនឯកជនផងនោះ ។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោក វ៉ឺន បូណា ដែលបច្ចុប្បន្នជាអ្នកដឹកជញ្ចូននោះប្រាប់ថា មូលហេតុដែលលោកចាប់យកអាជីពមួយនេះជាការងាររបស់លោកក្រៅម៉ោងប៉ុណ្ណោះ ពោលកាលពីកន្លងទៅលោកធ្វើការនៅក្នុងក្រុមហ៊ុនមួយ តែដោយសារក្រុមហ៊ុនមិនអាចឈរជើងបានលោកក៏ឈប់ទៅ ។
លោកថា ការងារជាអ្នកដឹងជញ្ចូននេះទៀតសោត គឺលោកឆ្លៀត ដោយមូលហេតុថា រៀនបណ្តើរធ្វើការបណ្តើរ ណាមួយលោកមិនមានម្តាយឪពុកផ្គត់ផ្គង់នោះទេ ព្រោះលោកជាកូនកំព្រាតាំងពីអាយុ១១ឆ្នាំ ឪពុកស្លា.ប់ចោល រស់នៅជាមួយម្តាយចាស់ ដែលបច្ចុប្បន្នគ្មាននរណាជួយលោកឡើយ ដោយបូករួមជាមួយការសិក្សាច្រើនឆ្នាំកន្លងទៅ ដែលលោកមិនពេលគ្រប់គ្រាន់ក្នុងការរៀនផ្នែកច្បាប់ និងធ្លាប់បានព្យួរឈ្មោះបន្ទាប់ពីបញ្ចប់វិទ្យាល័យនៅឯស្រុកកំណើត នាទឹកខេត្តព្រៃវែងទៀតនោះ ។
លោក វ៉ឺន បូណា ដែលឆ្លៀតពេលដឹកជញ្ចូន ដើម្បីបានប្រាក់បន្តការសិក្សាបន្តថា លោកបានបញ្ចប់ការសិក្សាផ្នែកនីតិសាស្ត្រកាលពីខែ សីហា ឆ្នាំ២០២៣ និងបានទទួលសញ្ញាបត្រកាលពីខែឧសភា ឆ្នាំ២០២៤ សព្វថ្ងៃលោកនៅតែបន្តការដឹកជញ្ចូន ខណៈបច្ចុប្បន្នលោកកំពង់ស្វែងរកការងារថ្មី ។
បើងាកមកការដឹកជញ្ចូនវិញលោកថា ដឹកតាំងពីម៉ោង៩ព្រឹក ដល់ម៉ោង១០យប់ មានពេលសម្រាក់មួយម៉ោង ។ ទៀតសោតការងារមួយនេះ លោកថា ក្នុងមួយថ្ងៃទាបបំផុតរកប្រាក់១៥ដុល្លារ និងខ្ពស់បំផុតហក់បាន៣០ដុល្លារ ។
លោក វ៉ឺន បូណា បន្តថា ជីវិតលោកគ្មាននរណាជួយលោកឡើយ មានតែលោកជួយខ្លួនឯង ពោលលោកផ្ញាំដល់ប្អូនជំនាន់ក្រោយ អោយខិតខំស្រវ៉ាការសិក្សា ជ្រើសរើសជំនាញអោយបានត្រឹមត្រូវ ពោលការងារអ្វីក៏ជាការងារដែលមានតម្លៃនោះ ៕ ដោយ៖លីហួ គីមឆាយ
ចែករំលែកព័តមាននេះ