ខេត្តកំពង់ស្ពឺ៖ មនុស្សម្នាក់បានស្លាប់ភ្លាមៗនៅកន្លែងកើតហេតុ និងមនុស្សច្រើននាក់ទៀតបានរងរបួសធ្ងន់ស្រាល ខណៈដែល រថយន្តចំនួន៣គ្រឿងបុកបន្តកន្ទុយគ្នា កាលពីព្រឹកថ្ងៃទី១៥ ខែធ្នូ ឆ្នាំ២០២៤ លើកំណាត់ផ្លូវល្បឿនលឿន ចំណុច…
ខេត្តកំពង់ស្ពឺ៖ មនុស្សម្នាក់បានស្លាប់ភ្លាមៗនៅកន្លែងកើតហេតុ និងមនុស្សច្រើននាក់ទៀតបានរងរបួសធ្ងន់ស្រាល ខណៈដែល រថយន្តចំនួន៣គ្រឿងបុកបន្តកន្ទុយគ្នា កាលពីព្រឹកថ្ងៃទី១៥ ខែធ្នូ ឆ្នាំ២០២៤ លើកំណាត់ផ្លូវល្បឿនលឿន ចំណុច K20+300 ទិសដៅពីភ្នំពេញ ទៅព្រះសីហនុ ត្រង់ចំណុចភូមិរំដួល ឃុំត្រពាំងគង ស្រុកសំរោងទង ខេត្តកំពង់ស្ពឺ ។
នគរបាលបាននិយាយឱ្យដាងថា នៅមុនពេលកើតហេតុមានរថយន្ដ០១គ្រឿង ម៉ាក តូយ៉ូតា prius ពណ៌ក្រហមពាក់ ផ្លាកលេខភ្នំពេញ 2BA-2806 អ្នកបើកបរឈ្មោះ TSANG HINGCHUNG (សាំង ហ៊ីងឈុង) ភេទប្រុស អាយុ ៥៥ឆ្នាំ ជាជនជាតិចិន ស្នាក់នៅក្នុងភូមិឃ្មួញ សង្កាត់ឃ្មួញ ខណ្ឌសែនសុខ រាជធានីភ្នំពេញ បានបើកបរពីទិសខាងកើតទៅទិសខាងលិច លុះពេលធ្វើដំណើរមកដល់ចំណុចខាងលើបានបុកប៉ះជាមួយរថយន្តផ្នែកពីក្រោយម៉ាក Hyundai ពណ៌ខៀវ ពាក់ផ្លាកលេខ ឃ.4370-ភព2 (មានដឹកបន្ទះក្ដារ) អ្នកបើកបរឈ្មោះ ឌិន ប៊ុនថុន ភេទប្រុស អាយុ៣៨ឆ្នាំ រស់នៅភូមិដើមស្លែង សង្កាត់ច្បារអំពៅ ខណ្ឌច្បារអំពៅ រាជធានីភ្នំពេញ អ្នករួមដំណើរជាមួយ១នាក់ឈ្មោះ សុខ កុសលភេទប្រុស អាយុ៣៩ឆ្នាំ រស់នៅភូមិស្តៅស្រលែង ឃុំដីឥដ្ឋ ស្រុកកៀនស្វាយ ខេត្តកណ្តាល ដែលកំពុងបើកបរពីទិសខាងកើតទៅលិច បណ្ដាលឱ្យគ្រោះថ្នាក់ក្រឡាប់ ។
នគរបាលបានបន្តថា បន្ទាប់មកមានរថយន្ដ១គ្រឿង ម៉ាកMaserdasពណ៌ស ផ្លាកលេខភ្នំពេញ 2BP- 7869 អ្នកបើកបរឈ្មោះ LI WEN BING (លី វ៉េនពីង) ភេទប្រុស អា យុ៣២ឆ្នាំ ស្នាក់នៅភូមិ២ សង្កាត់ទឹកល្អក់ទី១ ខណ្ឌទួលគក រាជធានីភ្នំពេញ បើកបរពីទិសខាងកើតទៅលិច កំពុងតែបេីកបរក្នុងល្បឿន រួចបានកិននិងប៉ះជាមួយបន្ទះក្តាដែលធ្លាក់លើផ្លូវ បណ្ដាលឱ្យគ្រោះថ្នាក់ និងខូចខាតរថយន្ត ។
បើយោងតាមការបញ្ជាក់ពីលោកវរសេនីយ៍ឯក ឃុត សុផល អធិការនគរបាលស្រុកសំរោងទង ថាហេតុការណ៍ខាងលេី បានបណ្ដាលឲ្យស្លាប់មនុស្ស០១នាក់ (ឌិន ប៊ុនថុន) និងរបួសធ្ងន់មនុស្ស ១នាក់ប្រុស (សុខ កុសល់) របួសស្រាលមនុស្ស ២នាក់ប្រុស (ជនជាតិចិន) រីឯរថយន្ដ ៣គ្រឿង ខូចខាតធ្ងន់២គ្រឿង (តូយ៉ូតា prius - Hyundai ស្ទេីទាំងស្រុង ) Maserdas។
ចំពោះវត្ថុតាងរថយន្ដទាំង០៣គ្រឿងខាងលើ សមត្ថកិច្ចនគរបាលជំនាញបានយកទៅរក្សាទុកនៅស្នាក់ការបញ្ជរកំពង់ស្ពឺខាងកើត K26 រង់ចាំធ្វើការដោះស្រាយបន្ដតាមផ្លូវច្បាប់៕
ចែករំលែកព័តមាននេះ