ខេត្តប៉ៃលិន ៖ ក្រោយទទួលបានការរាយការណ៍ពីប្រជាពលរដ្ឋ កម្លាំងប៉ុស្តិ៍រដ្ឋបាលសង្កាត់អូរតាវ៉ៅ និងកម្លាំងនគរបាលអធិការដ្ឋានក្រុងប៉ៃលិន បានចុះឃាត់ខ្លួនក្មេងទំនើង ដែលបង្ហោះម៉ូតូ១ក្រុម នៅត្រង់ចំណុចផ្លូវចូលទៅរមណីយដ្ឋានទឹកធ្លាក់ភ្នំខៀវ ស្ថិតក្នុងភូមិខ្លុង សង្កាត់អូរតាវ៉ៅ…
ខេត្តប៉ៃលិន ៖ ក្រោយទទួលបានការរាយការណ៍ពីប្រជាពលរដ្ឋ កម្លាំងប៉ុស្តិ៍រដ្ឋបាលសង្កាត់អូរតាវ៉ៅ និងកម្លាំងនគរបាលអធិការដ្ឋានក្រុងប៉ៃលិន បានចុះឃាត់ខ្លួនក្មេងទំនើង ដែលបង្ហោះម៉ូតូ១ក្រុម នៅត្រង់ចំណុចផ្លូវចូលទៅរមណីយដ្ឋានទឹកធ្លាក់ភ្នំខៀវ ស្ថិតក្នុងភូមិខ្លុង សង្កាត់អូរតាវ៉ៅ ក្រុងប៉ៃលិន ខេត្តប៉ៃលិន ដែលហេតុការណ៍ចុះបង្ក្រាបករណីក្មេងទំនើងនេះ បានធ្វើឡើងកាលវេលាម៉ោង១និង៣០នាទីរសៀលថ្ងៃទី០៥ ខែធ្នូ ឆ្នាំ២០២៤ ។
ប្រភពព័ត៌មានពីលោក យ៉ែម សារិទ្ធ អធិការនគរបាលក្រុងប៉ៃលិន បានឱ្យដឹងថា ក្រោយពេលទទួលបានព័ត៌មានពីប្រជាពលរដ្ឋ កម្លាំងនគរបាលព្រហ្មទណ្ឌ នៃអធិការដ្ឋានក្រុងប៉ៃលិន សហការជាមួយកម្លាំងប៉ុស្តិ៍រដ្ឋបាលអូរតាវ៉ៅ ចុះទៅដល់ទីតាំងខាងលើ ដែលក្រុមក្មេងទំនើងកំពុងធ្វើសកម្មភាពបង្ហោះម៉ូតូ ក៏ឃាត់នាំខ្លួនក្មេងទំនើងចំនួន០៩នាក់ រួមជាមួយម៉ូតូ ចំនួន០៤គ្រឿង ទៅកាន់ប៉ុស្តិ៍នគរបាលរដ្ឋបាលអូរតាវ៉ៅ ដើម្បីសួរនាំអប់រំ ។
លោកអធិការនគរបាលក្រុងប៉ៃលិន បានបន្តទៀតថា ក្មេងទំនើងទាំងអស់ រួមមាន ៖
ទី១.ឈ្មោះ សុភី ម៉េងហុង ភេទប្រុស អាយុ១៨ឆ្មាំ មុខរបរសិស្ស រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (ម្ចាស់ម៉ូតូ)
ទី២.ឈ្មោះ វ៉ាន់ សំណាង ភេទប្រុស អាយុ១៥ឆ្នាំ មុខរបរសិស្ស រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (ម្ចាស់ម៉ូតូ)
ទី៣.ឈ្មោះ រ៉ម ណារ៉ាត់ ភេទប្រុស អាយុ១៧ឆ្នាំ មុខរបរសិស្ស រស់នៅភូមិអូរកម្មករ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (ម្ចាស់ម៉ូតូ)
ទី៤.ឈ្មោះ ព្រឹក វាសនា ភេទប្រុស អាយុ១៥ឆ្នាំ មុខរបរសិស្ស រស់នៅភូមិអូររអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន (ម្ចាស់ម៉ូតូ)
ទី៥.ឈ្មោះ ប៉ែន សុខសាន្ត ភេទប្រុស អាយុ១៤ឆ្នាំ មុខរបរសិស្ស រស់នៅភូមិផ្សារព្រំឃុំស្ទឹងកាច់ ស្រុកសាលាក្រៅ ខេត្តប៉ៃលិន (អ្នករួមដំណើរ)
ទី៦.ឈ្មោះ ឆាង ពិសិទ្ធ ភេទប្រុស អាយុ១៥ឆ្នាំ មុខរបរសិស្ស រស់នៅភូមិអូរឈើក្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (អ្នករួមដំណើរ)
ទី៧.ឈ្មោះ រ៉ម បូរី ភេទប្រុស អាយុ១៤ឆ្នាំ មុខរបរសិស្ស រស់នៅភូមិអូរកម្មករ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (អ្នករួមដំណើរ)
ទី៨.ឈ្មោះ ប៉ែន លីថុល ភេទប្រុស អាយុ១៤ឆ្នាំ មុខរបរសិស្ស រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន (អ្នករួដំណើរ)
និងទី៩.ឈ្មោះ ដា សុមិនា ភេទប្រុស អាយុ១៦ឆ្នាំ មុខរបរសិស្ស រស់នៅភូមិផ្សារព្រំជើង ឃុំស្ទឹងកាច់ ស្រុកសាលាក្រៅ ខេត្តប៉ៃលិន (អ្នករួមដំណើរ) ។
លោកបញ្ជាក់ថា វត្ថុតាងមានម៉ូតូ ម៉ាកហុងដាឌ្រីម ០៤គ្រឿង មាន ៖
ទី១-ម៉ូតូឆ្នាំ២០១៣ ពណ៍ខ្មៅ ស្លាកលេខ (គ្មាន)
ទី២-ម៉ូតូឆ្នាំ២០២០ ពណ៍ខ្មៅ ស្លាកលេខ(គ្មាន)
ទី៣-ម៉ូតូឆ្នាំ២០១៨ ពណ៍ខ្មៅ ស្លាកលេខ ប៉ៃលិន 1C-3710
និងទី៤-ម៉ូតូឆ្នាំ២០២៤ ពណ៍ខ្មៅ ស្លាកលេខ ប៉ៃលិន 1D-2662 ។
ពាក់ព័ន្ធនឹងករណីខាងលើ លោកអធិការក្រុងប៉ៃលិន ក៏បានស្នើសុំគោលការណ៍លោកស្នងការ ធ្វើកិច្ចសន្យាអប់រំណែនាំ ដោយអនុញ្ញាតិឱ្យឪពុកម្តាយ ឬអាណាព្យាបាល ចេញមកធានាយកទៅផ្ទះវិញ។ ចំណែកឯម៉ូតូទាំងអស់ ត្រូវបានដកហូត រក្សាទុកនៅប៉ុស្តិ៍រដ្ឋបាលអូរតាវ៉ៅ រយៈពេលបីខែ ទើបឱ្យយកទៅប្រើប្រាស់នៅផ្ទះវិញ ៕
ចែករំលែកព័តមាននេះ