គ្មានអ្វីដែលស្ថិតស្ថេរ ទៀងទាត់ក្នុងជីវិតនោះឡើយ ម្ចាស់ផលិតកម្ម Kh Promotion ក្រោយពេលផលិតកម្មលោកបានបិទទារ លោកបានរស់នៅយ៉ាងសាមញ្ញបំផុត ក្នុងជីវិតជាប្រជាកសិករ ដាំដំណាំ និងដឹងពុន្ទ្រា…
គ្មានអ្វីដែលស្ថិតស្ថេរ ទៀងទាត់ក្នុងជីវិតនោះឡើយ ម្ចាស់ផលិតកម្ម Kh Promotion ក្រោយពេលផលិតកម្មលោកបានបិទទារ លោកបានរស់នៅយ៉ាងសាមញ្ញបំផុត ក្នុងជីវិតជាប្រជាកសិករ ដាំដំណាំ និងដឹងពុន្ទ្រា លក់ នៅរាជធានីភ្នំពេញ ។
ជាការពិត លោក គីម ហេង អតីតម្ចាស់ផលិតកម្ម តែងតែពពាយនាយលក់ពុន្ទ្រា ក្នុងបណ្តាញសង្គមហ្វេកបុក និងTik Tok ដើម្បីបានប្រាក់កំរៃចិញ្ចឹមជីវិត ខណៈពេលជីវិតលោកហាក់មិនសូវជាប្រសើរ និងពើបប្រទះនៅរឿងរ៉ាវមួយនេះ ។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោក គីមហេង ដែលជាអតីតម្ចាស់ផលិតកម្ម Kh Promotion ថា នាពេលបច្ចុប្បន្នលោកតែងយកពុទ្ទ្រាពីខេត្តបាត់ដំបង មកលក់នៅភ្នំពេញ ។ លោកថា ពុទ្ទ្រាដែលលោកបានដាំនេះជាដីរបស់លោកផ្ទាល់ នៅឯស្រុកកំណើតខេត្តបាត់ដំបង ដែលមានទំហំសមល្មម ដើម្បីដាំពុទ្ទ្រាលក់ដោយបេះម្តងលោកថា មិនអាចគណនាបានពេលខ្លះបាន២០គីឡូ ពេលខ្លះទៀតបាន៥០ទៅ១០០គីឡូជាដើម ។
លោកបន្តថា កាលដាំពុទ្ទ្រានេះមិនទាន់ថា ចំណេញនោះទេ ព្រោះលោកចំណាយដើមទុនអស់៧ទៅ៨លានបាត់ទៅហើយ ខណៈពុទ្ទ្រាប្រមូលហេតុបានតិចមិនសូវមានអ្នកទិញរហូតលោកធ្វើដំណើរដឹកយកមកលក់នៅភ្នំពេញ ស្នាក់នៅផ្ទះប្អូនជីដូនមួយ ដើម្បីលក់ពុទ្ទ្រាក្នុង១គីឡូ៨០០០រៀល ដោយដឹកអោយគេទៀតនោះ ។
ស្ថិតក្នុងស្ថានភាពលំបាកផងនោះ លោក គីម ហេង បញ្ជាក់ថា បច្ចុប្បន្នលោកមិនមានលុយកាក់ទេ ខណៈការចំណាយអស់ច្រើន ពោលគេមកទារលុយពេលណាក៏មិនដឹង ។ លោកថា ក្រោយនិស្ស័យជាម្ចាស់ផលិតកម្មបានបញ្ចប់ លោកងាកមកស្រុកកំណើតដាំដំណាំពុទ្ទ្រា ល្ងរ ពោត សណ្តែក តែជាសំណាងមិនល្អ គឺខាតគ្រប់បែបយ៉ាង ។
ដូច្នេះបងប្អូនដែលមានបំណងចង់ទិញពុទ្ទ្រាលោក គីម ហេង អាចទិញទាក់ទងតាមលេខទូរស័ព្ទលោកបាន គឺ០១០ ៥៥៥៥ ៦៣ ។ បើងាកមកជីវិតការជ្រកក្រោមស្លាកយីហោផលិតកម្ម Kh Promotionនេះ លោកថា បានបង្តើតឡើងខ្ទង់ឆ្នាំ១៩៩៧ ហើយបិទទ្វាឆ្នាំ២០១៨ បានផលិតចម្រៀងល្បីជាច្រើនបទ ។
លើសពីនេះ លោកក៏បានផលិតភាពកំប្លែងចំនួនមួយរឿង ដែលចំណាយថវិកាខ្ទង់២០០០០ដុល្លារ និងមួយរឿងទៀតចំណាយថវិការអស់១២០០០០ដុល្លារ ក្រោមចំណងជើងថា « និស្ស័យស្នេហ៍ស្លា.ប់រស់» ដែលមានតួអ្នកនាង សុខ ស្រីមុំ និងលោកសាយ សៀរ៉ា ដែលល្បីល្បាញនាពេលកន្លងទៅនោះ ។
ទៀតសោតលោកថា កាលផលិតកាលពីពេលនោះមិនជាចំណេញណាស់ណានោះទេដូចជារឿង « និស្ស័យស្នេហ៍ស្លា.ប់រស់ » បានចាក់បញ្ចាំងតាមរោងកុនតែ២ខែប៉ុណ្ណោះ ពោលអាចទប់ទល់នឹងការចំណាយដ៏ច្រើនលើសលុប ។
លោក គីម ហេង បន្តពាក់ព័ន្ធ និងការបិទទ្វារចំពោះផលិតកម្មលោកថា គឺដោយសារបច្ចេកវិទ្យានៃការចម្លងឌីសលក់ ពោលការចំណាយថវិកាច្រើនក្នុងការផលិត ហើយគេធ្វើការចម្លងរបស់យើងដោយងាយៗ ។ លោកថា កាលអំឡុងពេលនោះដែរ គឺផលិតចម្រៀងបានប្រមាណជា ១២០០បទ ទៅ១៥០០បទ អោយតារាចម្រៀងដែលជ្រកក្រោមស្លាកយីហោងលោក ។
ជាការសរុបមកវិញ ក្រោយការប្រឈមមុខនឹងការបិទផលិតកម្មផង ចំណងអាពាហ៍ពិពាហ៍លោកក៏បានចែកផ្លូវគ្នាផងនោះ ហើយនាពេលបច្ចុប្បន្នលោកប្រឈមនឹងការលំបាកចំណាយដើមទុនទៅលើពុទ្ទ្រាទៀត ដែលមិនដឹងថា ចំណេញឬខាត ។ ទាក់ទងនឹងបញ្ហាក្នុងជីវិតទាំងនេះលោកថា កាលពីកន្លងទៅលោកធ្លាប់បាក់ទឹកចិត្ត និងគិតខ្លីច្រើនលើក តែដោយមានការលើកទឹកចិត្តពីមនុស្សជុំវិញខ្លួន លោកក៏បន្តជីវិតរស់នៅយ៉ាងសាមញ្ញដូចជាពេលនេះ ។
ក្នុងនោះដែរ លោកមានសារមួយលើកទឹកចិត្តដល់អ្នកដែលបាក់ទឹកដូចលោក « កុំគិតខ្លី ត្រូវរស់ជាមួយជីវិតយ៉ាងសាមញ្ញទើបជាការប្រសើរ »៕ ដោយ៖លីហួ គីមឆាយ
ចែករំលែកព័តមាននេះ