តារាសម្តែងមួយដួងភ្ញាក់ខ្លួនព្រឺត ព្រោះស្ងាត់ៗមានគេសងលុយ
- ភ្នំពេញ
រាជធានីភ្នំពេញ ៖ កាលពីពេលថ្មីៗនេះ តារាសម្តែងនៅក្នុងបទ «ជីវិតអ្នកក្រ» លោក សឿន វីតា បានធ្វើអោយមហាជនចាប់អារម្មណ៍លើលោកជាថ្មី ក្រោយលោកមិនដែលគេចវេចរឿងបំណុល…
រាជធានីភ្នំពេញ ៖ កាលពីពេលថ្មីៗនេះ តារាសម្តែងនៅក្នុងបទ «ជីវិតអ្នកក្រ» លោក សឿន វីតា បានធ្វើអោយមហាជនចាប់អារម្មណ៍លើលោកជាថ្មី ក្រោយលោកមិនដែលគេចវេចរឿងបំណុល ទោះតិច ឬច្រើននោះ ។
ជាការពិត តារាសម្តែងលោក សឿន វីតា ដោយកាលពីកន្លងទៅ លោកបានខ្ចីលុយពីអ្នកសិល្បៈដូចគ្នា រយៈពេលខ្ចីប្រហែល១ឆ្នាំ ដោយលោកទើបសង ហើយបង្ហោះសារយ៉ាងចុកដោតបែបនេះទៀតផង ។
តាមរយៈសំណេរដែលលោក សឿន វីតា តារាសម្តែងដែលធ្លាប់មានបងប្អូនគាំទ្រនោះ លោកបានបង្ហោះក្នុងបណ្តាញសង្គមរបស់លោក ដែលមានឈ្មោះ Soeun Vita Khmer King Food ជាភាសាអង់គ្លេសថា « សាច់រឿងពិតរបស់ខ្ញុំជាមួយប្អូនប្រុសតារាល្បីកូនកាត់ចិត្តបុណ្យម្នាក់នេះ ។ ខ្ញុំឆាតទៅសុំខ្ចីគាត់ថា ខ្ចីតែ១ថ្ងៃទេ យកមកទិញដោះគោកូន កាលពី១ឆ្នាំមុន តែ១ថ្ងៃរបស់ខ្ញុំមកដល់ពេលនេះគឺ១ឆ្នាំពេញ ទើបតែសងមិញ ទី 9/11/2024 តែប្អូនម្នាក់នេះនៅតែស្រលាញ់ខ្ញុំនឹងផ្តល់តម្លៃអោយខ្ញុំ ។ សម្រាប់ខ្ញុំជំពាក់អ្នកណាតិច ឬច្រើន ត្រូវតែសងទោះយូរ ឬឆាប់ត្រូវតែសងគេលុយគេកម្លាំងញើសឈាមគេ ។ ជូនពរអូនល្បីឈ្មោះកាន់តែខ្លាំង រៀបការហៅបងផង» ។
ជាមួយគ្នានេះដែរ លោក សឿន វីតា មិនត្រឹមតែខ្ចីមិត្តភក្តិអ្នកស្គាល់ក្នុងសិល្បៈនោះទេ ខណៈពេលថ្មីៗនេះលោកបានបង្ហោះក្នុងបណ្តាញសង្គមរបស់លោកដែលមានអ្នកសិល្បៈជាច្រើន ដែលបានជួយលោកកាលពីកន្លងទៅដែលលោកបានបង្ហោះភា្ជប់ជាមួយអ្នកសិល្បៈជាច្រើនតាមបណ្តាញសង្គមហ្វេកប៊ុកថា« ខ្ញុំមិនដែលភ្លេចគុណបងប្អូនអ្នកសិល្បៈទាំងអស់គ្នាដែលជួយសង្គ្រោះគ្រួសារខ្ញុំជួយលុយទិញដោះគោកូន ទិញអង្ករ ជួយពេលខ្ញុំវេទនា នៅច្រើននាក់ទៀតដែលជួយខ្ញុំជូនពរបងប្អូនសុខភាពល្អ ជោគជ័យ ខ្ញុំជិតឆ្លងផុតហើយនៅតែ១៥ម៉ឺនដុល្លារទៀតរួចហើយ» ។ ខណៈពេលដែលលោក សឿន វីតា ខិតខំរកលុយទាំងថ្ងៃទាំងយប់ ក្នុងមុខរបស់ចិញ្ចឹមជីវិតរបស់លោកនោះ ។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោក សួន រ៉ានីរ៉ាស៊ីនី លោកថា ពិតជាភ្ញាក់ព្រឺតចំពោះលោកផ្ទាល់ ខណៈពេលដែលលោក សឿន វីតា ដែលលោកគោរពស្រឡាញ់ទុកលោកដូចជាបងធម៌បានសងលុយ ខណៈពេលការខ្ចីយូរក្រែងដែលនោះ ។ លោក សួន រ៉ានីរ៉ាស៊ីនី ថា មូលហេតុដែលលោកមិនទារនោះព្រោះយល់ថា លោកវីតា ពិតជាមានទុក្ខលំបាកជាខ្លាំង ខណៈពេលដែលមានបំណុលជាប់ខ្លួននោះ តែលោកនៅព្យាយាមសងទោះវាតិច ឬច្រើននោះ ។
លោកថា មូលហេតុដែលលោកគោរពស្រឡាញ់លោក វីតានោះ ដោយលោកជាមនុស្សដែលរួសរាយនៅក្នុងសិល្បៈដូចជា កាលពីកន្លងទៅ ដែលលោកវីតា តែងរួសរាយជាមួយលោក ពេលដែលថតរឿងជុំគ្នានោះ ។
គួរបញ្ជាក់ដែរ ទឹកចិត្តចេះជួយគ្នាពិតជាសំខាន់ ខណៈពេលដែលម្ខាងទៀតមានទុក្ខលំបាក ពោលក្នុងជីវិតមនុស្សគ្មាននរណាសុខរហូត ទុក្ខឥតល្ហែរ សំខាន់ការតស៊ូ ថ្ងៃណាមួយគង់នឹងប្រសើរនោះ ៕ ដោយ៖លីហួ គីមឆាយ
ចែករំលែកព័តមាននេះ