ខេត្តត្បូងឃ្មុំ ៖ ភ្លៀងមួយមើលខ្លាំងលាយឡំដោយខ្យល់កន្ត្រាក់មកលើស្រុកចំនួន២ ក្នុងនោះមានពញាក្រែក និងស្រុកអូររាំងឪ ជាហេតុបណ្ដាលឱ្យលំនៅឋានរបស់ប្រជាពលរដ្ឋតូចធំ ប្រមាណជា៦០ខ្នង បានទទួលរងខូចខាតរបើកដំបូលបាក់សំយាបផ្ទះ ។ តែសំណាងល្អមិនមានអ្នកណាម្នាក់រងរបួសក្នុងហេតុការណ៍នេះទេ…
ខេត្តត្បូងឃ្មុំ ៖ ភ្លៀងមួយមើលខ្លាំងលាយឡំដោយខ្យល់កន្ត្រាក់មកលើស្រុកចំនួន២ ក្នុងនោះមានពញាក្រែក និងស្រុកអូររាំងឪ ជាហេតុបណ្ដាលឱ្យលំនៅឋានរបស់ប្រជាពលរដ្ឋតូចធំ ប្រមាណជា៦០ខ្នង បានទទួលរងខូចខាតរបើកដំបូលបាក់សំយាបផ្ទះ ។ តែសំណាងល្អមិនមានអ្នកណាម្នាក់រងរបួសក្នុងហេតុការណ៍នេះទេ ។
ប៉ុស្តិ៍រដ្ឋបាលមូលដ្ឋានឃុំដូនតី ប្រាប់ឲ្យដឹង នារសៀលថ្ងៃទី១៣ តុលាថា ភ្លៀងបានបង្អុរធ្លាក់លាយឡំដោយខ្យល់កន្ត្រាក់ នៅវេលាម៉ោង៣និង៣០នាទីរសៀល ថ្ងៃទី១២ តុលា ឆ្នាំ២០២៤ មកលើភូមិឋានរបស់ប្រជាពលរដ្ឋក្នុងនោះរួមមានៈ ឃុំដូនតី មានគ្រោះធម្មជាតិខ្យល់កន្ត្រាក់ បណ្ដាលឲ្យខូចខាតផ្ទះប្រជាពលរដ្ឋ ចំនួនសរុប៤៨ខ្នងផ្ទះ ក្នុងនោះរងការខូចខាតកម្រិតស្រាលចំនួន២៤ខ្នងផ្ទះស្ថិតនៅក្នុងភូមិមាន ៖ ១.ភូមិអង្គលើ.២៧ខ្នងផ្ទះ ២.ភូមិអង្គក្នុង.០៩ខ្នងផ្ទះ ៣.ភូមិអង្គក្រៅ.១២ខ្នងផ្ទះ។
សមត្ថកិច្ចមូលដ្ឋានប្រាប់បន្តឲ្យដឹងទៀតថា ភ្លៀងដែលបានធ្លាក់ចុះមកនេះគឺពិតជាកម្រជួបប្រទះនាពេលកន្លងទៅដោយលាយឡំខ្យល់កន្ត្រាក់ខុសប្លែកពីធម្មតា គឺភ្លៀងប្រហែលមួយម៉ោងឯណោះ ។ បន្ទាប់ពីភ្លៀងរួច ។ មេភូមិបាន ឬ ជូនរដ្ឋបាលមូលដ្ឋានឲ្យបានដឹងពីខេត្តការណ៍ខូចខាតលំនៅដ្ឋានរបស់ប្រជាពលរដ្ឋក្នុងភូមិទាំងបី ។ រហូតមកដល់ថ្ងៃទី១៣ តុលា ខាងមន្ត្រីសាលាស្រុកពញាក្រែកបានចុះស្រង់ស្ថិតិតាមលំនៅឋានខ្នងផ្ទះ ដែលរងការខូចខាត ដើម្បីត្រៀមចែកអំណោយជូនដល់ពួកគាត់ផងដែរ។
ចំណែកលោកជា ណារុន អភិបាលស្រុកអូរាំងឪ ប្រាប់ឲ្យដឹងដែរថា ល្ងាចថ្ងៃទី១២ ខែតុលា ឆ្នាំ២០២៤ ខ្យល់កន្ត្រាក់ខូចខាតផ្ទះចំនួន ១២ខ្នងផ្ទះ និងសួនកីឡារបស់សាលារៀន១រលំ ២ខ្នងផ្ទះ និងរលំសួនកីឡាសាលារៀន១ខ្នង របើកដំបូល១០ខ្នងផ្ទះ ។
ក្រោយពីទទួលបានព័ត៌មាននេះពីលោកមេឃុំតម្រិល រូបលោកបាននាំយកអំណោយកាកបាទក្រហមទៅចែកជូនដល់ពលរដ្ឋរងគ្រោះយ៉ាងនេះដោយធ្វើឡើង នារសៀលថ្ងៃទី១៣ តុលា ឆ្នាំ២០២៤ ។
ជាមួយនោះអាជ្ញាធរក៏បានណែនាំដល់ពលរដ្ឋដែលមានផ្ទះតូចមិនធានាសុវត្ថិភាពពេលដែលមានភ្លៀងធ្លាក់ត្រូវរកកន្លែងជ្រកកោននៅផ្ទះអ្នកជិតខាងជៀសវាងបង្ការកុំឲ្យមានគ្រោះថ្នាក់កើតឡើង៕
ចែករំលែកព័តមាននេះ