កម្ពុជា ស្នើសុំឱ្យរដ្ឋាភិបាលអូស្ត្រាលី គាំទ្របន្ថែមដល់ការងារបោសសម្អាតមីន
បុរីញូវយ៉ក ៖ ថ្ងៃទី១០ ខែតុលា ឆ្នាំ២០២៤ ឯកឧត្ដម ទេសរដ្ឋមន្ត្រី លី ធុជ អនុប្រធានទី១…
បុរីញូវយ៉ក ៖ ថ្ងៃទី១០ ខែតុលា ឆ្នាំ២០២៤ ឯកឧត្ដម ទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន ជួបសម្តែងការគួរសមជាមួយលោកជំទាវ Amanda Gorely ឯកអគ្គរដ្ឋទូតអូស្ត្រាលី ប្រចាំអង្គការសហប្រជាជាតិ បុរីញូវយ៉ក សហរដ្ឋអាមេរិក ។
ក្នុងជំនួបនោះ ឯកឧត្ដមទេសរដ្ឋមន្ត្រី បានថ្លែងអំណរគុណដល់ប្រទេសអូស្ត្រាលី សម្រាប់ការគាំទ្រដល់ភាពជាប្រធានរបស់កម្ពុជា និងជាម្ចាស់ផ្ទះរៀបចំកិច្ចប្រជុំត្រួតពិនិត្យឡើងវិញលើកទី៥ ឬកិច្ចប្រជុំកំពូលសៀមរាប-អង្គរ នៃអនុសញ្ញាអូតាវ៉ា ។
តាងនាមសម្តេចធិបតី នាយករដ្ឋមន្ត្រី ឯកឧត្ដម ទេសរដ្ឋមន្ត្រី បានស្នើសុំឱ្យរដ្ឋាភិបាល នៃប្រទេសអូស្ត្រាលី បន្តគាំទ្រដល់ការអភិវឌ្ឍ និងការកាត់បន្ថយភាពក្រីក្រនៅកម្ពុជា រួមទាំងគាំទ្របន្ថែមដល់ការងារបោសសម្អាតមីន តាមរយៈគម្រោងបោសសម្អាតមីន ។
ជាមួយគ្នានោះ ឯកឧត្ដម ប្រធានអនុសញ្ញាអូតាវ៉ា ក៏បានស្នើសុំដល់ប្រទេសអូស្រា្តលី ជួយជំរុញលើកទឹកចិត្តដល់ប្រទេសដីកោះ តំបន់ប៉ាស៊ីហ្វិក ឱ្យគាំទ្រ និងចូលរួមជាមួយអនុសញ្ញាអូតាវ៉ា ៕
ចែករំលែកព័តមាននេះ