ខេត្តស្ទឹងត្រែង៖ ខេត្តស្ទឹងត្រែងជាខេត្តមួយដែលស្ថិតនៅប៉ែកភូមិភាគឥសាន្ត និងជាប់ប្រទេសជិតខាង ដែលកំពុងរកផលប៉ះពាល់យ៉ាងធ្ងន់ធ្ងរពីគ្រោះធម្មជាតិដោយសារខ្យល់ព្យុះនិងការធ្លាក់ភ្លៀងជោគជាំបណ្ដាលឲ្យមានការជនលិចហេដ្ឋារចនាសម្ព័ន្ធដោយសារជំនន់ទឹកភ្លៀង ។
ជាមួយគ្នានេះខេត្តស្ទឹងត្រែងក៏បានជះឥទ្ធិពលនៅចំហាយគ្រោះធម្មជាតិនេះផងដែរ ដោយរយៈពេលប៉ុន្មានថ្ងៃកន្លងមកនេះមានការធ្លាក់ភ្លៀងជោគជាំជាបន្តបន្ទាប់ ធ្វើឲ្យជំនន់ទឹកភ្លៀងបានជនលិចនៅហេដ្ឋារចនាសម្ព័ន្នក្នុងថាឡាបរិវ៉ាត់មួយចំនួន តែមិនបណ្ដាលឲ្យរងគ្រោះធ្ងន់ធ្ងរនោះឡើយ។
លោក សរ សុពុត្រា អភិបាលនៃគណៈអភិបាលខេត្តលោកមានប្រសាសន៍ប្រាប់កោះសន្តិភាពថា៖នៅស្រុកថាឡាបរិវ៉ាត់មួយគោលដៅទេដែលកំពុងជនលិចនោះដោយសារជំនន់ទឹកភ្លៀង តែការជន់លិចនេះរយៈពេលខ្លីប្រសិនជាប៉ុន្មានថ្ងៃនេះអត់មានភ្លៀង ទឹកនឹងហូចូលទន្លេវិញ។
លោក ម៉ែន គុង នាយរងរដ្ឋបាលខេត្តនិងជាអ្នកនាំពាក្យសាលាខេត្តស្ទឹងត្រែងបានបញ្ជាក់ដែរថា៖ទាក់ទងទៅនឹងរឿងជំនន់ទឹកភ្លៀងក្នុងរយៈពេលប៉ុន្មានថ្ងៃនេះនៅក្នុងខេត្តស្ទឹងត្រែងរបស់យើងក៏រងឥទ្ធិពលដែរនៅក្នុងនោះមានផលប៉ះពាល់មួយផ្នែក ភាគច្រើនប៉ះពាល់ទៅលើហេដ្ឋារចនា
សម្ព័ន្ធនិងផ្ទៃដីបង្កបង្កើនផលខ្លះដែលធ្លាប់ជួបប្រទះកន្លងមក គឺនៅឃុំស្រែឫស្សី ឃុំអូរី ឃុំថាឡាបរិវ៉ាត់ ហើយផលប៉ះពាល់នេះមួយចំនួនតូចទេ ហើយទឹកក៏បានឡើងហ៊ាហូរចូលក្រោមផ្ទះប្រជាពលរដ្ឋនិងមួយចំនួនទៀតប៉ះពាល់ដល់ដំណើរការប្រកបមុខរបរនិងការធ្វើដំណើរចរាចរណ៍របស់ប្រជាពលរដ្ឋនៅក្នុងឃុំទាំងបីក្រៅពីនោះនៅពុំមានផលប៉ះពាល់អ្វីនៅឡើយទេ ។
យោងតាមរបាយការណ៍របស់លោក លំ សេរីគុត ប្រធានមន្ទីរធនធានទឹកខេត្តស្ទឹងត្រែងអោយដឹងថាគិតត្រឹមរសៀលម៉ោង២និង០០នាទីថ្ងៃទី១៥ ខែកញ្ញា ឆ្នាំ២០២៤ កំពស់ទឹកទន្លេមេគង្គ (កំពស់ប្រកាសអាសន្ន ១១.៣០ ម)
១-នៅស្ថានីយ៍ ស្ទឹងត្រែង
-ម្សិលមិញកំពស់ ៧.៩៤ ម
-ថ្ងៃនេះកំពស់ ៨.៧៩ ម
-កំពស់ទឹកឡើង ០.៨៥ ម
-កំពស់ទឹកប្រុងប្រយ័ត្ន ១០.៧០ ម
កំពស់ទឹកទន្លេសេសាន
(កំពស់ទឹកប្រកាសអាសន្ន១០.៥០ម)
២-នៅស្ថានីយ៍សេសាន
-ម្សិលមិញកំពស់ ៦.០២ ម
-ថ្ងៃនេះកំពស់ ៧.១៤ ម
-កំពស់ទឹកឡើង ១.១២ ម
-កំពស់ទឹកប្រុងប្រយ័ត្ន ៩.៩០ ម
កំពស់ទឹកទន្លេសេកុង
(កំពស់ទឹកប្រកាសអាសន្ន ១២ ម)
៣-ស្ថានីយ៍សៀមប៉ាង
-ម្សិលមិញកំពស់ ៥.៣៩ ម
-ថ្ងៃនេះកំពស់ ៦.៤៤ ម
-កំពស់ទឹកឡើង ១.០៥ ម
-កំពស់ទឹកប្រុងប្រយ័ត្ន ១១.៥០ម
ប្រសិនបើភ្លៀងបន្តធ្លាក់ទឹកនឹងហក់ឡើង ទោះបីយ៉ាងណារដ្ឋបាលខេត្ត
កំពុងយកចិត្តទុកដាក់ខ្ពស់បំផុតទៅលើសភាពបច្ចុប្បន្ននិងចំពោះមុខ៕
ចែករំលែកព័តមាននេះ