នៅក្នុងវ័យ ៥៩ ឆ្នាំ លោកស្រី កាម៉ាឡា ហារីស នឹងជាស្ត្រីដែលកាន់ដំណែងអនុប្រធានាធិបតីអាមេរិកដែលជាតំណែងដ៏ឈឺក្បាល មួយនៅលើពិភពលោក ប៉ុន្តែលោកស្រីនៅតែមានសម្រស់ស្រស់ស្អាតមួយរូប ។…
នៅក្នុងវ័យ ៥៩ ឆ្នាំ លោកស្រី កាម៉ាឡា ហារីស នឹងជាស្ត្រីដែលកាន់ដំណែងអនុប្រធានាធិបតីអាមេរិកដែលជាតំណែងដ៏ឈឺក្បាល មួយនៅលើពិភពលោក ប៉ុន្តែលោកស្រីនៅតែមានសម្រស់ស្រស់ស្អាតមួយរូប ។
មកដល់ពេលនេះលោកស្រីត្រូវបានគេចាត់ទុកថា គឺជាកំពូលមនុស្សម្នាក់នៅលើពិភពលោក នេះដោយសារតែលោកស្រី គឺជាស្ត្រីស្បែកខ្មៅដំបូងគេដែលបានក្លាយជាបេក្ខនារីប្រជែង តំណែងប្រធានាធិបតីអាមេរិកនៅក្នុងខែវិច្ឆិកា ដែលកំពុងតែប្រជែងតំណែងជាមួយនឹងលោក ដូណាល់ ត្រាំ។
លោកស្រី ហារីស បានកសាងភាពភ្ញាក់ផ្អើលម្តងហើយកាលពីថ្ងៃទី ២០ ខែមករា ឆ្នាំ ២០២១ ដែលបានក្លាយជាស្ត្រីជនជាតិស្បែកខ្មៅ និងជាជនជាតិអាមេរិកដើមកំណើតអាស៊ីខាងត្បូងដំបូងគេដែលបានក្លាយជាអនុប្រធានាធិបតីសហរដ្ឋអាមេរិក។
លោកស្រី ហារីស កើតថ្ងៃទី ២០ ខែតុលា ឆ្នាំ ១៩៦៤ នៅទីក្រុងអុកឡែន ( Oakland) រដ្ឋកាលីហ្វ័ញ៉ា សហរដ្ឋអាមេរិក ហើយក្លាយ ជាអនុប្រធានាធិបតីទី ៤៩ របស់សហរដ្ឋអាមេរិក នៅក្នុងរដ្ឋបាលប្រជាធិបតេយ្យរបស់ លោក ចូ បៃដិន។
នៅមុនកាន់តំណែងនេះ លោកស្រីក៏ជាកំពូលស្ត្រីឆ្នើមម្នាក់ដែលធ្លាប់បម្រើការនៅព្រឹទ្ធសភាសហរដ្ឋអាមេរិក ២០១៧-២០២១ និងជាអគ្គព្រះរាជអាជ្ញារនៃរដ្ឋកាលីហ្វ័រញ៉ា ២០១១-២០១៧។
លោកស្រី ហារីស ត្រូវបានគេដឹងថា គឺជាកូនស្រីម្នាក់នៅក្នុងចំណោមកូនស្រី២នាក់របស់លោកស្រី ស៊ីយ៉ាម៉ាឡា ហ្គោប៉ាឡាន (Shyamala Gopalan) ដែលជាជនជាតិឥណ្ឌា និង លោក ដូណាល់ ហារីស (Donald Harris) ដែលជាជនជាតិស្បែកខ្មៅមកពីប្រទេសហ្សាម៉ាអ៊ីក ។
ម្តាយឪពុករបស់លោកស្រី ហារីស បានជួបគ្នានៅសហរដ្ឋអាមេរិកនៅពេលដែលពួកគេមករៀន នៅសហរដ្ឋអាមេរិកនៅក្នុងឆ្នាំ១៩៦២ ហើយពួកគេទាំងពីរបានរៀបការនឹងគ្នា ប៉ុន្តែបាន បែកបាក់គ្នាវិញ នៅក្នុងឆ្នាំ ១៩៧២ ។
លោកស្រី ហារីស ធំធាត់និងដឹងក្តីជាមួយម្តាយ ដូច្នេះហើយលោកស្រី បានរក្សាទំនាក់ទំនងយ៉ាងជិតស្និទ្ធជាមួយក្រុមគ្រួសារជនជាតិឥណ្ឌារបស់លោកស្រី ។ លោកស្រី តែងតែធ្វើដំណើរជាមួយម្តាយ និងប្អូនស្រីរបស់លោកស្រីទៅកាន់ទីក្រុង ចេនណៃ ( Chennai )រដ្ឋធានីនៃរដ្ឋ តាមីលណាឌូ ភាគខាងត្បូងនៃប្រទេសឥណ្ឌា។
លោកស្រីហារីស ត្រូវបានគេដឹងថា គឺជានិស្សិតផ្នែកវិទ្យាសាស្ត្រនយោបាយ និងសេដ្ឋកិច្ចនៅសាកលវិទ្យាល័យ ហាវ័ត។
លោកស្រី ហារីស បានរៀបការនៅក្នុងឆ្នាំ២០១៤ ជាមួយនឹងលោក ព្រះរាជអាជ្ញា ឌូ អេមហូស (Doug Emhoff) ក្រោយពេលដែលពួកគេបានជួបគ្នានិងធ្វើការណាត់ជួបគ្នាដោយចៃដន្យនៅក្នុងឆ្នាំ២០១៣ ។ នៅក្នុងជីវិតអាពាហ៍ពិពាហ៍លោកស្រី ហារីស មិនមានកូនឡើយ ប៉ុន្តែជាអ្នកមើលថែរក្សាកូនលោក អេមហូស ពីរនាក់ ។
នៅមុនក្លាយជាបុគ្គសាធារណៈលោកស្រីបានដឹកនាំការតស៊ូដើម្បីសេរីភាពរបស់ស្ត្រីនៅក្នុងសង្គមអាមេរិក សេរីភាពក្នុងការរស់នៅដោយសុវត្ថិភាពពីអំពើហិង្សាដោយកាំភ្លើង និង ជាសកម្មជននៅក្នុងយុទ្ធនាការជាច្រើននៅលើពិភពលោកនិងសង្គមអាមេរិក ៕
ចែករំលែកព័តមាននេះ