រាជធានីភ្នំពេញ ៖ បុរសជាអ្នកដឹកអីវ៉ាន់តាមអនឡាញម្នាក់ បានបាត់បង់ជីវិត ខណៈពេលដែលជិះម៉ូតូមួយគ្រឿង ជួបគ្រោះថ្នាក់ចរាចរណ៍ បុកជាមួយរថយន្តម៉ាក ម៉ាស្ដា មួយគ្រឿង ពេញទំហឹង…
រាជធានីភ្នំពេញ ៖ បុរសជាអ្នកដឹកអីវ៉ាន់តាមអនឡាញម្នាក់ បានបាត់បង់ជីវិត ខណៈពេលដែលជិះម៉ូតូមួយគ្រឿង ជួបគ្រោះថ្នាក់ចរាចរណ៍ បុកជាមួយរថយន្តម៉ាក ម៉ាស្ដា មួយគ្រឿង ពេញទំហឹង ។
ហេតុការណ៍គ្រោះថ្នាក់នេះ បានកើតឡើងកាលពីវេលាម៉ោងប្រមាណ០៣និង៣០នាទីរសៀលថ្ងៃទី២៧ ខែសីហា ឆ្នាំ២០២៤ នៅចំណុចផ្លូវអភិវឌ្ឍន៍ (ក្បែរមជ្ឈមណ្ឌលOCIC) ក្នុងភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ ។
ជនរងគ្រោះ ដែលបានស្លា.ប់នៅក្នុងគ្រោះថ្នាក់ចរាចរណ៍នោះ មានឈ្មោះ នួន ហាន់ណាហ្វី ភេទប្រុស អាយុ២៩ឆ្នាំ ជនជាតិខ្មែរអ៊ិស្លាមមុខរបរជាអ្នកដឹកអីវ៉ាន់ online មានលំនៅនៅផ្ទះលេខ១៨០៦F ផ្លូវជាតិលេខ៥ភូមិឃ សង្កាត់ច្រាំងចំរេះទី២ ខណ្ឌឬស្សីកែវ រាជធានីភ្នំពេញ ។
តាមសាក្សី បានអោយដឹងថា នៅមុនពេលកើតុហេតុ គេឃើញជនរងគ្រោះ បានជិះម៉ូតូម៉ាកឃ្លីក Honda click ពណ៌ស លាយខ្មៅពាក់ស្លាកលេខ ភ្នំពេញ 1HE-1868 មួយគ្រឿង តែម្នាក់ឯងធ្វើដំណើរតាមផ្លូវអភិវឌ្ឍន៍ នៅក្នុងទិសដៅ ពីត្បូងទៅជើង ក្នុងល្បឿនលឿន។ នៅពេលធ្វើដំណើរមកដល់កន្លែងកើត ក៏បានបុកជាមួយរថយន្តម៉ាកម៉ាស់ស្តា មួយគ្រឿង ពាកស្លាកលេខ ភ្នំពេញ2BN-6958 ដែលធ្វើដំណើរក្នុងទិសដៅពីកើតទៅលិច ពេញទំហឹង បណ្តាលអោយជនរងគ្រោះបោកក្បាលរងរបួសធ្ងន់។ ភ្លាមៗជនរងគ្រោះត្រូវរថយន្តសាម៉ុយ ទៅដល់កន្លែងកើតហេតុ ប្រុងបញ្ជូនទៅសង្គ្រោះ តែអកុសលដាច់ខ្យល់ស្លាប់នៅកន្លែង។ បន្ទាប់ពីកើតមានគ្រោះថ្នាក់ អ្នកបើកបររថយន្ត ត្រូវនគរបាលឃាត់ខ្លួន ។
រថយន្ត រួមទាំងអ្នកបើកបរ និងម៉ូតូ ត្រូវនគរបាលការិយាល័យចរាចរណ៍ផ្លូវគោក បញ្ជូនទៅកាន់ការិយាល័យ ដើម្បីចាត់ការតាមច្បាប់ ។ ស.ពត្រូវបានក្រុមគ្រួសារនាំយកទៅធ្វើបុណ្យតាមប្រពៃណី ៕
ចែករំលែកព័តមាននេះ