ខេត្តស្ទឹងត្រែង ៖ នៅព្រឹកថ្ងៃទី២៣ ខែសីហា ឆ្នាំ២០២៤នេះ ព្រះអង្គធម្មវនវាសីបណ្ឌិត ចន្ទ មុនី បាននិមន្តសម្តែងធម៌ទេសនានៅវត្តស្រះកែវមុន្នីវណ្ណ ដោយបានទទួលបដិសណ្ឋារកិច្ចពីសំណាក់ថ្នាក់ដឹកនាំខេត្ត…
ខេត្តស្ទឹងត្រែង ៖ នៅព្រឹកថ្ងៃទី២៣ ខែសីហា ឆ្នាំ២០២៤នេះ ព្រះអង្គធម្មវនវាសីបណ្ឌិត ចន្ទ មុនី បាននិមន្តសម្តែងធម៌ទេសនានៅវត្តស្រះកែវមុន្នីវណ្ណ ដោយបានទទួលបដិសណ្ឋារកិច្ចពីសំណាក់ថ្នាក់ដឹកនាំខេត្ត មន្ត្រីរាជការ រួមនិងប្រជាពុទ្ធបរិស័ទយ៉ាងច្រើនកុះករ ។
បន្ទាប់ពីសម្តែងធម៌ទេសនាចប់ព្រះព្រះអង្គធម្មវនវាសីបណ្ឌិត ចន្ទ មុនី បានបន្តទៅកាន់ព្រំដែនកម្ពុជា-ឡាវ ចំណុចបង្គោលលេខ០៣៨ និងនិមន្តទៅកានច្រកទ្វារអន្តរជាតិត្រពាំងគ្រៀល ព្រមទាំងចូលទស្សនាស្តូបអនុស្សាវរីយ៍ព្រះបរមរតនកោដ្ឋនៅក្នុងស្រុកបុរីអូរស្វាយសែនជ័យរួចមក ក៏បាននិមន្តចូលទៅប្រាសាទព្រះគោស្ថិតនៅស្រុកថាឡាបរិវ៉ាត់ដោយមានប្រជាពលពុទ្ធបរិស័ទរាប់ពាន់នាក់ រង់ចាំទទួលស្វាគមន៍ព្រះអង្គ សុំពរជ័យសេរីសួរស្តីផងដែរ ។
ខណៈព្រះអង្គបណ្ឌិត ទស្សនៈកិច្ចបង្គោលព្រំដែនកម្ពុជា- ឡាវ ព្រះអង្គបានមានថេរដិការថាៈបើយុវជនយើងស្នេហាជាតិ សូមកុំស្នេហាតែបបូរមាត់ សូមឲ្យមានមនសិការនិងឆន្ទៈក្នុងការការពារបូរណភាពទឹកដីតាមរយៈការអនុវត្តសកម្មភាពជាក់ស្តែង ។ព្រះអង្គមានថេរដិការបន្តថាៈបើយុវជន ក៏ដូចជាប្រជាពលរដ្ឋដែលមានឈាមជ័រជាខ្មែរសូមចូលរួមការពារបូរណភាពទឹកដីទាំងអស់គ្នា ដោយធ្វើការសិក្សាឈ្វេងយល់អំពីកិច្ចសហប្រតិបត្តិការ អភិវឌ្ឍន៍តំបន់ត្រីកោណកម្ពុជា-វៀតណាម-ឡាវ ដែលពាក់ព័ន្ធនិងព្រំដែនឲ្យបានច្បាស់លាស់ ជៀសវាងការឈ្លោះគ្នាដោយមិនបានយល់ច្បាស់ និងជឿលើការញុះញុងឲ្យមានការប្រឆាំងនិងរាជរដ្ឋាភិបាល ។
គួរបញ្ជាក់ថា នៅពេលថ្មីៗនេះរាជរដ្ឋាភិបាលបានថ្លែងសារលើកទឹកចិត្តឲ្យប្រជាពលរដ្ឋក្នុងព្រះរាជាណាចក្រកម្ពុជា ធ្វើដំណើរមកទស្សនានៅតាមតំបន់ព្រំដែនដោយមិនអស់ចំណាយថវិកាផ្សេងៗក្នុងពេលទស្សនាកម្សាន្ត តាមរយៈទទួលស្វាគមន៍ពីសំណាក់អាជ្ញាធរខេត្តផងដែរ ៕
ចែករំលែកព័តមាននេះ