ខេត្តកំពត ៖ អាជ្ញាធរខេត្តកំពត កាលពីព្រឹកថ្ងៃទី22 ខែសីហា ឆ្នាំ2024 បានរៀបចំពិធីក្រុងពាលីដំឡើងនាឡិការកម្ពស់35ម៉ែត្រ និងរង្វង់មុខ10ម៉ែត្រដាក់ជាប់និងដងព្រែកកំពត ស្ថិតនៅភូមិអង្គសង្កាត់ត្រើយកោះ ក្រុងកំពត…
ខេត្តកំពត ៖ អាជ្ញាធរខេត្តកំពត កាលពីព្រឹកថ្ងៃទី22 ខែសីហា ឆ្នាំ2024 បានរៀបចំពិធីក្រុងពាលីដំឡើងនាឡិការកម្ពស់35ម៉ែត្រ និងរង្វង់មុខ10ម៉ែត្រដាក់ជាប់និងដងព្រែកកំពត ស្ថិតនៅភូមិអង្គសង្កាត់ត្រើយកោះ ក្រុងកំពត ខេត្តកំពត ។
នៅក្នុងពិធីរៀបចំក្រុងពាលីដំឡើងនាឡិការខ្នាតធំចម្បើមនោះ ឯកឧត្តមម៉ៅ ធនិន អភិបាលខេត្តកំពត រួមទាំងលោកជំទាវហ៊ុន ចាន់ធី លោកអភិបាលរងខេត្តស្រុកចូលរួម ប៉ុន្តែឯកឧត្តមអភិបាលខេត្តមិនមានប្រសាសន៍នោះទេ ព្រោះឯកឧត្តមម៉ៅ ធនិន មានប្រសាសន៍រួចហើយនៅក្នុងពិធីចែកប្លង់កម្មសិទ្ធដីធ្លីជូនពលរដ្ឋនៅស្រុកបន្ទាយមាសកាលពីព្រឹកថ្ងៃទី២១ ខែសីហា ឆ្នាំ2024ថា ខាងខេត្តយើងមានតំឡើងការមួយទៀតដែលមានកម្ពស់35ម៉ែត្រនិងមុខមានទំហំខ្វះបន្តិច10ម៉ែត្រ។
ឯកឧត្តមម៉ៅ ធនិន មានប្រសាសន៍ថាមានតែខេត្តយើងទេដែលមាននាឡិការខ្ពស់ជាងគេ ។
ឯកឧត្តមម៉ៅ ធនិន មានប្រសាសន៍បន្តថាការដំឡើងនាឡិការដ៍ធំនិងខ្ពស់នេះពិតជាបានទាក់ទាញភ្ញៀវទេសចរណ៍មិនខានឡើយ ។ ចំណែករូបសំណាកសេះសមុទ្របាញ់ទឹកនៅមុខសាលាខេត្តឥឡូវ គ្រាន់តែឈរមុខសាលាខេត្តចោលភ្នែកទៅត្រើយកោះក៍អាចមើលនាឡិការខ្នាតយក្សនេះបានដែរ ៕
ចែករំលែកព័តមាននេះ