តារាសម្តែងលោក ខាត់ វ៉ៃហាំង បានចាត់ទុកការបង្ហាញវត្តមានសម្តែងរបស់តារាចម្រៀងរ៉េប លោក វណ្ណដា នៅក្នុងព្រឹត្តការណ៍បិទកីឡាអូឡាំពិកនៅប្រទេសបារាំង មិនមែនកើតឡើងដោយភាពចៃដន្យ និងងាយស្រួលនោះឡើយ ពោលគឺកើតឡើងដោយសមត្ថភាព…
តារាសម្តែងលោក ខាត់ វ៉ៃហាំង បានចាត់ទុកការបង្ហាញវត្តមានសម្តែងរបស់តារាចម្រៀងរ៉េប លោក វណ្ណដា នៅក្នុងព្រឹត្តការណ៍បិទកីឡាអូឡាំពិកនៅប្រទេសបារាំង មិនមែនកើតឡើងដោយភាពចៃដន្យ និងងាយស្រួលនោះឡើយ ពោលគឺកើតឡើងដោយសមត្ថភាព ទេពកោសល្យ និងការដាក់គោលដៅពីជំហានមួយទៅជំហានមួយ រហូតឈានដល់ភាពជោគជ័យ ។
តារារូបនេះបានលើកឡើងតាមរយៈសំណេរបង្ហោះតាមបណ្តាញសង្គមថា «ថ្ងៃនេះមានមោទភាពណាស់ ចំពោះកូនខ្មែរ🇰🇭 លោក Vann Da – វណ្ណដា តារារ៉េប កម្ពុជាដ៏ល្បី ផ្ដល់ព្រឹត្តការណ៍មួយនេះ សំរាប់កម្ពុជា 🙏 ព្រឹត្តការណ៍អស្ចារ្យៗ បែបនេះ មិនមែនចេះតែ កើតឡើងដោយចៃដន្យ ហើយចេះតែកើតឡើងដោយងាយៗនោះទេ ។
លោកបញ្ជាក់ថា មិនមែនចូលរួមទស្សនាទេ តែគាត់ឈរច្រៀងចម្រៀងខ្មែរ លើកឆាកកម្មវិធីពិភពលោក ដែលមនុស្សទូទាំងពិភពលោកកំពុងទស្សនា ជឿថាវាក៏ជាក្ដីស្រមៃសំរាប់តារាចម្រៀងទូទាំងពភពលោក ។
លោកថា លោក វណ្ណដា គាត់បានសាងភាពល្បីល្បាញ ដោយដាក់សមត្ថភាពជាដើមទុន ឈរលើចក្ខុវិស័យ ស្រលាញ់ បង្កើតថ្មី មិនរើសអើង តូចទាប ក្រីក្រ ផ្ដល់កំលាំងចិត្ត បំពេញក្ដីស្រមៃ ដុតបំផ្លាញភាពទន់ខ្សោយ បង្កើន បង្កើតឆន្ទៈ ដល់កូនខ្មែរនូវក្ដីសង្ឃឹម ដែលនិង អាចធ្វើបាន ហើយបង្ហាញអោយឃើញថា ឱកាស និងមានសំរាប់អ្នក មិនថាពិភពលោកធំប៉ុណ្ណា ហ៊ានប្រើចំណេះចំណាញខ្លួន អោយចំគោលដៅ ដូចគាត់ជាតារាចម្រៀងរ៉េបម្នាក់ដែល សាង Credit ពីមួយជំហានទៅមួយជំហាន។
លោកបន្ថែមថា ដូចគ្រប់គ្នាបានឃើញកន្លងមកហើយ ឆ្ពោះជំហានបានយ៉ាងល្អ ដែលគ្រប់គ្នាស្មានមិនដល់និយាយថា (មោទនភាព) ថ្ងៃនេះគាត់ទៅដល់ហើយ ហើយធ្វើវា ឈរច្រៀងលើឆាក កម្មវិធីលំដាប់ពិភពលោក🌏 ក្នុងនាម តារារ៉េបដ៏ល្បីក្នុងតំបន់ Asia សញ្ជាតិខ្មែរ មកពីប្រទេកម្ពុជា 🇰🇭 បង្ហាញខ្លួន ក្នុងព្រឹត្តការណ៍បិទការប្រកួតកីឡាអូឡាំពិករដូវក្តៅ ក្រុងប៉ារីស ប្រទេសបារាំង ឆ្នាំ២០២៤ យ៉ាងអស្ចារ្យ 👏។
បើតាមលោកខាត់ វ៉ៃហាំង ពាក្យថា (ល្បី) ល្បីបែបណាក៏មាន តែ (ល្បីដោយការសាង និងសន្សំ credit ល្អៗ ហើយចេញពីមាត់អ្នកគាំទ្រ ) បង្កើតព្រឹត្តការណ៍ អស្ចារ្យសំរាប់ជាតិ ហើយ ទទួលបានការគាំទ្រ មិនចេះរីងស្ដួត ទាំងនេះជារូបមន្ត សំរាប់ទំពាំងស្នងឫស្សីគួរតែទុកជាគំរូ គឺ វាមានតំលៃណាស់ ដូចគាត់ចឹង មិនចាំបាច់បង្ខំ អោយនរណាសសើរ ស្ញប់ស្ញែង ជួយផ្សព្វផ្សាយទេ តែឥទ្ធិពល និងអ្វីគាត់កំពុងធ្វើ គាត់បានឆក់យកបេះដូងអ្នកគាំទ្រ និង ជនជាតិកម្ពុជា បានចូលរួមស្ម័គ្រចិត្តធ្វើវា ដោយចេញពីចិត្ត បេះដូង និងដោយមានមោទនភាព ចំពោះគាត់ និងក្រុមការងារគាត់ផងដែរ ។
ជូនពរ លោក វណ្ណដា និង ក្រុមការងារមានសុខភាពល្អ សំណាងល្អ និងកាន់តែជោគជ័យ 🙏និងកីឡាករកម្ពជា ដែលបានចូលរួមក្នុងព្រឹត្តការណ៍ ការប្រកួតកីឡាអូឡាំពិករដូវក្តៅ ក្រុងប៉ារីស ប្រទេសបារាំង ឆ្នាំ២០២៤ ដូចគ្នា 🙏🇰🇭។« ខ្ញុំសុំទោសទុកជាមុន បើសិនសំនេរខ្ញុំ មានត្រង់ណាមិនសមរម្យ នេះគ្រាន់ជាការមើលឃើញរបស់ខ្ញុំប៉ុណ្ណោះ ហើយ ក៏ចង់អបអរសាទ និង អគុណ លោក វណ្ណដា » ៕
ចែករំលែកព័តមាននេះ