(កូរ៉េខាងត្បូង)៖ ព័ត៌មាន​អំពី​ការ​មាន​ផ្ទៃពោះ​របស់ HyunA បាន​ផ្សព្វផ្សាយ​លើ​បណ្តាញ​សង្គម​ក្នុង​រយៈពេល​ប៉ុន្មាន​ថ្ងៃ​ចុងក្រោយ​នេះ។ ទោះ​ជា​យ៉ាង​ណា​ក្រុមហ៊ុន​របស់​តារា​ចម្រៀង​រូប​នេះ​បាន​បដិសេធ។

HyunA ដែលបានប្រកាសត្រៀម​រៀប​ការ​ជាមួយ​តារា​ចម្រៀង Yong Jun Hyung ថ្មីៗ​នេះ​ព័ត៌មាន​អំពី​ការ​ពពោះ​របស់​តារា​ចម្រៀង​ស្រី​រូប​នេះ​បាន​សាយ​ភាយ​ពេញ​បណ្ដាញ​សង្គម។ នៅថ្ងៃទី២៩ ខែកក្កដា ក្រុមហ៊ុនគ្រប់គ្រងរបស់ HyunA ឈ្មោះ At Area បានប្រាប់ Star News ថា «ពាក្យចចាមអារ៉ាមអំពីការមានផ្ទៃពោះរបស់ HyunA គឺគ្មានមូលដ្ឋានទាំងស្រុង។ យើងសង្ឃឹមថាព័ត៌មានមិនពិតបែបនេះមិនបន្តរីករាលដាលផ្សព្វផ្សាយទៀតឡើយ»។

ពាក្យ​ចចាមអារ៉ាម​នេះ​បាន​កើត​ឡើង​ដោយ​សារ​ក្នុង​កម្មវិធី​មួយ​កាល​ពី​ពេល​ថ្មីៗ​នេះ HyunA លែងសូវបញ្ចេញក្បាច់រាំ ជាពិសេស តារាចម្រៀងស្រីរូបនេះបានសម្តែងនៅឆាក Summer Night Race ដែលធ្វើឡើងនៅថ្ងៃទី១៣ ខែកក្កដានាងបានសម្តែងបទចម្រៀងដូចជា Bubble Pop, I’m Not Cool និង RED ។

ទោះជាយ៉ាងណាក៏ដោយ HyunA បានបង្ហាញអាកប្បកិរិយាខុសប្លែកពីគេ ដោយនិយាយថា មានភាពស្ងប់ស្ងាត់ និងសុភាពជាងមុន។ តារា​ចម្រៀង​ស្រី​រូប​នេះ​បានពុំសូវមាន​ចលនា និង​កាត់​បន្ថយ​ក្បាច់​រាំពិបាកៗច្រើន។

HyunA ត្រៀម​រៀបការ​ជាមួយ Yong Jun Hyung ក្រោយ​ទាក់ទង​គ្នា​ជា​សាធារណៈ​រយៈពេល ៦ ខែ។ ពិធី​មង្គលការ​របស់​គូស្នេហ៍​មួយ​គូ​នេះ​បាន​ធ្វើ​ឡើង​នៅ​ថ្ងៃ​ទី ១១ ខែ​តុលា នៅ Samcheonggak ក្នុង​ទីក្រុង​សេអ៊ូល៕