ខេត្តកំពង់ស្ពឺ ៖ តាមរយៈព័ត៌មានទទួលបានក្នុងប្រអប់បញ្ចេញមតិលើបណ្ដាញសង្គមហ្វេសប៊ុក ក្នុងផេកផ្លូវការស្នងការដ្ឋាននគរបាលខេត្តកំពង់ស្ពឺ កាលពីវេលាម៉ោង១៥និង៥៥នាទីថ្ងៃទី១២ ខែកក្កដា ឆ្នាំ២០២៤ ម្ចាស់គណនីហ្វេសប៊ុក “រដ្ឋាមានផ្ទះជួលនៅកំពង់ស្ពឺ” ឈ្មោះ…
ខេត្តកំពង់ស្ពឺ ៖ តាមរយៈព័ត៌មានទទួលបានក្នុងប្រអប់បញ្ចេញមតិលើបណ្ដាញសង្គមហ្វេសប៊ុក ក្នុងផេកផ្លូវការស្នងការដ្ឋាននគរបាលខេត្តកំពង់ស្ពឺ កាលពីវេលាម៉ោង១៥និង៥៥នាទីថ្ងៃទី១២ ខែកក្កដា ឆ្នាំ២០២៤ ម្ចាស់គណនីហ្វេសប៊ុក “រដ្ឋាមានផ្ទះជួលនៅកំពង់ស្ពឺ” ឈ្មោះ ងិន រដ្ឋា ភេទប្រុស អាយុ៣៩ឆ្នាំ នៅភូមិស្វាយក្រវ៉ាន់ សង្កាត់ស្វាយក្រវ៉ាន់ ក្រុងច្បារមន ខេត្តកំពង់ស្ពឺ ថាឈ្មោះ ផាន់ សិលា ភេទប្រុស អាយុ៣០ឆ្នាំ រស់នៅភូមិទន្លាប់ ឃុំស្គុះ ស្រុកសំរោងទង ខេត្តកំពង់ស្ពឺ ជាចោរលួចម៉ូតូរបស់ខ្លួន ក្រោយប្រទះឃើញ បានទៅប្ដឹងនគរបាលមូលដ្ឋាន ប៉ុន្តែគេមិនចាត់ការ តើទុកឱកាសអោយចោរលក់ម៉ូតូបាត់ ទើបតាមរកអោយពលរដ្ឋមែន ។
ក្រោយទទួលបានគោលការណ៍ពី លោកឧត្តមសេនីយ៍ទោ ឃឹម សុកខៃ ស្នងការនគរបាលខេត្តកំពង់ស្ពឺ បានសហការជាមួយអធិការដ្ឋាននគរបាលស្រុកសំរោងទង បើកការស្រាវជ្រាវបន្ទាន់ រហូតដល់ថៃ្ងទី១៦ ខែកក្កដា ឆ្នាំ២០២៤ សមត្ថកិច្ចនគរបាលបានអញ្ជើញឈ្មោះ ផាន់ សិលា ភេទប្រុស អាយុ៣០ឆ្នាំ មកសាកសួរ ទើបដឹងថា ម៉ូតូម៉ាកហុងដា CBR150 ពណ៌ក្រហម ពាក់ស្លាកលេខភ្នំពេញ 1CT-9819 ខ្លួនបានទទួលបញ្ចាំពីឈ្មោះ ងិត រដ្ឋា កាលពីថ្ងៃទី១៨ ខែមីនា ឆ្នាំ២០២៤ ក្នុងតម្លៃ ១,៩០០,០០០៛ សន្យាបញ្ចាំ១ខែ ការប្រាក់ចំនួន ១០០,០០០៛ តែដល់ថ្ងៃកំណត់ ឈ្មោះ ងិត រដ្ឋា មិនព្រមយកលុយមកលោះ តាមការសន្យាទេ រហូតមកដល់ថៃ្ងនេះ ស្រាប់តែហៅសមត្ថកិច្ចមកនាំខ្លួនខ្ញុំ នឹងចោទថា ខ្ញុំលួចម៉ូតូទៅវិញ ។
បន្ទាប់ពីស្ដាប់ចម្លើយឈ្មោះ ផាន់ សិលា ស្រាប់តែឈ្មោះ ងិត រដ្ឋា រត់គេចតែម្ដង សមត្ថកិច្ចបានតាមឃាត់ និងឆែកឆេររកឃើញវត្ថុតាងថ្នាំគ្រាប់ ពណ៍លឿង សង្ស័យគ្រឿងញៀន ប្រភេទ WY ច្រកថង់ ។ ក្រោយឃាត់ ឈ្មោះ ងិត រដ្ឋា បានទទួលស្គាល់ថា ខ្លួនយកម៉ូតូទៅដាក់បញ្ចាំពិតប្រាកដមែន ហើយគ្មានប្រាក់លោះ ទើបប្ដឹងសមត្ថកិច្ចអោយជួយយកម៉ូតូ មកអោយខ្លួន ។
បច្ចុប្បន្ន មន្ត្រីជំនាញ កសាងសំណុំរឿងបញ្ជូនមុខសញ្ញា ងិន រដ្ឋា ទៅស្នងការដ្ឋាននគរបាលខេត្តកំពង់ស្ពឺ ចាត់ការនីតិវិធីបន្ដ៕
ចែករំលែកព័តមាននេះ