ADផ្ទាំងផ្សព្វផ្សាយពាណិជ្ជកម្ម

Picture

មហាជន​​សម្តែង​ការ​ចាប់អារម្មណ៍​ខ្លាំង​លើ​នារីរូប​ស្រស់​មួយ​រូបដែល​មានមុខមាត់​ដូច​តារាចម្រៀង​កញ្ញា ខេមរៈ ស្រី​ពៅ

1 ខែ មុន

រាជធានី​ភ្នំពេញ ៖ មើល​មួយ​ភ្លែត ស្មាន​តែ​តារាចម្រៀង​ក្នុង​ដួងចិត្ត ដោយ​មហាជន​ក៏​សម្តែង​ការ​ចាប់អារម្មណ៍ និង​ភ្ញាក់ផ្អើល​យ៉ាង​ខ្លាំង ទៅ​លើ​សម្រស់​របស់​ស្រី​រូប​ស្រស់​មួយ​រូប ដែល​មានមុខមាត់​ដូច​តារាចម្រៀង​កញ្ញា ខេមរៈ ស្រី​ពៅ…

រាជធានី​ភ្នំពេញ ៖ មើល​មួយ​ភ្លែត ស្មាន​តែ​តារាចម្រៀង​ក្នុង​ដួងចិត្ត ដោយ​មហាជន​ក៏​សម្តែង​ការ​ចាប់អារម្មណ៍ និង​ភ្ញាក់ផ្អើល​យ៉ាង​ខ្លាំង ទៅ​លើ​សម្រស់​របស់​ស្រី​រូប​ស្រស់​មួយ​រូប ដែល​មានមុខមាត់​ដូច​តារាចម្រៀង​កញ្ញា ខេមរៈ ស្រី​ពៅ ដែល​គេ​ស្គាល់​ថា ជា​ប្អូនស្រី​បង្កើត​របស់​តារាចម្រៀង​ខេមរៈ សិរីមន្ត ។

មែនទែន​ទៅ គ្រាន់តែ​រូប​សម្រស់​ស្រ​ដៀង​កញ្ញា ខេមរៈ ស្រី​ពៅ ធ្វើ​អោយ​មហាជន​ចាប់អារម្មណ៍ លើ​រូប​នាង​ជា​ខ្លាំង ពោល​គ្រាន់តែ​នាង​ច្រៀង​ត្រាប់​តារាចម្រៀង​រូប​នេះ​ម្តង​ៗ​មាន​អ្នក​ចូល​មើល​ជាង​១​លាន​ដង​ដែរ​នៅ​ក្នុង Tik Tok​។

គួរ​បង្ហើប​ដែរ​ថា ស្រី​ស្អាត​ស្រស់​ម្នាក់​នេះ មានឈ្មោះ ថា ពិ​សិទ្ធ ហៃ​លី នាង មាន​អាយុ​២២​ឆ្នាំ ។ ហៃ​លី​នាង មានស្រុក​កំណើត​នៅ ភូមិ​ព​ន្លី ឃុំ​ព្រែក​កណ្ដៀង ស្រុក​ពាម ខេត្ត​ព្រៃ​វេ​ង ។ ស្រី​ស្រស់ ហៃ​លី​នាង មាន​បងប្អូន​ចំនួន​៤​នាក់ ដោយ​នាង​ជា​កូនស្រី​ច្បង​នៅ​ក្នុង​គ្រួសារ ។ ហៃ​លី​នាង បច្ចុប្បន្ន​នាង​ប្រកប​មុខរប​លក់​ខោអាវ​តិចតួច​នៅផ្ទះ និង​ថត​ប្រ​ម៉ូត​ផលិតផល​នានា ។

តាម​រយៈ​រូបភាព​ដែល​ហៃ​បាន​បង្ហោះ គឺថា ធ្វើ​អោយ​មហាជន​នឹក​ដល់​កញ្ញា ខេមរៈ ស្រី​ពៅ​ជា​ខ្លាំង ព្រោះ​នាង​មាន​មាត់​ប្រហាក់ប្រហែល​គ្នា ក៏​ដូច​ជា ការ​តុបតែង​ខ្លួន​បន្ថែម​ធ្វើ​អោយ​កាន់តែ​ដូច ខណៈ​នាង​មាន​ដៃជើង​ស្រ​ឡូ​ន រាងរៅ​ខ្ពស់ស្រឡះ​ទម្រង់​មុខ​អក្សរ​វី និង​មាន​រូបរាង​ស្រស់​ស្អាត រួសរាយ​រាក់ទាក់​គួរ​ឲ្យ​ចាប់​អារ​ម្ម​ណ៏​ជា​ខ្លាំង ។

កញ្ញា ហៃ​លី មានមុខមាត់​ស្រ​ដៀង និង​កញ្ញា​ខេមរៈ​ស្រី​ពៅ នេះ​បើ​តាម​ភ្នែក​មហាជន​មួយ​ចំនួន​បាន​សម្លឹង​ឃើញ​រូប​នាង ។

ជា​ការ​ពិត ការ​តុបតែង​ខ្លួន​ស្លៀកពាក់​បែប​ទាន់សម័យ និង​ច្រៀង​ចម្រៀង​ត្រាប់​តាម​តារាចម្រៀង​ខេមរៈ ស្រី​ពៅ ធ្វើ​អោយ​មហាជន​កាន់តែ​ស្លុក​អារម្មណ៍ ដោយ​កាយវិការ​នាង​ប្រហាក់ប្រហែល​តារា​ស្រី​រូប​នេះ ។ ស្រី​ស្រស់ ហៃ​លី ចែករំលែក​ថា សម្រស់​របស់​មនុស្ស​ស្រី និង​ការ​តុបតែង​ខ្លួន​វា​ជា​រឿង​សំខាន់​សម្រាប់​មនុស្ស​ស្រី​គ្រប់​រូប ហើយ​ក៏​ជា​ចំណង់​ចំណូលចិត្ត​របស់​នាង​ជា​ប្រចាំ​ថ្ងៃ​ផង​ដែរ ។

ជាមួយ​គ្នា​នេះ​ដែរ ការ​ផាត់មុខ និង​ស្លៀកពាក់​បែប​ទាន់សម័យ​នាង​ថា​នេះ​ហើយ​ជា​ជីវិត​ប្រចាំ​ថ្ងៃ ដែល​មនុស្ស​ស្រី​គ្រប់​រូប​ចូល​ចិត្ត​ភាព​ស្រស់​ស្អាត​។ កញ្ញា ហៃ​លី និយាយ​បន្ត​ថា នៅ​ពេល​នាង​ផុស ឬ​ច្រៀង​ចម្រៀង​របស់​តារាចម្រៀង ខេមរៈ​ស្រី​ពៅ​ម្ដង​ៗ តែងតែមាន​គេ​ខ​មិន​ថា​នាង​មានមុខមាត់​ស្រ​ដៀង ឬ​ដូច និង​តារា​រូប​នោះ នាង​ចូល​ចិត្ត​ស្ដាប់​បទ​ចម្រៀង​របស់​បងស្រី​ពៅ ដោយសារ​នាង​ស្រលាញ់ និង​គាំទ្រ​ទៅ​បងស្រី​ពៅ តាំងពី​នាង​នៅ​តូច​មក​ម្ល៉េះ ហ្វេ​ន​គាត់​រហូត គេ​ថា មានមុខមាត់​ស្រ​ដៀង​នឹង​គាត់ ។

ហៃ​លី ដែល​ជា​កូនស្រី​ច្បង នាង​មិន​នឹក​ស្មានថា ខ្លួនឯង​មានមុខមាត់​ស្រ​ដៀង​បងស្រី​ពៅ​ទេ គ្រាន់តែ​នាង​ចូល​ចិត្ត​ស្ដាប់​បទ​ចម្រៀង​បងស្រី​ពៅ គ្រប់​បទ​ចម្រៀង​គាត់ គឺ​ចេះ​ស្ទើរតែ​ទាំងអស់ ។ តោះ​បងប្អូន​យល់​យ៉ាងណា​ដែរ ? តើ​ស្រី​ស្រស់ ហៃ​លី មានមុខ​ស្រ​ដៀង កញ្ញា ខេមរៈ​ស្រី ពៅ​ប៉ុន្មាន​ភាគរយ​ដែល​បាទ? ដោយ ៖ ឡុ​ង​សំនៀង

អត្ថបទសរសេរ ដោយ

កែសម្រួលដោយ