ADផ្ទាំងផ្សព្វផ្សាយពាណិជ្ជកម្ម

Picture

តារាសម្តែងចិន Angelababy ប្រឈមមុខនឹងការរិះគន់ជាថ្មីពីមហាជន ព្រោះតែការស្លៀកពាក់

1 ខែ មុន

(ចិន)៖ តារា​សម្ដែង​ចិន Angelababy ត្រូវ​រង​ការ​រិះគន់​ចំពោះ​ការ​ស្លៀក​សំលៀកបំពាក់​ដែល​អ្នក​ខ្លះ​ចាត់​ទុក​ថា​ជា​សំលៀកបំពាក់​មិន​សមរម្យ​ក្នុង​កម្មវិធី​រៃអង្គាស​ប្រាក់​នៅ​សាលា​កូន​ប្រុស​របស់​នាង។ យោងតាម ​​Sinchew នាងបានបង្ហាញខ្លួនក្នុងឈុតរ៉ូបពណ៌ផ្កាឡាវេនឌ័រនៅក្នុងព្រឹត្តិការណ៍មួយកាលពីថ្ងៃទី៣០ ខែឧសភា។ អ្នក​រិះគន់​តាម​ប្រព័ន្ធ​អ៊ីនធឺណិត​បាន​រិះគន់​សម្លៀក​បំពាក់​នេះ​ដោយ​លើកឡើងថា «សម្លៀកបំពាក់​របស់​នាង​មើល​ទៅ​ដូច​ជា​ឈុត​គេង…

(ចិន)៖ តារា​សម្ដែង​ចិន Angelababy ត្រូវ​រង​ការ​រិះគន់​ចំពោះ​ការ​ស្លៀក​សំលៀកបំពាក់​ដែល​អ្នក​ខ្លះ​ចាត់​ទុក​ថា​ជា​សំលៀកបំពាក់​មិន​សមរម្យ​ក្នុង​កម្មវិធី​រៃអង្គាស​ប្រាក់​នៅ​សាលា​កូន​ប្រុស​របស់​នាង។

យោងតាម ​​Sinchew នាងបានបង្ហាញខ្លួនក្នុងឈុតរ៉ូបពណ៌ផ្កាឡាវេនឌ័រនៅក្នុងព្រឹត្តិការណ៍មួយកាលពីថ្ងៃទី៣០ ខែឧសភា។ អ្នក​រិះគន់​តាម​ប្រព័ន្ធ​អ៊ីនធឺណិត​បាន​រិះគន់​សម្លៀក​បំពាក់​នេះ​ដោយ​លើកឡើងថា «សម្លៀកបំពាក់​របស់​នាង​មើល​ទៅ​ដូច​ជា​ឈុត​គេង និងមិនសមរម្យចំពោះកម្មវិធីសាលាព្រោះសិចស៊ីពេក»។

ទោះបីជាមានការរិះគន់ក៏ដោយ ក៏មានមហាជនផ្សេងទៀតបានការពាររូបរាងរបស់នាង ដោយពណ៌នា Angelababy ថានាងស្រស់ស្អាត ទោះបីជាមិនតុបតែងខ្លួន ឬ Make up។

Angelababy អាយុ៣៥ឆ្នាំ ជាតារាសម្តែង តារាបង្ហាញម៉ូត អ្នកជំនួញ និងជាតារាចម្រៀង។ នាង​ចាប់​ផ្ដើម​អាជីព​កម្សាន្ត​ក្នុង​ឆ្នាំ ២០០៧ ហើយ​ចាប់​តាំង​ពី​នោះ​មក​បាន​លេច​ធ្លោ​ជា​តារា​សម្ដែង​ជួរ​មុខ​ម្នាក់​របស់​ប្រទេស​ចិន។

នាងបានរៀបការជាមួយអតីតស្វាមី Huang Xiaoming នៅឆ្នាំ២០១៤ ហើយបានលែងលះគ្នា នៅឆ្នាំ២០២២ ប៉ុន្តែអ្នកទាំង២នៅតែមានទំនាក់ទំនងល្អ និងរក្សាកូនប្រុសជាមួយគ្នា៕ ប្រភព៖ VNExpress

អត្ថបទសរសេរ ដោយ

កែសម្រួលដោយ