ADផ្ទាំងផ្សព្វផ្សាយពាណិជ្ជកម្ម

Picture

ជន​ជួញដូរ​គ្រឿងញៀ.ន​ម្នាក់ ត្រូវ​កម្លាំង​នគរបាល​ចរាចរណ៍​ខណ្ឌដង្កោ​ឃាត់ខ្លួន

1 ខែ មុន

រាជធានី​ភ្នំពេញ ៖ ជនសង្ស័យ​ម្នាក់ ដែល​ជា​មុខសញ្ញា​ចាស់ ខាង​ជួញដូរ​គ្រឿងញៀន និង​មាន​ដីកា​បង្គាប់​ឲ្យ​ចាប់ខ្លួន​ពី​តុលាការ​ផង​នោះ បាន​ចូល​អន្ទាក់​ដោយ​ខ្លួនឯង ដោយ​បាន​ធ្វើ​ដំណើរ​ឆ្លងកាត់​គោលដៅ​អនុវត្តន៍​ច្បាប់​ចរាចរណ៍​ផ្លូវគោក​របស់​នគរបាល នៃ​អធិការដ្ឋាន​ខណ្ឌដង្កោ ។…

រាជធានី​ភ្នំពេញ ៖ ជនសង្ស័យ​ម្នាក់ ដែល​ជា​មុខសញ្ញា​ចាស់ ខាង​ជួញដូរ​គ្រឿងញៀន និង​មាន​ដីកា​បង្គាប់​ឲ្យ​ចាប់ខ្លួន​ពី​តុលាការ​ផង​នោះ បាន​ចូល​អន្ទាក់​ដោយ​ខ្លួនឯង ដោយ​បាន​ធ្វើ​ដំណើរ​ឆ្លងកាត់​គោលដៅ​អនុវត្តន៍​ច្បាប់​ចរាចរណ៍​ផ្លូវគោក​របស់​នគរបាល នៃ​អធិការដ្ឋាន​ខណ្ឌដង្កោ ។

ខណៈ​មុខសញ្ញា​ធ្វើ​ដំណើរ​មក​ដល់ ដោយ​មានការ​សង្ស័យ កម្លាំង​នគរបាល​បាន​ឃាត់​ធ្វើការ​ត្រួត​ព​និត្យ ស្រាប់តែ​ប្រទះ​ឃើញ​មាន​ថ្នាំ​១​កញ្ចប់​ធំ ដែល​ជន​នោះ​ដាក់​តាម​ខ្លួន ដើម្បី​ធ្វើការ​ជួញដូរ ទើប​នគរបាល​ចរាចរណ៍​ខាងលើ​ចាប់ខ្លួន​ប្រគល់​ទៅ​ឲ្យ​នគរបាល​ផ្នែក​ប្រឆាំង​បទល្មើស​គ្រឿងញៀន​ខណ្ឌដង្កោ ចាត់ការ​តាម​ច្បាប់​តែ​ម្ដង ។

ការ​ចាប់ខ្លួន​នោះ បាន​ធ្វើ​ឡើង​កាលពី​វេលា​ម៉ោង​១០​និង​៣០​នាទី​ព្រឹក​ថ្ងៃ​ទី​០៨ ខែមិថុនា ឆ្នាំ​២០២៤ នៅ​តាម​ផ្លូវ​បេតុង ស្ថិត​នៅ​ក្នុងភូមិ​ប្រកា សង្កាត់​ព្រៃ​ស ខណ្ឌដង្កោ រាជធានី​ភ្នំពេញ ។

ជនសង្ស័យ​ខាងលើ​ឈ្មោះ ហេង ប៉េង​ហា​យ ភេទ​ប្រុស អាយុ​៣២​ឆ្នាំ ជនជាតិ​ខ្មែរ សញ្ជាតិ​ខ្មែរ មុខរបរ​មិន​ពិតប្រាកដ មាន​ទីលំនៅ​ភូមិ​ពងទឹក សង្កាត់​ពងទឹក ខណ្ឌដង្កោ រាជធានី​ភ្នំពេញ ។

កម្លាំង​នគរ​បាក​បាន​ប្រាប់​ឲ្យ​ដឹង​ថា ដោយ​អនុវត្ត​ន័​តាម​បញ្ជា និង​ការ​ដឹកនាំ​របស់​លោក​វរសេនីយ៍ឯក ជឹ​ម ស៊ី​ថា អធិការ​នគរបាល​ខណ្ឌដង្កោ កម្លាំង​នគរបាល​ចរាចរណ៍​ខណ្ឌ បាន​ដាក់​គោលដៅ​អនុវត្តន៍​ច្បាប់​ចរាចរណ៍​ផ្លូវគោក នៅ​ត្រង់​ចំណុច​ខាងលើ​។ ខណៈនោះ​ស្រាប់តែ​ប្រទះ​ឃើញ​ជនសង្ស័យ ធ្វើ​ដំណើរ​ដោយ​ម៉ូតូ​ម៉ាក​ហុងដា​ឌ្រី​ម​សេ​១២៥ ព​ណ៍​ខ្មៅ ១​គ្រឿង ឆ្លងកាត់​គោលដៅ ហើយដោយ​មានការ​សង្ស័យ កម្លាំង​នគរបាល​ចរាចរណ៍ ក៏​បាន​ឃាត់​ធ្វើការ​ត្រួតពិនិត្យ ស្រាប់តែ​ប្រទះ​ឃើញ​ក្រាម​ស​ថ្លា ០១​កញ្ជប់​ថង់​ធំ និង​ទូរ​សព្ទ​ដៃ ០១​គ្រឿង ទើប​ធ្វើការ​ចាប់ខ្លួន និង​ដកហូត​តែ​ម្ដង ។

នគរបាល បាន​ប្រាប់​ឲ្យ​ដឹង​បន្ត​ទៀត​ថា បន្ទាប់​មក​បាន​នាំ​ទៅ​កាន់​ប៉ុស្តិ៍​រដ្ឋបាល​នគរបាល​ព្រៃ​ស ដើម្បី​សួរនាំ​ទើប​ដឹង​ថា ជនសង្ស័យ​ម្នាក់​នេះ​គឺជា​មុខសញ្ញា​ចាស់ ខាង​ធ្វើ​សកម្មភាព​ជួញដូរ​គ្រឿងញៀន ព្រមទាំង​មាន​ដីកា​បង្គាប់​ឲ្យ​ចាប់ខ្លួន​ពី​តុលាការ​ផង​ដែរ​។ យោង​តាម​ការ​ឃាត់ខ្លួន និង​ដកហូត​វត្ថុ​តាង​ជាក់ស្ដែង ព្រមទាំង​ចម្លើយ​សារភាព​ផង​នោះ នគរបាល​បាន​កសាង​សំណុំរឿង​បញ្ជូន​ជន​នេះ ទៅ​សាលាដំបូង​រាជធានី​ភ្នំពេញ ចាត់ការ​តាម​ច្បាប់​ហើយ ៕

អត្ថបទសរសេរ ដោយ