ខេត្តព្រះសីហនុ ៖ លោក តាំង សុចិត្តគ្រឹស្នា ប្រធានមន្ទីរទេសចរណ៍ខេត្តព្រះសីហនុ បានឲ្យដឹងថា ចំនួនភ្ញៀវមកលេងខេត្តព្រះសីហនុក្នុងឱកាសនៃពិធីបុណ្យចូលឆ្នាំថ្មីប្រពៃណីជាតិខ្មែរ ចាប់ពីថ្ងៃទី១៣ ដល់ថ្ងៃ១៦ ខែមេសា ឆ្នាំ២០២៣ ចូលរួមក្នុងឱកាសចូលឆ្នាំប្រពៃណីជាតិខ្មែរសរុបភ្ញៀវទេសចរចំនួន ៦៤៩.០៥២នាក់ ថយចុះ២៦,៨៩%ធៀបនឹងឆ្នាំ២០២៣ ។
ក្នុងនោះ ភ្ញៀវទេសចរជាតិ៦២៩.៦៣១នាក់ ថយចុះ២៨,១១%ធៀបនឹងឆ្នាំ២០២៣ និងភ្ញៀវបរទេស ១៩.៤២១ នាក់កើនឡើង៦២,៣១% ធៀបនឹងឆ្នាំ២០២៣ ។
លោកប្រធានមន្ទីរទេសចរណ៍បានឲ្យដឹងបន្ថែមទៀតថា ចំពោះភ្ញៀវចូលតាមព្រលានយន្តហោះអន្តរជាតិចំនួន០៨ជើងកើនឡើង០២ជើង ធៀបនឹងឆ្នាំកន្លងទៅ ដោយមានភ្ញៀវសរុប៣៨៤នាក់ កើនឡើង៣៣,៧៩% ធៀបនឹងឆ្នាំ២០២៣ ។
ភ្ញៀវទៅសម្រាកកម្សាន្តតាមបណ្តាកោះនានា សរុបសរុប៣.៨៣១នាក់ ថយចុះ៤,៥១% ធៀបនឹងឆ្នាំ២០២៣ ដោយមានភ្ញៀវជាតិ១.៨៣៦នាក់ថយចុះ២៤,៥៦% ធៀបនឹងឆ្នាំ២០២៣ និងភ្ញៀវបរទេស១.៩៩៥នាក់ កើនឡើង២៦,៤២%ធៀបនឹងឆ្នាំ២០២៣ ។
តាមបណ្តារមណីយដ្ឋាន និងឆ្នេរនានាសរុប៦៤៤.៨៣៧នាក់ ថយចុះ២៧,០២%ធៀបនឹងឆ្នាំ២០២៣ ក្នុងនោះ ភ្ញៀវជាតិ៦២៧.៧៨៧នាក់ ថយចុះ២៨,១២% ធៀបនឹងឆ្នាំ២០២៣ និងភ្ញៀវបរទេស១៧.០៥០នាក់ កើនឡើង៦៨,៦៦%ធៀបនឹងឆ្នាំ២០២៣ ៕
ចែករំលែកព័តមាននេះ