មួយថ្ងៃ ឬពីរថ្ងៃមុន ការមកដល់នូវពេលវេលានៃពិធីបុណ្យចូលឆ្នាំថ្មី ប្រជាពលរដ្ឋបានសម្រុកចាកចេញពីរាជធានីឆ្ពោះទៅកាន់ស្រុកកំណើត តាមខេត្តក្រុងនានាទូទាំងប្រទេស។ នៅតាមដងផ្លូវពិសេស ផ្លូវជាតិចេញពីរាជធានីបានកកស្ទះ។ ក្រៅពីនេះ គេក៏ឃើញមនុស្សនាំគ្នាដកប្រាក់តាមម៉ាស៊ីន ATM…
មួយថ្ងៃ ឬពីរថ្ងៃមុន ការមកដល់នូវពេលវេលានៃពិធីបុណ្យចូលឆ្នាំថ្មី ប្រជាពលរដ្ឋបានសម្រុកចាកចេញពីរាជធានីឆ្ពោះទៅកាន់ស្រុកកំណើត តាមខេត្តក្រុងនានាទូទាំងប្រទេស។ នៅតាមដងផ្លូវពិសេស ផ្លូវជាតិចេញពីរាជធានីបានកកស្ទះ។ ក្រៅពីនេះ គេក៏ឃើញមនុស្សនាំគ្នាដកប្រាក់តាមម៉ាស៊ីន ATM ច្រើនផងដែរដើម្បីចំណាយចូលឆ្នាំ។
ពលរដ្ឋបានធ្វើដំណើរទៅស្រុកកំណើតតាមរយន្តក្រុងសាធារណៈ ដែលរដ្ឋបានរៀបចំ និងធ្វើដំណើរដោយ មធ្យោបាយផ្ទាល់ខ្លួនមាន រថយន្ត ម៉ូតូ និងម៉ូតូកង់កង់បី ជាដើម ធ្វើឱ្យដងផ្លូវសាធារណៈកកកុញ ដោយអ្នកធ្វើដំណើរ។ តែមានការលើកឡើងថាក្រៅពីការកកស្ទះតាមដងផ្លូវ ពលរដ្ឋជាច្រើនបានប្រមូលផ្តុំគ្នា នៅតាមកន្លែងដកប្រាក់ដោយស្វ័យប្រវត្តិពីធនាគារ (ATM)នោះផងដែរ។
ប្រភពពីពលរដ្ឋថា នៅព្រឹកថ្ងៃទី១២ ខែមេសា នៅតាមបញ្ជដកប្រាក់របស់ធនាគារ បានកកកុញដោយក្រុមពលរដ្ឋ។ ពលរដ្ឋបានឈរតម្រង់ជួរគ្នាដកប្រាក់ យកទៅធ្វើបុណ្យ និងចំណាយនានា។
លោក សុផល អាយុ៣៩ឆ្នាំ និយាយថា «ទូរដកប្រាក់មួយចំនួនមានមនុស្សកកកុញរង់ចាំដកប្រាក់ទៅស្រុក ពិសេសធនាគារដែលមន្ត្រីរាជការត្រូវបើកប្រាក់ខែ»។
អ្នកស្រី កញ្ញា បុគ្គលិកក្រុមហ៊ុនឯកជនបាននិយាយថា អ្នកស្រីរង់ចាំដកប្រាក់តាម ATM ដើម្បប្រើសម្រាប់ បុណ្យចូលឆ្នាំថ្មីនេះ។មានការប៉ាន់ស្មានថាពលរដ្ឋនឹងចំណាយចន្លោះពី១៥០ដុល្លារទៅ២៥០ដុល្លារ នៅក្នុងឱកាសចូលឆ្នាំថ្មីនេះ សម្រាប់ការធ្វើបុណ្យទាននិងម្ហូបអាហារប៉ុន្តែគេអាចចំណាយលើសពីនេះ ប្រសិនជាមានដំណើរកម្សាន្ត និងការរៀបចំពិធីជួបជុំក្រុមគ្រួសារក្នុងទ្រង់ទ្រាយធំនោះ។
លោកស្រីកញ្ញានិយាយថា ចូលឆ្នាំថ្មីឆ្នាំថ្មីនេះ អ្នកស្រីមិនមានថវិកាច្រើនសម្រាប់ចំណាយនោះទេ ពីព្រោះ ពេលនេះអ្នកស្រីត្រូវត្បិតត្បៀតប្រាក់បៀវត្សរ៍ ដើម្បីទុកបង់ធនាគារក្នុងការបង់រំលោះថ្លៃផ្ទះផង និងការចំណាយ ថ្លៃការសិក្សាលើកូនៗផង។ ដូច្នេះ ចូលឆ្នាំថ្មីនេះ អ្នកស្រីមានប្រាក់បន្តិចបន្តូចដើម្បីជូនឱពុកម្តាយ ប៉ុន្តែនឹងគ្មានកម្ម វិធីជួបជុំក្រុមគ្រួសារធំដុំនោះទេ៕ ដោយ៖ សា រ៉ាន់
ចែករំលែកព័តមាននេះ