ADផ្ទាំងផ្សព្វផ្សាយពាណិជ្ជកម្ម

Picture

មនុស្ស​៦នាក់​ព្រួត​វា.យ​យុវជន​ម្នាក់​របួស​ស្ទើរ​ស្លា.ប់ ដោយសារ​តែ​រឿង​គំនុំ

1 ខែ មុន

​ខេត្តព្រៃវែង ៖ មនុស្ស​ចំនួន៤នាក់ ត្រូវ​បាន​ចាប់​ឃាត់ខ្លួន និង​ពីរ​នាក់​ផ្សេង​ទៀត កំពុង​តែ​រត់គេច​ខ្លួន បន្ទាប់​ពី​ពួក​គេ​បាន​ត្រួត​គ្នា​វាយប្រហារ​ទៅ​លើ​យុវជន​ម្នាក់ បណ្ដាល​ឲ្យ​រង​របួស​ស្ទើរ​ស្លាប់​។ ហេតុការណ៍​នេះ បាន​កើតឡើង​កាលពី​វេលា​ម៉ោង​០៩…

​ខេត្តព្រៃវែង ៖ មនុស្ស​ចំនួន៤នាក់ ត្រូវ​បាន​ចាប់​ឃាត់ខ្លួន និង​ពីរ​នាក់​ផ្សេង​ទៀត កំពុង​តែ​រត់គេច​ខ្លួន បន្ទាប់​ពី​ពួក​គេ​បាន​ត្រួត​គ្នា​វាយប្រហារ​ទៅ​លើ​យុវជន​ម្នាក់ បណ្ដាល​ឲ្យ​រង​របួស​ស្ទើរ​ស្លាប់​។

ហេតុការណ៍​នេះ បាន​កើតឡើង​កាលពី​វេលា​ម៉ោង​០៩ និង២០នាទី​យប់​ថ្ងៃ​ទី១១ មេ​សា ​នៅ​ចំណុច​ភូមិ​សា​ឡូង ឃុំ​ក្តឿង​រាយ ស្រុក​កញ្ជ្រាច ខេត្តព្រៃវែង​។ ជន​រង​គ្រោះ​មានឈ្មោះ ហេង ហៀ​ក ភេទ​ប្រុស អាយុ១៧​ឆ្នាំ មាន​ទីលំនៅ​ក្នុងភូមិ​កណ្ដាច់ ឃុំ​ចុង​អំពិល ស្រុក​កញ្ជ្រាច ខេត្តព្រៃវែង​។

សមត្ថកិច្ច​បាន​ឲ្យ​ដឹង​ថា​ មុន​ពេល​កើតហេតុ​ជន​រង​គ្រោះ​កំពុង​ជិះ​ម៉ូតូ​ម្នាក់ឯង ចេញពី​កន្លែង​ផឹកស៊ី ឆ្ពោះ​ត្រឡប់​ទៅ​ផ្ទះ ប៉ុន្តែ​ពេល​មក​ដល់​កណ្ដាលផ្លូវ ជា​ចំណុច​កើតហេតុ​ក៏​បាន​ជួប​ជាមួយនឹង​បក្សពួក​ក្រុម​ជន​បង្ក​មាន​គ្នា​ចំនួន៦នាក់ ហើយ​ពេល​ឃើញ​ជន​រង​គ្រោះ​ដែល​ជា​មនុស្ស​ធ្លាប់​មាន​គំនុំ​ចាស់​ជាមួយ​គ្នា​ផង ទើប​ក្រុម​ជន​បង្ក​បាន​ប្រើ​ដែក​ទីប ព្រួត​វាយ​សន្ធាប់​ទៅ​លើ​ជន​រង​គ្រោះ​រហូត​បែក​ឈាម​ពេញ​ផ្ទៃមុខ​ និង​ដងខ្លួន​ហើយ​សន្លប់​ស្ដូកស្ដឹង ទើប​ក្រុម​ជន​បង្ក​នាំ​គ្នា​រត់​គេ​ខ្លួន​បាត់​អស់​ទៅ​។

ទោះជា​យ៉ាងណា​ក៏​ដោយ ក្រោយ​ពី​កើតហេតុ​ភ្លាម អ្នកស្រុក​ជិតខាង​បាន​រាយការណ៍​ប្ដឹង​ទៅ​ខាង​សមត្ថកិច្ច​ភ្លាម​ៗ ហើយដោយ​ស្គាល់​អត្តសញ្ញាណ​ក្រុម​ជន​បង្ក​ស្រាប់ ទើប​សមត្ថកិច្ច​ចុះ​ទៅ​ចាប់​ក្រុម​ជន​បង្ក​បាន​ចំនួន៤​នាក់​ភ្លាម​ៗ​តែ​ម្ដង ដោយឡែក​បក្សពួក​ពីរ​នាក់​ទៀត បាន​រត់គេច​ខ្លួន​បាត់ ហើយ​ពេល​នេះ​សមត្ថកិច្ច​ក៏​កំពុង​តាម​រក​ចាប់ខ្លួន​ផង​ដែរ​។

អត្ថបទសរសេរ ដោយ