ដួង ម៉ានិច កំណត់ថ្ងៃចូលរោងការនៅបំណាច់ខែនេះ
- ភ្នំពេញ
រាជធានីភ្នំពេញ ៖ នៅទីបំផុត តារាសម្តែងអ្នកនាង ដួង ម៉ានិច បានកំណត់ពេលច្បាស់លាស់ហើយ សម្រាប់ពិធីមង្គលការរបស់នាងដែលនឹងធ្វើឡើងនៅថ្ងៃទី២២ ខែមេសា ឆ្នាំ២០២៤…
រាជធានីភ្នំពេញ ៖ នៅទីបំផុត តារាសម្តែងអ្នកនាង ដួង ម៉ានិច បានកំណត់ពេលច្បាស់លាស់ហើយ សម្រាប់ពិធីមង្គលការរបស់នាងដែលនឹងធ្វើឡើងនៅថ្ងៃទី២២ ខែមេសា ឆ្នាំ២០២៤…
រាជធានីភ្នំពេញ ៖ នៅទីបំផុត តារាសម្តែងអ្នកនាង ដួង ម៉ានិច បានកំណត់ពេលច្បាស់លាស់ហើយ សម្រាប់ពិធីមង្គលការរបស់នាងដែលនឹងធ្វើឡើងនៅថ្ងៃទី២២ ខែមេសា ឆ្នាំ២០២៤ ខាងមុខនេះ ។ នៅពេលថ្ងៃមង្គលការកាន់តែកៀកជិតមកដល់នោះ ដួង ម៉ានិច និងអនាគតស្វាមី បាននិងកំពុងមមារញឹកយ៉ាងខ្លាំងទាំងការរៀបចំសម្លៀកបំពាក់ ការដើរចែកធៀបការទៅកាន់សាច់ញាតិ និងអ្នកសិល្បៈដូចគ្នាអោយមានការចូលរួមអបអរពិធីមង្គលរបស់នាង ។
បើយោងតាមធៀបការដែល ដួង ម៉ានិច បានហៅទៅកាន់មិត្តភក្តិនោះ គឺបានសសេរថា មង្គលការរបស់នាងនឹងធ្វើឡើងនៅថ្ងៃទី២២ ខែមេសា ខាងមុខនេះ ខណៈពេលដែលកន្លែងប្រារព្ធពិធីនឹងរៀបចំនៅរីហ្សតមួយកន្លែងនៅខេត្តព្រះសីហនុ (កំពង់សោម) ។ យ៉ាងណា សម្រាប់ការងារផ្សេងៗពាក់ព័ន្ធទៅនឹងកម្មវិធីមង្គលការនេះ ត្រូវបាន ដួង ម៉ានិច និងអនាគតស្វាមីរបស់នាងរៀបចំចាត់ចែងស្ទើររួចរាល់ហើយ ។
ជាការកត់សម្គាល់ អ្វីដែលគួអោយចាប់អារម្មណ៍នោះ មុនពិធីមង្គលការចូលមកដល់អនាគតស្វាមីរបស់ ដួង ម៉ានិច បានរៀបចំពិធីបែបភ្ញាក់ផ្អើលមួយសម្រាប់នាង ដោយអនាគតស្វាមីរបស់នាងបានលុតជង្គង់បំពាក់ចិញ្ចៀនសុំនាងរៀបការនៅលើដីកោះអភិជនមួយ ។ តាមរយៈសកម្មភាពមួយនេះ បានធ្វើអោយតារាសម្តែងនាង ដួង ម៉ានិច បានបង្ហាញក្តីរំភើបយ៉ាងខ្លាំង ព្រោះនាងចាត់ទុកថា នេះជាលើកទីមួយហើយសម្រាប់ជីវិតរបស់នាង ។
ជាការកត់សម្គាល់តារាសម្តែងដែលចូលចិត្តសម្ញែងភាពសិចស៊ីបែបសិល្បៈ នាង ដួង ម៉ានិច បានផ្តើមទំនាក់ទំនងស្នេហាក្រៅឆាកជាមួយនឹងបុរសវ័យក្មេងដែលជាអ្នកផលិតមាតិកាយូធូបដ៏ល្បីឈ្មោះមួយរូបដែលមានឈ្មោះថា Lyderzz ឬហ៊ាឆាត។
ចំណងស្នេហ៍មួយនេះ កន្លងមក ដួង ម៉ានិច មិនបានបិទបាំងឡើយ ដោយពួកគេទាំងពីរតែងតែបើកចំហរពីទំនាក់ទំនងស្នេហ៍តាមរយៈភាពស្និទ្ធិស្នាលទាំងក្នុងការងារការដើរកំសាន្ត និងការចូលរួមពិធីនានា ។
ជាងនេះទៅទៀត ដួង ម៉ានិច ក៏ធ្លាប់លើកឡើងចំៗពីគូស្នេហ៍របស់នាងថា បុរសដែលខ្ញុំជ្រើសរើសយកមកធ្វើជាស្វាមី Lyderzz ហ៊ាឆាតស្លូតបូត ចេះដឹងខុស ដឹងត្រូវ ដឹងគុណ ដឹងទោស មិនចេះកុហក មានភាពស្មោះត្រង់ ចេះពិភាក្សាគ្នាមុនរាល់ការសម្រេចចិត្តអ្វីមួយ ជាពិសេសស្រលាញ់ខ្ញុំជាខ្ញុំ មិនគិតមានឬក្រ អ្វីដែលសំខាន់ឱ្យតែពួកយើងចេះ មានគំនិតក្នុងការគិតចាប់ផ្ដើមរកស៊ី ហើយខំប្រឹងតស៊ូព្យាយាមទៅមុខជាមួយគ្នា។
នាងបញ្ជាក់ថា យើងនឹងមានសេចក្តីសុខ «សេចក្ដីសុខបែបយើង បែបសាមញ្ញ»ហើយមិនប៉ះពាល់អ្នកដ៏ទៃ ប៉ុណ្ណឹងគ្រប់គ្រាន់ហើយ។ នាងថា ហ៊ាប្រាប់ថា ហ៊ាស្រលាញ់អូន ចង់ឃើញអូន មានស្នាមញញឹមឱ្យបានច្រើន ពីព្រោះអូនខំប្រឹងធ្វើការងារតាំងពីអាយុ12ឆ្នាំ រហូតដល់អីឡូវ33ឆ្នាំហើយ អូនគួរតែមានសម្រាប់ខ្លួនឯង មានពេលថែរក្សាសុខភាពឱ្យបានច្រើន អូនអត់មានអីក្រៅពីអរគុណហ៊ាគ្រប់យ៉ាងដែលស្រលាញ់អូនជាអូន Lyderzz ហ៊ាឆាត។
ទោះជាយ៉ាងណា ទំនាក់ទំនងស្នេហ៍ត្រឹមតែកន្លះឆ្នាំប៉ុណ្ណោះ អ្នកទាំងពីរបានកសាងចំណងស្នេហ៍យ៉ាងស្អិតរមួត និងផ្អែមល្ហែម រហូតអាចដឹកដៃគ្នាឈានដល់ថ្ងៃមង្គលការនាពេលឆាប់ៗខាងមុខនេះ ។
ចែករំលែកព័តមាននេះ