ខេត្តមណ្ឌលគិរី ៖ ធ្យូងរាប់រយតោនក្នុងមួយយប់ៗត្រូវឈ្មួញនាំចេញទៅប្រទេសវៀតណាម តាមច្រកជ័យឃ្លាំង នៃស្រុកស្នួល ខេត្តក្រចេះ ។
យោងតាមប្រភពបានឲ្យដឹងថា រថយន្តធុនធំៗជាច្រើនគ្រឿងតែងធ្វើសកម្មភាពចូលទៅដឹកធ្យូងចេញពីភូមិសាស្ត្រដែនជម្រកសត្វព្រៃភ្នំព្រេច ដែលលាតសន្ធឹកលើផ្ទៃដីរាប់សែនហិកតានៃស្រុកស្នួល ខេត្តក្រចេះ និងស្រុកកែវសីមា ស្រុកកោះញែក ខេត្តមណ្ឌលគិរី ។
ការដឹកជញ្ជូនធ្យូងចេញទៅក្រៅប្រទេសបែបនេះ បានបង្កផលប៉ះពាល់យ៉ាងខ្លាំងដល់សម្បត្តិធនធានធម្មជាតិកម្ពុជា ។ ការកែច្នៃធ្យូង គេត្រូវការប្រភពឈើយ៉ាងច្រើនសម្បើម មិនថា ដើមឈើតូច ឬធំ គឺត្រូវគេកាប់រះក្លាយជាមហាវិនាសកម្មព្រៃឈើយកទៅដុតច្នៃគ្មានរើសប្រភេទពូជអម្បូរអ្វីឡើយ ។
សកម្មភាពនាំធ្យូងចេញទៅបរទេសខាងលើនេះ មានគ្រប់ភាគីពាក់ព័ន្ធទាំងអស់បានគប់គិតគ្នា ទាំងសមត្ថកិច្ចជំនាញដែនជម្រក សមត្ថកិច្ចតាមដងផ្លូវ និងសមត្ថកិច្ចមាត់ច្រកព្រំដែន ៕
ចែករំលែកព័តមាននេះ