រាជធានីភ្នំពេញ ៖ គ្រួសារ មិត្តភ័ក្តិ និងគ្រូពេទ្យកុមាររបស់កូនអ្នក គឺជាធនធានដ៏មានសក្តានុពលសម្រាប់ការអនុវត្តវិន័យប្រកបដោយប្រសិទ្ធភាព ។ ទោះជាយ៉ាងណាក៏ដោយ វាអាចជារឿងពិបាកក្នុងការដឹងថា យុទ្ធសាស្ត្រមួយណាដែលទំនងជាមានប្រសិទ្ធភាពជាមួយកូនរបស់អ្នក…
រាជធានីភ្នំពេញ ៖ គ្រួសារ មិត្តភ័ក្តិ និងគ្រូពេទ្យកុមាររបស់កូនអ្នក គឺជាធនធានដ៏មានសក្តានុពលសម្រាប់ការអនុវត្តវិន័យប្រកបដោយប្រសិទ្ធភាព ។ ទោះជាយ៉ាងណាក៏ដោយ វាអាចជារឿងពិបាកក្នុងការដឹងថា យុទ្ធសាស្ត្រមួយណាដែលទំនងជាមានប្រសិទ្ធភាពជាមួយកូនរបស់អ្នក ។
មិនអីទេបើកូនរបស់អ្នកខឹងនឹងអ្នក ៖ «ចូរធ្វើជាឪពុកម្តាយ មិនមែនជាមិត្ត» នេះមានន័យថា កុំខ្លាចធ្វើជាមនុស្សអាក្រក់ចំពោះមុខកូន ។ ពេលខ្លះកូនរបស់អ្នកអាចខឹងនឹងអ្នក សូមប្រឈមមុខជាមួយនឹងបញ្ហានេះ ។ ពេលខ្លះសូមឱ្យកូនអ្នកបរាជ័យពេលខ្លះ ។ បើអ្នកមិនធ្វើ តើអ្នករំពឹងថា ពួកគេនឹងរៀនពីរបៀបដើម្បីទប់ទល់នឹងការឡើងចុះនៃជីវិតដោយរបៀបណា ? គ្មាននរណាជោគជ័យគ្រប់រឿងនោះទេ ពេលខ្លះអ្នកត្រូវតែបរាជ័យទើបអាចជោគជ័យបាន ។
គោរពកូនរបស់អ្នក ៖ កុំស្រែកជេរ ហៅឈ្មោះមិនល្អ ឬវាយកូនរបស់អ្នក ។ ក្មេងៗរៀនពីអ្នក ការធ្វើបាប ឬការវាយកូន គ្រាន់តែបង្រៀនពួកគេឱ្យដោះស្រាយជម្លោះដោយការអំពើហឹង្សា ។ ប្រសិនបើអ្នកមានអារម្មណ៍ខឹងខ្លាំង សូមដើរចេញបន្តិច ថយក្រោយបន្តិច ធ្វើចិត្តឱ្យស្ងប់ ហើយត្រឡប់មកវិញជាមួយនឹងវិន័យ ។
មើលរូបភាពឱ្យធំ ៖ ពេលកូនរបស់អ្នកឈានចូលដល់វ័យជំទង់ សូមរំលឹកខ្លួនឯងឱ្យបានញឹកញាប់ថា ក្មេងជំទង់របស់អ្នកនឹងអាចចាកចេញពីផ្ទះនាពេលណាមួយឆាប់ៗនេះ ហើយពួកគេនឹងមានសិទ្ធិក្នុងការសម្រេចចិត្តថា តើពួកគេចង់នៅជាមួយអ្នកពេញមួយជីវិតរបស់អ្នកឬយ៉ាងណា ។ ដូច្នេះរាល់ថ្ងៃចូរផ្តោតលើការកសាងទំនាក់ទំនងល្អ នោះកូនរបស់អ្នកនឹងកាន់តែចូលចិត្ត និងពេញចិត្តចំពោះអ្នក សម្រាប់ឆ្នាំក្រោយៗទៀត ។
ផ្តល់ការណែនាំប្រកបដោយប្រសិទ្ធភាព ៖ ប្រសិនបើអ្នកត្រូវប្រាប់កូនរបស់អ្នកនូវរឿង
ដដែលនេះម្តងហើយម្តងទៀត មុនពេលពួកគេឆ្លើយតប នោះអ្នកកំពុងបង្ហាត់ពួកគេឱ្យព្រងើយកន្តើយនឹងអ្នកហើយ ។ ដូច្នេះចូរផ្តល់ការណែនាំប្រកបដោយប្រសិទ្ធភាព ។
ប្រើផលវិបាកធម្មជាតិ ៖ ប្រើផលវិបាកធម្មជាតិ ប្រសិនបើអាចធ្វើទៅបាន ។ ឪពុកម្តាយអាចមានអារម្មណ៍ថា ពួកគេត្រូវតែដាក់ទណ្ឌកម្មកូនចំពោះកំហុស ឬអាកប្បកិរិយាមិនត្រឹមត្រូវ ជាជាងអនុញ្ញាតឱ្យជីវិតពិតទទួលយក ។ ប្រសិនបើកូនរបស់អ្នកមិនព្រមពាក់អាវរងាររបស់ពួកគេទេ ចូរទុកឱ្យគាត់ត្រជាក់ ។ ប្រសិនបើគេបរាជ័យក្នុងការសម្អាតបន្ទប់ ចូរទុកឱ្យវារញ៉េរញ៉ៃម្តងម្កាល ។
ដោះស្រាយបញ្ហាជាមួយគ្នា ៖ ការដោះស្រាយបញ្ហា គឺជាអ្វីដែលត្រូវតែធ្វើជំនួសឱ្យការដាក់ទណ្ឌកម្ម ដើម្បីអភិវឌ្ឍអាកប្បកិរិយាប្រកបដោយទំនួលខុសត្រូវ និងការគោរពចំពោះកុមារ និងមនុស្សពេញវ័យ ។ ការដាក់ទណ្ឌកម្ម គ្រាន់តែជាការបង្ខិតបង្ខំ ដើម្បីឱ្យកុមារធ្វើនូវអ្វីដែលយើងចង់បានប៉ុណ្ណោះ ។ វាមិនមែនដើម្បីអភិវឌ្ឍចរិតលក្ខណៈ និងការយល់ចិត្តឡើយ ។ តាមពិតទៅ វាជាផ្នែកមួយនៃការបង្កើតការសម្លុត ហើយកុមារមិនរៀនសូត្របានច្រើន ដោយការភ័យខ្លាច និងការបង្ខំទេ ។
ប្រើវិន័យ ដើម្បីបង្រៀន មិនមែនការដាក់ទោសទេ ៖ ស្វែងយល់ពីអត្ថន័យនៃពាក្យថា វិន័យ ។ វានិយាយអំពីការបង្រៀន និងការអប់រំ មិនមែនការដាក់ទណ្ឌកម្ម ការគំរាមកំហែង និងការបង្ហាត់បង្រៀនទេ ។ ចូរគិតថា ខ្លួនអ្នកជាគ្រូបង្រៀន ហើយបង្ហាញកូនរបស់អ្នកថា អ្នកគោរពពួកគេ ដោយពន្យល់ពីមូលហេតុដែលចាំបាច់ជួយពួកគេឱ្យយល់ ។
ផ្តល់ការសរសើរចំពោះអាកប្បកិរិយាល្អ ៖ កូនក្មេងពិតជាចង់ផ្គាប់ចិត្តឪពុកម្តាយរបស់ពួកគេ ។ គ្មានអ្វីធ្វើឱ្យកូនសប្បាយចិត្ត ជាពួកគេពេលទទួលបានការសរសើរពីម្តាយ ឬឪពុករបស់ពួកគេនោះទេ ។
ត្រូវប្រកាន់ខ្ជាប់នូវវិន័យ ៖ ត្រូវមានភាពជាប់លាប់លើវិន័យ ។ វិន័យមិនជាប់លាប់អាចបង្កើតអាកប្បកិរិយាអវិជ្ជមានទៅវិញ ពីព្រោះកូនរបស់អ្នកនឹងបន្តព្យាយាមធ្វើទៀត ដោយសង្ឃឹមថា លើកក្រោយពួកគេនឹងមិនមានបញ្ហាឡើយ ៕ ប្រភព ៖ verywellfamily
អត្ថបទនេះផលិតឡើងក្រោមកិច្ចសហប្រតិបត្តិការជាមួយសាលារៀនវ៉េស្ទឡាញន៍ និងសាលារៀនណត្សឡាញន៍ ។ សាលារៀននឹងបើកដំណើរការសាខាថ្មី ៣ បន្ថែមទៀតនៅពេលខាងមុខនេះ គឺសាខាក្រុងតាខ្មៅ សាខាទួលពង្រ និងសាខាក្រុងច្បារមន ខេត្តកំពង់ស្ពឺ ។ សាលារៀនផ្តល់ជូនកម្មវិធីមត្តេយ្យភាសាខ្មែរ និងអង់គ្លេស កម្មវិធីភាសាអង់គ្លេសសម្រាប់កុមារ កម្មវិធីភាសាអង់គ្លេសសិស្សធំ កម្មវិធីចំណេះទូទៅខ្មែរ ពីថ្នាក់ទី ១ ដល់ទី ១២ និងកម្មវិធីភាសាចិន ។
លើសពីនេះ សាលារៀនក៏បន្ថែមនូវវេទិកា និងមធ្យោបាយសិក្សាយ៉ាងសម្បូរបែបជាមួយនឹងប្រព័ន្ធគ្រប់គ្រងសាលារៀន ប្រព័ន្ធគ្រប់គ្រង់ការសិក្សា និងអេបសាលារៀនជូនដល់មាតាបិតាសិស្ស និងសិស្សានុសិស្សក្នុងការគ្រប់គ្រងការសិក្សា និងតាមដានព័ត៌មានសិក្សារបស់បុត្រធីតាផងដែរ ។ សម្រាប់ព័ត៌មានបន្ថែម សូមទំនាក់ទំនងទូរស័ព្ទលេខ ៖ ០៩២ ៨៨៨ ៤៩៩ / ០១៥ ៨០៥ ១២៣ ៕
ចែករំលែកព័តមាននេះ