កុងតឺន័របើកឆ្លងផ្លូវ ត្រូវរថភ្លើងបុ.កអូសជាម៉ែត្រ
- ភ្នំពេញ
រាជធានីភ្នំពេញ ៖ ឡានកុងតឺន័រមួយគ្រឿង បើកឆ្លងកាត់ផ្លូវដែក ត្រូវរថភ្លើងបុកអូសជាច្រើន
រាជធានីភ្នំពេញ ៖ ឡានកុងតឺន័រមួយគ្រឿង បើកឆ្លងកាត់ផ្លូវដែក ត្រូវរថភ្លើងបុកអូសជាច្រើន
រាជធានីភ្នំពេញ ៖ ឡានកុងតឺន័រមួយគ្រឿង បើកឆ្លងកាត់ផ្លូវដែក ត្រូវរថភ្លើងបុកអូសជាច្រើនម៉ែត្រ បណ្តាលឱ្យរងការខូចខាត តែមិនបណ្តាលឱ្យមនុស្សណាម្នាក់រងគ្រោះថ្នាក់នោះទេ។
ហេតុការណ៍ខាងលើនេះ បានបង្កការភ្ញាក់ផ្អើលកើតឡើងកាលពីវេលាម៉ោង១១និង៤៥នាទីយប់ថ្ងៃទី ១៥ ខែមីនា ឆ្នាំ២០២៤ នៅចំណុចភូមិស្រែជ្រៅ សង្កាត់កន្ទោក ខណ្ឌកំបូល រាជធានីភ្នំពេញ។
តាមប្រភពពីកន្លែងកើតហេតុ បានឱ្យដឹងថា មុនពេលកើតហេតុ ដោយរថភ្លើងកំពុងតែបើកបរពីជើងទៅត្បូង ជិតមកដល់ចំណុចខាងលើ ស្របពេលនោះមានរថយន្តកុងតឺន័រមួយគ្រឿង ម៉ាកហ៊ីយ៉ាន់ដាយ ពណ៌ខៀវ ពាក់ស្លាកលេខ ភ្នំពេញ 3E-7953 បើកបរធ្វើដំណើរពីកើតទៅលិចឆ្លងផ្លូវ ក៏ត្រូវបានរថភ្លើងបើកបុកជាប់អូសជាង៣០ម៉ែត្រ បណ្ដាលឱ្យខូចខាតយ៉ាងដំណំ តែសំណាងមិនបណ្តាលឱ្យគ្រោះថ្នាក់ដល់អ្នកបើកបរនោះទេ ។
ក្នុងហេតុការណ៍ខាងលើនេះ បង្កការខូចខាតប៉ះពាល់គំរបលូបាក់បែកអស់ជាច្រើននៅកន្លែងកើតហេតុ បន្ទាប់មកបង្កការភ្ញាក់ផ្អើលដល់ប្រជាពលរដ្ឋរាយការណ៍ទៅសមត្ថកិច្ចមូលដ្ឋានចុះមកអន្តរាគមន៍ភ្លាមៗ ទាក់ទងទៅផ្នែកជំនាញបន្ត ចំណែករថភ្លើងបានបើកចេញពីកន្លែងបាត់ស្រមោលដោយឱ្យខាងតំណាងមកសម្រួលដោះស្រាយជាមួយខាងម្ចាស់រថយន្តរងគ្រោះ ។
ក្រោយពេលកើតហេតុ ដោយសារមិនអាចសម្រួលដោះស្រាយគ្នាបញ្ចប់នៅកន្លែងកើតខាងសមត្ថកិច្ចផ្នែកជំនាញស្ទូចអូសរថយន្តកុងតឺន័រខាងលើ ទៅរក្សាទុកនៅជំនាញនគរបាលចរាចរណ៍ខណ្ឌកំបូល រង់ចាំធ្វើការដោះស្រាយបន្តពេលក្រោយ ៕
ចែករំលែកព័តមាននេះ