អ្នកបើកបរប្រាប់មូលហេតុ ក្រោយកុងតឺន័របុ.ករះឡាន៣គ្រឿង និងម៉ូតូឈប់ស្តុប ផ្អើលមហាវិថីឈ្នះឈ្នះ
- ភ្នំពេញ
រាជធានីភ្នំពេញ៖ នារីខ្មែរអ៊ិស្លាមម្នាក់ បានរងរបួសធ្ងន់ធ្ងរ ត្រូវបញ្ជូនទៅសង្គ្រោះនៅមន្ទីរពេទ្យ នៅ
រាជធានីភ្នំពេញ៖ នារីខ្មែរអ៊ិស្លាមម្នាក់ បានរងរបួសធ្ងន់ធ្ងរ ត្រូវបញ្ជូនទៅសង្គ្រោះនៅមន្ទីរពេទ្យ នៅ
រាជធានីភ្នំពេញ៖ នារីខ្មែរអ៊ិស្លាមម្នាក់ បានរងរបួសធ្ងន់ធ្ងរ ត្រូវបញ្ជូនទៅសង្គ្រោះនៅមន្ទីរពេទ្យ នៅក្នុងហេតុការណ៍គ្រោះថ្នាក់ចរាចរណ៍ ដែលបង្កឡើងដោយរថយន្តដឹកកុងតឺន័រមួយគ្រឿង បានបើកបុករះរថយន្តចំនួន៣គ្រឿងនិងម៉ូតូ១គ្រឿងដែលកំពុងតែឈប់ស្តុប ។
ហេតុការណ៍គ្រោះថ្នាក់ខាងលើនេះបានកើតឡើងកាលពីវេលាម៉ោងប្រមាណ១១និង៥០នាទីព្រឹកថ្ងៃទី១១ ខែ មិនា ឆ្នាំ២០២៤ នៅចំណុចស្តុប តាមបណ្ដោយមហាវិថីឈ្នះ ឈ្នះ កែង ផ្លូវលេខ១០០៣ ក្នុងភូមិឡកំបោរ សង្កាត់ស្វាយបាក់ ខណ្ឌឫស្សីកែវ រាជធានីភ្នំពេញ។
រថយន្តដែលបង្កម៉ាក MITSUBISHI ពាក់ស្លាកលេខ ចង្កូតស្តាំ KCHH- ០២៣៤ បើកបរដោយបុរសម្នាក់ពុំស្គាល់អត្តសញ្ញាណឡើយ ត្រូវសមត្ថកិច្ចឃាត់ខ្លួន ។ ចំណែកនារីរងគ្រោះពុំស្គាល់អត្តសញ្ញាណឡើយ ជិះម៉ូតូមួយគ្រឿងម៉ាកស្គូពី ពណ៌ស ពាក់ស្លាកលេខ ភ្នំពេញ ១HH-៧៣៩៨ ។
តាមសាក្សីបានឱ្យដឹងថា នៅមុនពេលកើតហេតុ គេឃើញរថយន្តដឹកកុងតឺន័រមួយគ្រឿងខាងលើ បានធ្វើដំណើរតាម បណ្ដោយមហាវីថីឈ្នះ ឈ្នះ ក្នុងទិសដៅពីលិចទៅកើត នៅពេលធ្វើដំណើរមកដល់កន្លែងហេតុ ដែលជាចំណុច ក៏បានជ្រុលចង្កូតទៅបុករះរថយន្តឈប់ស្តុបជាបន្តបន្ទាប់ចំនួន៣គ្រឿង និងម៉ូតូ១គ្រឿង បណ្ដាលឱ្យនារីខ្មែរអ៊ិស្លាមម្នាក់រងរបួសធ្ងន់ត្រូវបញ្ជូនទៅសង្គ្រោះនៅមន្ទីរពេទ្យ ។
តាមសាក្សីបានបញ្ជាក់ឱ្យដឹងទៀតថា នៅក្នុងហេតុការណ៍ខាងលើ គេឃើញរថយន្តបានបុករថយន្តមួយគ្រឿងម៉ាកហ៊ីយ៉ាន់ដាយ ពាក់ស្លាកលេខ ភ្នំពេញ ២K-៧៩០០ ដឹកស្លាកប៉ាណូ យ៉ាងពេញទំហឹង ហើយរុញទៅបុករថយន្តកាមរីឆ្លាម ពណ៌ត្រីអ៊ី ពាក់ស្លាកលេខ កណ្ដាល ២B-៤១៦១និងបុកម៉ូតូស្តុបពីរុញទៅចូលក្រោមរថយន្តក្រុង ព្រមទាំងគៀបជាប់រថយន្តក្រុង ។ បន្ទាប់ពី គ្រោះថ្នាក់អ្នកបើកបរ រថយន្ត ដឹកកុងតឺន័រ ត្រូវបានសមត្ថកិច្ចឃាត់ខ្លួន ។
តាមអ្នកបើកបរ បានឱ្យដឹងថា គ្រោះថ្នាក់នេះ បណ្ដាលមកពីរថយន្តដាច់ហ្វ្រាំងជាន់មិនស៊ី ។
ក្រោយពេលកើតហេតុ រថយន្ត និងម៉ូតូ ព្រមទាំងអ្នកបើកបររថយន្តបង្ក ត្រូវបានសមត្ថកិច្ច ចុះទៅវាស់វែងរួចបញ្ជូនទៅកាន់ការិយាល័យចរាចរណ៍ផ្លូវគោក ដើម្បីចាត់ការតាមច្បាប់ ៕
ចែករំលែកព័តមាននេះ