អារ៉ាប៊ីសាអូឌីត កំពុងតែប្រឈមមុខនឹងកិច្ចការដ៏ធំលើកំណែទម្រង់សេដ្ឋកិច្ច
អារ៉ាប៊ីសាអូឌីត ៖ ព្រះរាជាណាចក្រអារ៉ាប៊ីសាអូឌីត កំពុងប្រឈមមុខនឹងកិច្ចការដ៏ធំ នៅក្នុងការ
អារ៉ាប៊ីសាអូឌីត ៖ ព្រះរាជាណាចក្រអារ៉ាប៊ីសាអូឌីត កំពុងប្រឈមមុខនឹងកិច្ចការដ៏ធំ នៅក្នុងការ
អារ៉ាប៊ីសាអូឌីត ៖ ព្រះរាជាណាចក្រអារ៉ាប៊ីសាអូឌីត កំពុងប្រឈមមុខនឹងកិច្ចការដ៏ធំ នៅក្នុងការកសាងសេដ្ឋកិច្ចរបស់ខ្លួនឡើងវិញ ដោយងាកចេញពីការពឹងផ្អែកខ្លាំងលើពាណិជ្ជកម្មប្រេង ដែលបានកំណត់ទិដ្ឋភាពហិរញ្ញវត្ថុរបស់ខ្លួនជាយូរមកហើយ។
ចក្ខុវិស័យសម្រាប់ឆ្នាំ ២០៣០ ដែលបានបង្ហាញកាលពី៥ឆ្នាំមុន ដោយព្រះអង្គម្ចាស់ Muhammad Bin Salman ដោយទ្រង់បានគូសបញ្ជាក់អំពីផែនការមហិច្ឆតា ដើម្បីធ្វើពិពិធកម្ម និងផ្លាស់ប្ដូរសេដ្ឋកិច្ចអារ៉ាប៊ីសាអូឌីត។ ទោះជាយ៉ាងណាក៏ដោយ ដំណើរឆ្ពោះទៅរកកំណែទម្រង់សេដ្ឋកិច្ច ហាក់ដូចជាកំពុងរីកចម្រើនក្នុងល្បឿនយឺតជាងការរំពឹងទុកដំបូង ហើយចំណុចសំខាន់នៃការផ្លាស់ប្ដូរគឺវិស័យទេស ចរណ៍ ដែលជាវិស័យមួយដែលអ្នកបង្កើតគោលនយោបាយសង្ឃឹមថា នឹងក្លាយទៅជាប្រភពការងារថ្មីដ៏ធំបំផុត និងមានចំណែកដ៏សំខាន់នៃផលិតផលក្នុងស្រុកសរុប ឬ GDP។
ទីក្រុងអាបា (Abha) ដែលមានទីតាំងនៅភាគនិរតីនៃអារ៉ាប៊ីសាអូឌីត ត្រូវបានកំណត់សម្រាប់ការតុបតែងដ៏អស្ចារ្យ ហើយមូលនិធិវិនិយោគសាធារណៈបានប្តេជ្ញាចិត្តលើការចំណាយរាប់ពាន់លានដុល្លារលើការសាងសង់សណ្ឋាគារ និងកន្លែងទេសចរណ៍ជាច្រើនផ្សេងទៀត ដើម្បីទាក់ទាញភ្ញៀវទេសចរចំនួន ២លាននាក់ជារៀងរាល់ឆ្នាំ នៅឆ្នាំ ២០៣០។ ប៉ុន្តែបញ្ហាប្រឈមស្ថិតលើការបញ្ចុះបញ្ចូលអ្នកទេសចរបរទេសឱ្យជ្រើសរើសអារ៉ាប៊ីសាអូឌីត ជាងគោលដៅផ្សេងទៀត នៅជុំវិញពិភពលោក។
ព្រះរាជាណាចក្រអារ៉ាប៊ីសាអូឌីត ទើបតែចាប់ផ្តើមផ្តល់ទិដ្ឋាការទេសចរណ៍ក្នុងឆ្នាំ ២០១៩ ប៉ុណ្ណោះ ដូច្នេះត្រូវការធ្វើការងារដ៏ច្រើនលើសលប់បន្ថែមទៀត សម្រាប់ការប្រកួតប្រជែង។ សំណួរលេចឡើងថា តើអារ៉ាប៊ីសាអូឌីតមានចំណុចពិសេសអ្វីដែលលើសពីភាពទាក់ទាញនៃរាជវង្សានុវង្ស និងទេសភាពដ៏គួរឱ្យភ្ញាក់ផ្អើល?
ការទាក់ទាញក្រុមហ៊ុន និងអ្នកវិនិយោគបរទេស គឺជាកត្តាសំខាន់បំផុតសម្រាប់ភាពជោគជ័យនៃចក្ខុវិស័យឆ្នាំ ២០៣០ ប៉ុន្តែរដ្ឋាភិបាលនៅតែតស៊ូ ដើម្បីបញ្ជាក់អំពីកត្តាគួរឱ្យទាក់ទាញសម្រាប់ជម្រើសនៃព្រះរាជាណាចក្រមួយនេះ។ ភាពជោគជ័យរបស់រាជទាយាទ Muhammad នឹងភ្ជាប់យ៉ាងជិតស្និទ្ធទៅនឹងសមត្ថភាពរបស់ព្រះអង្គក្នុងការបង្កើតការងារសម្រាប់ប្រជាជនវ័យក្មេង ដែលពីរភាគបីនៃពួកគេមានអាយុក្រោម៣៥ឆ្នាំ។ ជំងឺរាតត្បាតកូវីដ-១៩ បានធ្វើឱ្យភាពអត់ការងារធ្វើកាន់តែធ្ងន់ធ្ងរឡើងដល់ ១៥.៤% នៅក្នុងត្រីមាសទី២ នៃឆ្នាំ ២០២០ បើទោះបីជាអត្រានេះបានធ្លាក់ចុះចាប់តាំងពីពេលនោះមកយ៉ាងណាក៏ដោយ ក៏ក្ដីបារម្ភនៅតែមាន។
ឥឡូវនេះ ប្រជាជនអារ៉ាប៊ីសាអូឌីតកំពុងចាប់យកការងារមានជំនាញទាប ដែលត្រូវបានបំពេញដោយជនចំណាកស្រុកជាប្រពៃណី ប៉ុន្តែទោះយ៉ាងណាទីផ្សារកម្រិតខ្ពស់ នៅតែខ្វះឱកាសសម្រាប់ពលរដ្ឋដែលមានការអប់រំ។ ការវិនិយោគផ្ទាល់ពីបរទេស (FDI) ដែលជាធាតុសំខាន់សម្រាប់កំណើនសេដ្ឋកិច្ចប្រទេសក៏មានភាពយឺតយ៉ាវ។ នៅឆ្នាំ ២០២០ លំហូរចូលនៃការវិនិយោគផ្ទាល់ពីបរទេសប្រចាំឆ្នាំ ដែលរំពឹងទុក ១០ពាន់លានដុល្លារ ប៉ុន្តែជាក់ស្តែងបានត្រឹម ៥.៥ពាន់លានដុល្លារប៉ុណ្ណោះ។
ការប្រកាសនាពេលថ្មីៗនេះ នៃយុទ្ធសាស្ត្រថ្មី ដែលមានបំណងចង់បាន ១០០ពាន់លានដុល្លារនៅក្នុងការវិនិយោគផ្ទាល់ពីបរទេសប្រចាំឆ្នាំ នៅឆ្នាំ ២០៣០ បានធ្វើឱ្យមានការងឿងឆ្ងល់ ខណៈដែលអ្នករិះគន់មួយចំនួនអះអាងថា មន្ត្រីបានកំណត់គោលដៅប្រកបដោយមហិច្ឆតា ដោយគ្មានមតិកែលម្អគ្រប់គ្រាន់។ បញ្ហាប្រឈមផ្នែកសេដ្ឋកិច្ច ក៏រួមទាំងការកាត់បន្ថយការឧបត្ថម្ភធន ការដំឡើងពន្ធ និងការកើនឡើងតម្លៃពលកម្ម បានលុបបំបាត់គុណសម្បត្តិប្រពៃណីមួយចំនួនរបស់អារ៉ាប៊ីសាអូឌីត សម្រាប់ក្រុមហ៊ុនបរទេស។ ដំណើរទៅកាន់ការធ្វើពិពិធកម្មគឺមានភាពស្មុគ្រស្មាញ ហើយភាពជោគជ័យនឹងស្ថិតនៅលើតុល្យភាពដ៏វិសេសវិសាលនៃកំណែទម្រង់សេដ្ឋកិច្ច ក៏ដូចជាការវិនិយោគបរទេស និងសមត្ថភាពក្នុងការបង្កើតការប្រកួតប្រជែង៕ (ប្រភព ៖ Nation Thailand និង Asia News Network)
ចែករំលែកព័តមាននេះ