ជិះម៉ូតូមកពីដឹកបន្លែ ដួ.លបោ.កទៅនឹងថ្នល់បែកផ្កាភ្លើងឆេះម៉ូតូខ្ទេច សល់តែគ្រោងឆ្អឹ.ង
- ភ្នំពេញ
រាជធានីភ្នំពេញ ៖ បុរសម្នាក់ត្រឡប់មកពីដឹកបន្លែ ខណៈបានជិះម៉ូតូដួលបោកទៅនឹងថ្នល់បែកផ្កា
រាជធានីភ្នំពេញ ៖ បុរសម្នាក់ត្រឡប់មកពីដឹកបន្លែ ខណៈបានជិះម៉ូតូដួលបោកទៅនឹងថ្នល់បែកផ្កាភ្លើងឆេះម៉ូតូខ្ទេចសល់តែគ្រោងឆ្អឹង បង្កឱ្យមានការភ្ញាក់ផ្អើលកាលពីវេលាម៉ោង៤ឈានចូលព្រឹកថ្ងៃទី៤ ខែមីនា ឆ្នាំ២០២៤ នៅតាមបណ្ដោយផ្លូវ២០០៤ ហៅផ្លូវម៉ៃដា ស្ថិតនៅសង្កាត់អូរបែកក្អម ខណ្ឌសែនសុខ រាជធានីភ្នំពេញ ។
ម៉ូតូ១គ្រឿងដែលត្រូវភ្លើងឆេះខាងលើម៉ាកសង់ ពាក់ស្លាកលេខ កំពង់ចាម 1D-8950 បើកពីលិចទៅកើត ។
តាមប្រភពព័ត៌មានពីបុរសម្ចាស់ម៉ូតូឆេះខាងលើ បានឱ្យដឹងថា នៅមុនពេលកើតហេតុ គាត់បានដឹកបន្លែពីផ្សារនាគមាស ហើយយកទៅដាក់ផ្សារជម្ពូវ័ន បន្ទាប់មកក៏បានដួលបោកទៅនឹងថ្នល់ បណ្ដាលឱ្យបែកផ្កាភ្លើង ហើយគម្របសាំងបានខ្ទាតចេញ និងបណ្ដាលឱ្យឆាបឆេះម៉ូតូគាត់យ៉ាងសន្ធោសន្ធៅតែម្ដង ។
តាមប្រភពព័ត៌មានពីបុរសម្ចាស់ម៉ូតូឆេះខាងលើ បានបន្តទៀតថា ខណៈពេលឆេះភ្លាមៗ ដោយនៅយប់នោះ ផ្ទះប្រជាពលរដ្ឋនៅជិតកន្លែងកើតហេតុ មិនទាន់បើកទ្វារពិបាក នឹងពន្លត់ហើយ ក៏បានឆាបឆេះខ្ទេចតែម្ដង ។
ក្រោយពេលកើតហេតុ ម្ចាស់ម៉ូតូខាងលើ ដោយឃើញម៉ូតូរបស់ខ្លួនត្រូវបានភ្លើងឆេះខ្ទេច ដោយមិនមានអ្វីជិះបាន ក៏ហៅម៉ូតូកង់បីជិះចេញទៅបាត់ ដោយទុកម៉ូតូដែលឆេះខ្ទេចខាងលើ នៅកន្លែងកើតហេតុ បន្ទាប់មកកម្លាំងសមត្ថកិច្ចនគរបាលប៉ុស្តិ៍បានយកម៉ូតូខាងលើ យកទៅរក្សាទុកនៅប៉ុស្តិ៍នគរបាលសិន ៕
ចែករំលែកព័តមាននេះ