ចេតិយតម្កល់ធាតុឪពុកម្តាយជាទីលានបង្កើតបុណ្យ ដូច្នេះកូនចៅត្រូវថែឱ្យស្អាត
- ភ្នំពេញ
រាជធានីភ្នំពេញ ៖ ការសង់ព្រះចេតិយឱ្យម្តាយឪពុកនេះ មានអានិសង្សវិសេសណាស់ ។ នៅក្នុងផ្លូវ
រាជធានីភ្នំពេញ ៖ ការសង់ព្រះចេតិយឱ្យម្តាយឪពុកនេះ មានអានិសង្សវិសេសណាស់ ។ នៅក្នុងផ្លូវព្រះពុទ្ធសាសនា លោកថា អ្នកណាបានសាងព្រះចេតិយតម្កល់អដ្ឋិធាតុ ម្តាយ តម្កល់អដ្ឋិធាតុឪពុក បីដូចសាងទីលាននាំឱ្យកើតបុណ្យ បានសាងសាលានាំឱ្យកើតបុណ្យ មានន័យថាទីកន្លែងនោះជាទីប្រជុំចុះដោយបុណ្យកុសល គឺកើតបុណ្យរាល់ថ្ងៃតែម្តង ។ ប៉ុន្តែបើកូនប្រុសស្រីណាធ្វើព្រះចេតិយហើយ ទុកចោលកន្លះឆ្នាំ បានមកម្តង ផលក៏បានតាមនឹងដែរ ។
ព្រះគ្រូធម្មាចារ្យផលធរោ ផុន ភក្តី បានមានថេរដីកាថា បើយើងធ្វើចេតិយតម្កល់ធាតុមាតាបិតា ហើយ យើងឧស្សាហ៍មកបោស មកសម្អាត មកដូរទឹក មករៀបចំចាត់ចែងទុកដាក់ មកដាំផ្កា តុបតែងរៀបចំ បុណ្យកុសលបានតាមហ្នឹង ។ បើយើងធ្វើព្រះចេតិយហើយទុកចោលកន្លះឆ្នាំ បានមកម្តង ផលក៏បានតាមនឹងដែរ ។
អានិសង្សការសង់ព្រះចេតិយ ឱ្យម្តាយឪពុកនេះ មានអានិសង្សវិសេសណាស់ លោកថា អ្នកណាបានសាងព្រះចេតិយតម្កល់ម្តាយ តម្កល់ឪពុក បីដូចសាងទីលាននាំឱ្យកើតបុណ្យ បានសាងសាលានាំឱ្យកើតបុណ្យ មានន័យថាទីកន្លែងនោះជាទីប្រជុំចុះដោយបុណ្យកុសល គឺកើតបុណ្យរាល់ថ្ងៃតែម្តង ។ ឱ្យតែអ្នកណាបានសង់ព្រះចេតិយទីតម្កល់អដ្ឋិធាតុ កន្លែងបញ្ចុះមាតាបិតាឱ្យសមរម្យស្អាតបាតនឹង មានន័យថា កើតបុណ្យគ្រប់ពេលតែម្តង ។ ប៉ុន្តែកើតបុណ្យគ្រប់ពេលនៅត្រង់ណា? គឺនៅត្រង់ដែលយើងមកបោសសម្អាត មកគោរព មកបូជា មកថ្វាយបង្គុំព្រឹកល្ងាច អានឹងបានវាបានបុណ្យព្រឹកល្ងាច ។
អញ្ចឹងយើងធ្វើកន្លែងមានសួនផ្កា មានរបងព័ទ្ធជុំវិញ យើងស្អាតរៀបចំ មានត្រពាំងទឹក ជាទីជ្រះថ្លាសម្រាប់គាត់ ទោះបីជាគាត់ឃ្លាតព្រាត់ពីយើងក៏ពិតមែន ប៉ុន្តែអ្វីដែលនៅក្នុងចិត្តយើងគឺគុណធម៌ គឺសេចក្តីស្រឡាញ់របស់យើងដែលដាក់លើគាត់ ហើយគាត់មានគុណធម៌មកលើយើង មានសេចក្តីល្អមកលើយើង ដែលយើងត្រូវចងចាំ ត្រូវនឹករលឹក ។
បើយើងមានលទ្ធភាព ទិញដីឱ្យធំល្មម សមរម្យ ហើយដាំដើមឈើ ហើយជីកស្រះទឹក រៀបចំឱ្យស្អាត ទុកកន្លែងសមរម្យសម្រាប់ ដាក់តម្កល់ មតាបិតាញាតិរបស់យើង នឹងជាទីសមគួរ ៕
ចែករំលែកព័តមាននេះ