ឆេះរោងចងគោ បណ្ដាលឱ្យងា.ប់គោ២ក្បាល និង សម្ភារៈអស់ទាំងស្រុង
- សៀមរាប
ខេត្តសៀមរាប ៖ ឆ្លងចរន្តអគ្គិសនីឆេះរោងចងគោ បណ្ដាលឱ្យងាប់គោចំនួន២ក្បាល និងសម្ភារៈ
ខេត្តសៀមរាប ៖ ឆ្លងចរន្តអគ្គិសនីឆេះរោងចងគោ បណ្ដាលឱ្យងាប់គោចំនួន២ក្បាល និងសម្ភារៈ ព្រមទាំងលុយកាក់អស់ទាំងស្រុង តែមិនបណ្តាលឱ្យមនុស្សណាម្នាក់រងរបួសក្នុងហេតុការណ៍ភ្លើងឆេះរោងគោនេះទេ។
ហេតុការណ៍ខាងលើនេះបង្កការឱ្យមានការភ្ញាក់ផ្អើលកាលពីវេលាម៉ោង៥និង៣០នាទីព្រឹកថ្ងៃទី២៩ ខែកុម្ភៈ ឆ្នាំ២០២៤ ស្ថិតនៅភូមិស្ដៅពក ឃុំជ្រោយនាងងួន ឃុំជ្រោយនាងងួន ស្រុកស្រីស្នំ ខេត្តសៀមរាប ។
បើតាមប្រសាសន៍របស់លោក អ៊ិន ស្រស់ អធិការនគរបាលស្រុកស្រីស្នំ បានប្រាប់តាមទូរសព្ទនៅ វេលាម៉ោង២ និង៣០នាទីរសៀលថ្ងៃទី២៩ ខែកុម្ភៈ ឆ្នាំ២០២៤ នេះថា មានករណីអគ្គីភ័យឆាបឆេះរោងចងគោរបស់ឈ្មោះ នួន តេង ភេទប្រុស អាយុ៦០ឆ្នាំ (ជាអតីតយុទ្ធជន ឈ្មោះ ម៉ៅ ម៉ុន) មូលហេតុបណ្ដាល មានការឆាបឆេះនេះ គឺបណ្ដាលមកពីឆ្លងចរន្តអគ្គិសនី ។
លោកបញ្ជាក់ទៀតថា ករណីឆេះរោងចងគោខាងលើនោះ បណ្តាលឱ្យរងការខូចខាតរួមមាន សត្វគោចំនួន២ក្បាលបានងាប់ ប្រាក់៥២ម៉ឺនរៀល និងសម្ភារៈមួយចំនួនដូចជា ខោអាវ សំណាញ់ ស្បៃសម្រាប់ហាលស្រូវជាដើមដែលម្ចាស់របស់គាត់ធ្វើកន្លែងដេកជាប់និងរោងគោ ត្រូវភ្លើងឆេះអស់តែម្ដង ៕
ចែករំលែកព័តមាននេះ