ក្រុមឆ.ក់យ៉ាងសកម្មនាំគ្នាជិះឡានដើរលេងក៏ជួបសមត្ថកិច្ច បើកគេចបង្កគ្រោះថ្នាក់ផ្អើ.ល
- ភ្នំពេញ
រាជធានីភ្នំពេញ ៖ សមត្ថកិច្ចបានតាមឃាត់ខ្លួនក្រុមជនសង្ស័យបានចំនួន៤នាក់ជាមុខសញ្ញាឆ.ក់
រាជធានីភ្នំពេញ ៖ សមត្ថកិច្ចបានតាមឃាត់ខ្លួនក្រុមជនសង្ស័យបានចំនួន៤នាក់ជាមុខសញ្ញាឆ.ក់យ៉ាងសកម្មនៅក្នុងរាជធានីភ្នំពេញ បន្ទាប់ពីក្រុមជនសង្ស័យបបួលគ្នាជិះរថយន្តដើរលេង ហើយជាប់អន្ទាក់សមត្ថកិច្ច រួចព្យាយាមបើកគេច ក៏បុ.កម៉ូតូ១គ្រឿងអូសពេញផ្លូវ កាលពីវេលាម៉ោង១១និង១១នាទីយប់ថ្ងៃទី២០ ខែកុម្ភៈ ឆ្នាំ២០២៤ នៅចំណុចទល់មុខ NAGA WORLD សង្កាត់ទន្លេ បាសាក់ ខណ្ឌចំការមន រាជធានីភ្នំពេញ ។
តាមប្រភពព័ត៌មានពីពលរដ្ឋដែលឃើញហេតុការណ៍បានឱ្យដឹងថា មុនពេលកើតហេតុ គេបានឮសំឡេងរថយន្តអូសម៉ូតូ១គ្រឿង ឆ្លងកាត់ខាងមុខរដ្ឋសភា ហើយគេឃើញមានជនស៊ីវិល១ក្រុម ជិះម៉ូតូដេញតាមរថយន្តបង្កមួយនោះផងដែរ។
អ្នកឃើញហេតុការណ៍បានបន្តទៀតថា រថយន្តបង្កមួយគ្រឿងដែលបានបុ.កម៉ូតូនិងអូសម៉ូតូជាច្រើនម៉ែត្រនោះម៉ាកតូយ៉ូតាព្រូស ពណ៌ស ពាក់ស្លាកលេខ ភ្នំពេញ 2AR-1742 បើកបរដោយយុវជនម្នាក់ រួមដំណើរដោយយុវជន២នាក់ទៀត សរុប៣នាក់ បានព្យាយាមបើកគេចរហូតដល់មុខ NAGA WORLD ទើបសមត្ថកិច្ចឃាត់បាន។ បន្ទាប់ពីឃាត់ខ្លួនរួច សមត្ថកិច្ចបាននាំខ្លួនជនសង្ស័យទាំង៣ ទៅកាន់ប៉ុស្តិ៍នគរបាលរដ្ឋបាល ទន្លេបាសាក់ ដើម្បីធ្វើការសាកសួរជំហានដំបូងឈានដល់ការតាមឃាត់ខ្លួនបានម្នាក់ទៀតនៅស្តុបគិរីរម្យថែមទៀតផង។
ក្រោយឃាត់ខ្លួន សមត្ថកិច្ចបានបញ្ជូនជនសង្ស័យទាំង៤នាក់ទៅកាន់ស្នងការដ្ឋាននគរ បាលរាជធានីភ្នំពេញដើម្បីធ្វើការសាកសួរ និងបន្តស៊ើអង្កេតតាមឃាត់ខ្លួនក្រុមជនសង្ស័យដែលជាប់ពាក់ព័ន្ធផ្សេងទៀត មកអនុវត្តតមនីតិវិធីផងដែរ ៕
ចែករំលែកព័តមាននេះ