រាជធានីភ្នំពេញ ៖ ក្នុងជំនួបពិភាក្សាការងាររវាងលោកអ៊ុង ស៊ាន រដ្ឋមន្ត្រីស្តីទីក្រសួងការបរទេស និងសហប្រតិបត្តិការអន្តរជាតិនាព្រឹកថ្ងៃទី៣១ ឧសភា ជាមួយលោក Itzhak Shoham ឯកអគ្គរដ្ឋទូតអ៊ីស្រាអែល ប្រចាំនៅកម្ពុជា នៅទីស្តីការក្រសួងការបរទេស និងសហប្រតិបត្តិការអន្តរជាតិ ភាគីទាំងពីរបានឯកភាពក្នុងការពង្រឹងទំនាក់ទំនងលើ
រាជធានីភ្នំពេញ ៖ ក្នុងជំនួបពិភាក្សាការងាររវាងលោកអ៊ុង ស៊ាន រដ្ឋមន្ត្រីស្តីទីក្រសួងការបរទេស និងសហប្រតិបត្តិការអន្តរជាតិនាព្រឹកថ្ងៃទី៣១ ឧសភា ជាមួយលោក Itzhak Shoham ឯកអគ្គរដ្ឋទូតអ៊ីស្រាអែល ប្រចាំនៅកម្ពុជា នៅទីស្តីការក្រសួងការបរទេស និងសហប្រតិបត្តិការអន្តរជាតិ ភាគីទាំងពីរបានឯកភាពក្នុងការពង្រឹងទំនាក់ទំនងលើគ្រប់វិស័យទាំងវិស័យសេដ្ឋកិច្ច នយោបាយរវាងប្រទេសទាំងពីរកម្ពុជា-អ៊ីស្រាអែល ។
ក្នុងកិច្ចសន្ទនានោះភាគីទាំងពីរ ពិនិត្យឡើងវិញនូវកិច្ចព្រមព្រៀងខ្លះដែលពុំទាន់បានចុះហត្ថលេខាដែលក្នុងនោះមានរាជធានីភ្នំពេញ និងទីក្រុងអ៊ីស្រាអែល ។ នៅក្នុងពេលដ៏ខ្លីខាងមុខខាងភាគីអ៊ីស្រាអែល នឹងស្នើអញ្ជើញលោកកែប ជុតិមាអភិបាលរាជធានីភ្នំពេញ ទៅទស្សនកិច្ចនៅអ៊ីស្រាអែល ដើម្បីពិនិត្យលើបញ្ហាកិច្ចព្រមព្រៀងនេះ ។ ក្រៅពីនោះមានកិច្ចព្រមព្រៀងការពារវិនិយោគិនដែលភាគីអ៊ីស្រាអែលគ្រោងនឹងធ្វើកិច្ចព្រមព្រៀងនោះឱ្យភាគីកម្ពុជា ពិនិត្យ។ កាលណាកិច្ចព្រមព្រៀងធ្វើបានហើយ ភាគីអ៊ីស្រាអែលោ នឹងជំរុញវិនិយោគិនឱ្យមកបណ្តាក់ទុនរកស៊ីនៅកម្ពុជា ។
លោកឯកអគ្គរដ្ឋទូតអ៊ិស្រាអែលបានស្នើសុំឱ្យកម្ពុជាដាក់តែងតាំងឯកអគ្គរដ្ឋទូតមួយនៅក្នុងទ្វីបអាហ្រ្វិក ឬទ្វីបអឺរ៉ុបឱ្យទទួលបន្ទុកប្រទេសអ៊ីស្រាអែល ។ លោករដ្ឋមន្ត្រីស្តីទីមានក្តីសង្ឃឹមថា បញ្ហាអ៊ីស្រាអែល និងប៉ាឡេស្ទីន នឹងដោះស្រាយទៅតាមដំណោះស្រាយរបស់អង្គការសហប្រជាជាតិ ។ អ៊ីស្រាអែលនឹងប៉ាឡេស្ទីន នឹងធ្វើការដោះស្រាយបញ្ហាវិវាទដោយសន្តិវិធី ៕
ចែករំលែកព័តមាននេះ