ADផ្ទាំងផ្សព្វផ្សាយពាណិជ្ជកម្ម

Picture

ប​.​ស​.​ស​.​នៃ​ក្រសួង​ការងារ ​រៀបចំ​កម្មវិធី​ផ្សព្វផ្សាយ​ ស្តី​ពី​វិជ្ជា​សង្គ្រោះ​បឋម​ ដល់​មន្ត្រី​បុគ្គលិក ​ប​.​ស​.​ស ដើម្បី​ជួយ​សង្គ្រោះ​ពលរដ្ឋ​ និង​កម្មករ

1 ខែ មុន
  • ភ្នំពេញ

រាជធានីភ្នំពេញ៖ បេឡា​ជាតិ​សន្តិសុខ​សង្គម​(​ប​.​ស​.​ស​.) នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​នៅ​ថ្ងៃ​ទី​១៩ ខែកុម្ភៈ ឆ្នាំ​២០២៤​នេះ បាន​រៀបចំ​ចំ​កម្មវិធី​ផ្សព្វផ្សាយ​ស្តី​ពី​វិជ្ជា​សង្គ្រោះ​បឋម​ ដល់​មន្ត្រី​បុគ្គលិក​ប​.​ស​.​ស ដើម្បី​ជួយ​សង្គ្រោះ​ពលរដ្ឋ​និង​កម្មករ ​។…

រាជធានីភ្នំពេញ៖ បេឡា​ជាតិ​សន្តិសុខ​សង្គម​(​ប​.​ស​.​ស​.) នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ​នៅ​ថ្ងៃ​ទី​១៩ ខែកុម្ភៈ ឆ្នាំ​២០២៤​នេះ បាន​រៀបចំ​ចំ​កម្មវិធី​ផ្សព្វផ្សាយ​ស្តី​ពី​វិជ្ជា​សង្គ្រោះ​បឋម​ ដល់​មន្ត្រី​បុគ្គលិក​ប​.​ស​.​ស ដើម្បី​ជួយ​សង្គ្រោះ​ពលរដ្ឋ​និង​កម្មករ ​។

ក្នុង​ពិធី​ដែល​ធ្វើ​ឡើង​នៅ​ទីស្នាក់ការ​បេឡា​ជាតិ​សន្តិសុខ​សង្គម ឯកឧត្តម ហេង សុ​ផា​ន់​ណា​រិ​ទ្ធ អគ្គនាយករង ប​.​ស​.​ស​. នៃ​ក្រសួង​ការងារ និង​បណ្តុះបណ្តាល​វិជ្ជាជីវៈ បាន​ថ្លែង​ថា វិជ្ជា​សង្គ្រោះ​បឋម គឺជា​មុខ​វិជ្ជា ដ៏​មាន​សារសំខាន់​មួយ ដែល​យើង​ទាំងអស់​គ្នា​ត្រូវ​សិក្សា ដើម្បី​ទុកជា​មូលដ្ឋាន​គ្រឹះ សម្រាប់​សង្គ្រោះ បងប្អូន​ប្រជាពលរដ្ឋ នៅ​ក្នុង​សហគមន៍ ជា​ពិសេស​កម្មករនិយោជិត​ដែល​រងគ្រោះថ្នាក់​ដោយ​ចៃដន្យ​ ។

ឯកឧត្តម ហេង សុ​ផា​ន​ណា​រិ​ទ្ធ បន្ត​ថា ការ​សង្គ្រោះ​បឋម​នេះ គឺ​ដើម្បី​ឱ្យ​ពលរដ្ឋ ឬ​កម្មករនិយោជិត​ដែល​មាន​អាកា​រៈ​ខ្យល់គរ ស្ទះដង្ហើម បាក់ឆ្អឹង គ្រោះថ្នាក់​ចរាចរណ៍ និង​ឧប្បទ្ទវហេតុ​ផ្សេង​ៗ​ទៀត ត្រូវ​បាន​សង្គ្រោះ​តាម​លក្ខណៈ​បច្ចេកទេស​ត្រឹមត្រូវ​ប្រកបដោយ​ប្រសិទ្ធភាព​ខ្ពស់ ជៀសវាង​ការ​បញ្ជូន​ជន​រង​គ្រោះ ទៅ​សង្គ្រោះ​មិន​បាន​ត្រឹមត្រូវ ជា​ហេតុ​ធ្វើ​ឱ្យ​ជន​រង​គ្រោះ​មាន​សភាព​កាន់តែ​ធ្ងន់ធ្ងរ​ឈាន​ដល់​ការ​បាត់​បង់ជីវិត ដោយសារ​មិន​មាន​អ្នក​យល់​ដឹង​ពី​របៀប​ក្នុង​ការ​សង្គ្រោះ​បឋម​មុន​ពេល​គ្រូពេទ្យ​មក​ដល់ ឬ​បញ្ជូន​ទៅ​កាន់​មន្ទីរពេទ្យ​ ។

គួរ​បញ្ជាក់​ថា នៅ​ឆ្នាំ​២០២៣ កន្លង​ទៅ​ក្រុម​គ្រូ​បង្គោល​វិជ្ជា​សង្គ្រោះ​បឋម នៃ ប​.​ស​.​ស​. បាន​ចុះ​អប់រំ​ផ្សព្វផ្សាយ​អំពី​វិជ្ជា​សង្គ្រោះ​បឋម ជូន​ដល់​កម្មករនិយោជិត តាម​បណ្តា​រោងចក្រ សហគ្រាស​បាន​ចំនួន ៥៨ លើក ដោយ​មាន​អ្នកចូលរួម​សរុប ៤០៨៤​នាក់ ស្រី ២៧៤២​នាក់ ផង​ដែរ​ ៕ អត្ថបទសហការ