រាជធានីភ្នំពេញ ៖ រថយន្តម៉ាក ហ៊ីយ៉ាន់ដាយ មួយគ្រឿង អ្នកបើកបរអះអាងថា ជាន់ហ្វ្រាំងអត់ស៊ី បានជ្រុលទៅបុករះពីក្រោយរថយន្ត ២គ្រឿងដែលកំពុងឈប់ស្តុប បណ្តាលអោយរងការខូចខាតយ៉ាងដំណំ…
រាជធានីភ្នំពេញ ៖ រថយន្តម៉ាក ហ៊ីយ៉ាន់ដាយ មួយគ្រឿង អ្នកបើកបរអះអាងថា ជាន់ហ្វ្រាំងអត់ស៊ី បានជ្រុលទៅបុករះពីក្រោយរថយន្ត ២គ្រឿងដែលកំពុងឈប់ស្តុប បណ្តាលអោយរងការខូចខាតយ៉ាងដំណំ តែសំណាងល្អ ពុំបណ្តាលអោយមនុស្សរងរបួសឡើយ ។
ហេតុការណ៍គ្រោះថ្នាក់ចរាចរណ៍នេះ បានកើតទ្បើងកាលពីវេលាម៉ោងប្រមាណ១២និង៣០នាទីថ្ងៃត្រង់ ថ្ងៃទី១៦ ខែកុម្ភៈ ឆ្នាំ២០២៤ នៅចំណុចតាមបណ្តោយផ្លូវ៥៩៨ ក្នុងភូមិទួលសង្កែ សង្កាត់ទួលសង្កែទី២ ខណ្ឌឬស្សីកែវ រាជធានីភ្នំពេញ ។
តាមប្រភពព័ត៌មាន បានឲ្យដឹងថា មុនពេលកើតហេតុ រថយន្ត Hyundai ពណ៌ស ពាក់ស្លាកលេខ ព្រៃវែង 3A-0110 បើកបរដោយយុវជនម្នាក់ ធ្វើដំណើរតាមផ្លូវលេខ៥៩៨ ក្នុងទិសដៅ ពីកើត ទៅលិច លុះមកដល់ចំណុចកើតហេតុ ជិតដល់ចំណុចភ្លើងស្តុប ក៏បានជ្រុលទៅបុករថយន្តម៉ាកព្រុស ពណ៌ខៀវ ពាក់ស្លាកលេខភ្នំពេញ 2BU-0441 មួយគ្រឿង ដែលកំពុងឈប់ចាំស្តុប យ៉ាងពេញទំហឹង បណ្តាលរងការខូចខាតខ្ទេចផ្នែកខាងក្រោយ និងរុញទៅបុករថយន្តម៉ាកហ៊ីយ៉ាន់ដាយ មួយគ្រឿងទៀត ទៅបុកលែងរួច ។
តាមអ្នកបើកបររថយន្តបង្ក បានអោយដឹងថា មូលហេតុដែលនាំអោយកើតមានគ្រោះថ្នាក់នេះ ដោយសារតែជាន់ហ្វ្រាំងមិនស៊ី។ ក្រោយកើតហេតុ សមត្ថកិច្ចមូលដ្ឋាន បានធ្វើការវាស់វែងយករថយន្តយករថយន្តដាក់អែបខាង និងសម្របសម្រួលគ្នាសងការខួចខាត តែមិនត្រូវគ្នា ក៏ប្រគល់អោយទៅនគរបាលការិយាល័យចរាចរណ៍ផ្លូវគោក ដើម្បីដោះស្រាយបន្តទៀត ៕
ចែករំលែកព័តមាននេះ