(អន្តរជាតិ)៖ កាលពីថ្ងៃទី២៨ ខែមករា ឆ្នាំ២០២៣ ព្រះអង្គម្ចាស់ Abdul Mateen  និងភរិយារបស់ព្រះអង្គ Anisha Rosnah បានបណ្តើរគ្នាជាសាធារណៈ ចូលរួមពិធីមង្គលការរបស់មិត្តជិតស្និទ្ធរបស់ពួកគេពីរនាក់នៅប្រទេសថៃ ដែលជាមហាសេដ្ឋីប្រចាំប្រទេស។

មង្គលការដែលមានព្រះវត្តមានរបស់ព្រះអង្គម្ចាស់ប្រ៊ុយណេ និងភរិយាចូលរួម គឺកូនកំលោះគឺមហាសេដ្ឋី Aiyawatt Srivaddhanaprabha ដែលជា CEO និងជាប្រធានក្រុមហ៊ុន King Power Group និងជាប្រធានក្លឹប Leicester City ផងដែរ។ ជាមួយគ្នានេះដែរ កូនក្រមុំក្នុងពិធីនេះគឺ Oil Nantisa Tanyongwet កូនស្រីប្រធានក្រុមហ៊ុន Topson នៅប្រទេសថៃ។

ក្នុងពិធីរៀបមង្គលការដ៏ប្រណិតនេះ ព្រះអង្គម្ចាស់ Abdul Mateen បានបង្ហាញរូបរាងសង្ហា និងឆើតឆាយក្នុងឈុតពណ៌ទឹកប៊ិច មិនតែប៉ុណ្ណោះ សម្រស់ដ៏ស្រស់ស្អាតរបស់ភរិយាព្រះអង្គម្ចាស់ Abdul Mateen ក៏បានធ្វើឲ្យមហាជនជាច្រើនភ្ញាក់ផ្អើលផងដែរ ព្រោះទ្រង់ពិតជាស្រស់ស្អាតខ្លាំងណាស់ ស្ថិតនៅក្នុងឈុតរ៉ូបរាត្រីសមោសពណ៌ទឹកខៀវក៏ សក្តិសមជាកូនក្រមុំដ៏ស្រស់ស្អាតបំផុតនៃរាជវង្សប្រ៊ុយណេ។

នេះជាព្រះវត្តមានដ៏កម្រដែលព្រះអង្គម្ចាស់ Mateen និងភរិយា បានបង្ហាញខ្លួនជាសាធារណៈ ក្នុងនាមគូស្វាមីភរិយា បន្ទាប់ពីរៀបអភិសេកអស់រយៈពេល១០ថ្ងៃ ជាមួយគ្នានេះ អ្នកគាំទ្រជាច្រើនក៏សង្ឃឹមថានឹងបានឃើញគូស្នេហ៍មួយគូនេះនៅក្នុងកម្មវិធីជាច្រើនទៀតនាពេលខាងមុខ៕