រាជធានីភ្នំពេញ ៖ គ្រោះថ្នាក់ចរាចរណ៍ គឺជារឿងដែលយើងអាចចូលរួមបង្ការបាន តែមួយរយៈពេលចុងក្រោយនេះ ហេតុការណ៍គ្រោះថ្នាក់ចរាចរណ៍បានកើតឡើងគួរឱ្យរន្ធត់ ដោយសារតែអ្នកបើកបរមួយចំនួនសេពគ្រឿងស្រវឹង បុករះ ឬបុកអ្នកដំណើរផ្សេងទៀតបណ្តាលឱ្យបាត់បង់ជីវិតគួរឱ្យសោកស្តាយ។ ដូច្នេះ…
រាជធានីភ្នំពេញ ៖ គ្រោះថ្នាក់ចរាចរណ៍ គឺជារឿងដែលយើងអាចចូលរួមបង្ការបាន តែមួយរយៈពេលចុងក្រោយនេះ ហេតុការណ៍គ្រោះថ្នាក់ចរាចរណ៍បានកើតឡើងគួរឱ្យរន្ធត់ ដោយសារតែអ្នកបើកបរមួយចំនួនសេពគ្រឿងស្រវឹង បុករះ ឬបុកអ្នកដំណើរផ្សេងទៀតបណ្តាលឱ្យបាត់បង់ជីវិតគួរឱ្យសោកស្តាយ។ ដូច្នេះ សូមកុំភ្លេចខ្លួន មិនដូច្នេះលោកអ្នកនឹងអាចក្លាយជាឃាតករ។
ជាក់ស្តែងថ្មីៗនេះ ក៏មានសារដាស់តឿនមួយចំនួនដល់បងប្អូនជាអ្នកកាន់យានជំនិះគ្រប់ប្រភេទថា កុំភ្លេចខ្លួនឱ្យសោះ «បើពិសារស្រា កុំបើកបរ។ បើបើកបរ កុំពិសារស្រា» ដើម្បីចូលរួមកាត់បន្ថយនូវគ្រោះថ្នាក់ចរាចរណ៍ទាំងអស់គ្នា ខណៈដែលកងកម្លាំងមានសមត្ថកិច្ចយើងកំពុងបើកប្រតិបត្តិការត្រួតពិនិត្យជាតិអាល់កុលជារៀងរាល់យប់នៅតាមគោលដៅដែលបានកំណត់ ក្រោមបទបញ្ជាផ្ទាល់ពីឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងមានការដឹកនាំត្រួតពិនិត្យអនុវត្តផ្ទាល់ពី ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ ។
គិតត្រឹមយប់ថ្ងៃទី២៩ មករា ២០២៤ តាមបណ្តាអធិការដ្ឋាននគរបាលខណ្ឌបានចុះអនុវត្តរឹតបន្តឹងច្បាប់ចរាចរណ៍ផ្លូវគោក និងត្រួតពិនិត្យជាតិអាល់កុល គឺបានឃាត់យានយន្តល្មើសចំនួន១១០គ្រឿង (រថយន្តចំនួន២១គ្រឿង, ម៉ូតូចំនួន៨៩គ្រឿង) ។ នេះបើយោងតាមផេកស្នងការដ្ឋាននគរបាលរាជធានីភ្នំពេញបានឱ្យដឹងនាថ្ងៃទី៣០ មករា ២០២៤ នេះ ។
នៅក្នុងនោះដែរ អ្នកល្មើសជាតិស្រវឹងមានចំនួន៣៧គ្រឿង, ដែលមានកម្រិត០.២៥ – ០.៣៩ mg/L ចំនួន១៦គ្រឿង។ អ្នកបើកបរម៉ូតូចំនួន១២នាក់ ។ អ្នកបើកបររថយន្តចំនួន០៤នាក់ កម្រិត ០.៤០ mg/L ឡើងចំនួន២១គ្រឿង ។ អ្នកបើកបរម៉ូតូចំនួន១២នាក់ ។ អ្នកបើកបររថយន្ត ចំនួន០៩នាក់ ។ ចំពោះបទល្មើសផ្សេងៗចំនួន៦៣គ្រឿង ក្នុងនោះអត់មួកសុវត្ថិភាពចំនួន៥៥គ្រឿង ។ អត់ប័ណ្ណបើកបរចំនួន០៣គ្រឿង ។ ផ្លាកលេខមិនប្រក្រតីចំនួន០១គ្រឿង ។ ការតុបតែងភ្លើងខុសលក្ខណៈបច្ចេកទេស ចំនួន០២គ្រឿង ។ រថយន្តដឹកសំពីងសំពោង ចំនួន០២គ្រឿង ។
ក្នុងប្រតិបត្តិការត្រួតពិនិត្យ សមត្ថកិច្ចបានធ្វើការអប់រំអ្នកបើកបរមានជាតិអាល់កុលក្រោម ០.២៥ mg/L ចំនួន២៨នាក់ ។ អ្នកបើកបរម៉ូតូ ចំនួន២៥នាក់ ។ អ្នកបើកបររថយន្តចំនួន០៥នាក់ អ្នកបើកបរផ្សេងៗនិងមិនពាក់មួកសុវត្ថិភាពចំនួន៣៤នាក់ ។
សូមរំលឹកថា លោកឧត្តមសេនីយ៍ឯក ជួន ណារិន្ទ បានបញ្ជាឱ្យកងកម្លាំងសមត្ថកិច្ចជំនាញរបស់ស្នងការដ្ឋាននគរបាលរាជធានីចេញយុទ្ធនាការរឹតបន្តឹងច្បាប់ត្រួតពិនិត្យជាតិអាល់កុល ក្នុងភូមិសាស្ត្ររាជធានីភ្នំពេញជាប្រចាំដោយមិនលើកលែងឡើយ ។
ចែករំលែកព័តមាននេះ