រាជធានីភ្នំពេញ៖ បងប្អូនខ្មែរយើងតែងមានជំនឿលើរឿងផ្សេងៗគ្នា ជុំវិញហេតុការណ៍អ្វីមួយដែលកើតឡើង។ ជាក់ស្តែង ថ្មីៗនេះ ក៏មានរឿងរ៉ាវ ឬអាចនិយាយបានថា មានរឿងចម្លែកមួយដែលកំពុងទទួលបានការចាប់អារម្មណ៍ នោះគឺ «ផ្ទះមានមនុស្សស្លាប់ពេលថ្ងៃ លុះពេលយប់មានសត្វហើរចូលផ្ទះ»។ តើនេះជាប្រផ្នូលអ្វីទៅ?

បើតាម​ព្រះ​វិ​រិ​យ​ធម្ម​ញាណ​ពៅ ស៊​ត គង់នៅ​វត្តថា​ន់ កុដិ​លេខ​១ ក្នុង​រាជធានី​ភ្នំពេញ បាន​មាន​ថេរ​ដីកា​ថា ពាក់ព័ន្ធរឿងនេះផងដែរ ដោយហេតុថា ប៉ុន្មានថ្ងៃនេះ គឺអ្នកស្រុកអ្នកភូមិនៅក្បែរអាត្មា ពួកគាត់ផ្អើល​រឿង​ចម្លែកមួយទាក់ទងនឹងសត្វទោម ហើយបើតាមតែដំណឹងគឺផ្ទះមីងម្នាក់ កូនរបស់គាត់លង់ទឹកស្លាប់ពេលថ្ងៃ ហើយសត្វនឹង​ហើរចូល​ផ្ទះនៅពេលយប់ ។​ ហើយសត្វនេះទៀតសោត សូមបញ្ជាក់ថា មិនមែននៅស្រុកនៅភូមិនេះទេ អត់ដឹងថាវាមកពីណាទេ ។ វារឿងចម្លែកត្រង់ថា ផ្ទះនោះមានមនុស្សស្លាប់ពេលថ្ងៃ សត្វនឹងហើរមកតែម្តង ហើយអ្នកស្រុក អ្នកភូមិនៅទីនេះ ពួកគាត់មានពិធី ដែលគេហៅថាជាពិធីដែលបញ្ជូនសត្វនេះទៅវិញ ឬក៏ពិធីអន្ទងព្រលឹងសត្វនេះទៅស្រុកទៅភូមិវាវិញ​ គឺវាអត់ទៅទេ ។ នេះបើតាមដំណឹង​ពីអ្នកស្រុកអ្នកភូមិនិយាយ ។​

ព្រះ​វិ​រិ​យ​ធម្ម​ញាណ​ពៅ ស៊​ត បានបន្តថា ហើយសត្វនេះផងដែរ អ្នកខ្លះគេហៅសត្វទោម ហើយខ្លះទៀតគេហៅថាសត្វត្លុំព្រៃ អាត្មាអត់ស្គាល់ដែរ ។​ ហើយសូមបញ្ជាក់នៅស្រុក នៅភូមិនេះ អត់មានអ្នកណាមួយចិញ្ចឹមសត្វ​នឹងទេ ។ សត្វនេះ បើ​តាមអាត្មាស្មានថា វាហើរមកពី​ព្រៃភ្នំក៏មិនដឹង អាត្មាក៏មិនយល់ដែរ ។ ហើយរឿងដែលចម្លែក ហើយអ្នកស្រុក អ្នកភូមិដែលគេចម្លែក និងឆ្ងល់នោះ គឺផ្ទះផ្សេងៗ វាមិនហើរចូល បែរជាហើរចូលផ្ទះដែលមានអ្នកស្លាប់ហើយពេលថ្ងៃ ហើយសត្វនឹងហើរចូលពេលយប់អញ្ចឹង ។ វាចម្លែកអញ្ចឹង ។ ហើយមិនដឹងរឿងរ៉ាវនឹងវាយ៉ាងមិចយ៉ាងម៉ាទេ ទាក់ទងនឹងអបិយជំនឿនឹង ដល់តែសួរចាស់ៗ និងអ្នកស្រុក អ្នកភូមិនៅទីនេះ ។

ញាតិញោមចង់ដឹង និង​ជ្រាបច្បាស់រឿងនេះទៀត អាត្មា និងជួបសម្ភាសន៍​ម្តាយរបស់ក្មេងម្នាក់ ដែល ក្មេងប្រុសរងគ្រោះរូបនោះគឺឮថាល.ង់ទឹកស្លា.ប់នៅពេលថ្ងៃ ហើយសត្វនេះហើរចូលមកនៅពេលយប់ ។

ស្ត្រីជាម្តាយក្មេងប្រុសរងគ្រោះបានរៀបរាប់ឱ្យដឹងថា កូនរបស់គាត់បានស្លា.ប់នៅវេលា​ម៉ោង១២ថ្ងៃត្រង់ ហើយសត្វនោះហើរចូលមកនៅវេលាម៉ោង១និង៥នាទីរំលងអធ្រាត្រ ។ បន្ទាប់ពីឃើញសត្វនេះហើរចូលមកបែបនេះ ម្តាយក្មេងប្រុសដើរសួរអ្នកស្រុកភូមិអស់ហើយ តែមិនដឹងមកពីណាទេ​ ។​

ព្រះ​វិ​រិ​យ​ធម្ម​ញាណ​ពៅ ស៊​ត បានមានថេដីកាថា រឿងរ៉ាវនឹង បើតាមអបិយជំនឿខ្មែរយើងថា ផ្ទះនៅភូមិនេះមានច្រើនណាស់ មិនមែនផ្ទះតែមួយទេ ចុះហេតុអ្វីមិនទៅផ្ទះផ្សេង បែរជាមកផ្ទះនេះ អញ្ចឹងបានន័យថាពពួកទាំងអស់នេះវាមក វាសុទ្ធតែមានហេតុការណ៍អីមួយហើយ ក៏ប៉ុន្តែគ្រាន់តែថាយើងអត់ដឹង ។ អញ្ចឹងអាត្មាថា មានតែយើងសួរចាស់ទុំអ្នកនៅទីនេះទៅ ។

បន្ទាប់មកម្តាយក្មេងរងគ្រោះ​បានប្រាប់ថា សួរគេហើយ រកគេទាយហើយ គេថាបារមីព្រះគន្លង ។

អាត្មាមិនសូវដឹងរឿងនេះដែរ បើតាមឪពុកម្តាយក្មេងថា បារមីព្រះគន្លង​ ។​

ម្តាយរបស់ក្មេងរងគ្រោះ​បានសុំអោយព្រះតេជគុណជួយថាតើ​ត្រូវធ្វើយ៉ាងណា រឿងសត្វហើរចូលផ្ទះនឹង ។

ព្រះតេជគុណបានតបថា បើតាមគំនិតយោបល់របស់អាត្មាគិតថា បើសត្វចូលមក បើមកបានសុខអោយសុខទៅចុះ ប៉ុន្តែបើមកនាំគ្រោះ នាំភ័យ នាំចង្រៃដល់ស្រុក​ភូមិនេះ ឬក៏ម្ចាស់ផ្ទះនេះ យើងមានធ្វើពិធី មានកិច្ច អញ្ជើញគេទៅវិញទៅ អានឹងគឺជាវិធីបុរាណខ្មែរយើងមិនដែលចោលទេ ។

ម្តាយក្មេងបានប្រាប់ព្រះតេជគុណថា បានអោយចាស់ទុំធ្វើពែរជូនគេទៅវិញហើយ តែគេអត់ទៅទេ គេនៅនឹង ។

ទាក់ទងនឹងសត្វហើរចូលផ្ទះ ជាចៃដន្យពេលដែលកូនរបស់គាត់ស្លាប់ពេលថ្ងៃ ហើយសត្វនឹងហើរចូលពេលយប់ ។ ជុំវិញរឿងរ៉ាវទាំងអស់នេះ ទាក់ទងរឿងអបិយជំនឿ រឿងជឿមិនជឿយ៉ាងណាយ៉ាងណី អាត្មាអត់ហ៊ានសន្និដ្ឋានទេ អាស្រ័យទៅលើចាស់ទុំ និងមហាជនជាអ្នកជឿទេ ។

អាត្មាសូមខន្តីអភ័យទោសពីសំណាក់ញាតិញោមទាំងអស់ ប្រសិនបើអាត្មានិយាយទាក់ទងនឹង​រឿងអបិយជំនឿក្តី ទាក់ទងនឹងរឿងសត្វហើរចូលផ្ទះនេះក្តី គឺអាត្មាអត់មានគោលបំណងអ្វីទេ គ្រាន់តែថាចង់ចែករំលែកអោយញាតិញោមជួយបញ្ចេញជាមតិយោបល់ ៕