ក្រសួងមហាផ្ទៃ ព្រមានរំលាយចោល គណបក្សនយោបាយចំនួន៣ បើពាក់ព័ន្ធទណ្ឌិត សម រង្ស៊ី
រាជធានីភ្នំពេញ ៖ ក្រសួងមហាផ្ទៃ បានប្រកាសព្រមានដល់អ្នកនយោបាយ ចំនួន៣ តាមច្បាប់ស្តីពីគណបក្សនយោបាយ បើពាក់ព័ន្ធនឹងទណ្ឌិត សម រង្ស៊ី ។…
រាជធានីភ្នំពេញ ៖ ក្រសួងមហាផ្ទៃ បានប្រកាសព្រមានដល់អ្នកនយោបាយ ចំនួន៣ តាមច្បាប់ស្តីពីគណបក្សនយោបាយ បើពាក់ព័ន្ធនឹងទណ្ឌិត សម រង្ស៊ី ។…
រាជធានីភ្នំពេញ ៖ ក្រសួងមហាផ្ទៃ បានប្រកាសព្រមានដល់អ្នកនយោបាយ ចំនួន៣ តាមច្បាប់ស្តីពីគណបក្សនយោបាយ បើពាក់ព័ន្ធនឹងទណ្ឌិត សម រង្ស៊ី ។
យោងតាមសេចក្តីប្រកាសព្រមានរបស់ក្រសួងមហាផ្ទៃ នៅថ្ងៃទី១២ ខែមករា ឆ្នាំ២០២៤ បានលើកឡើងថា ថ្មីៗនេះទណ្ឌិត សម រង្ស៊ី ដែលកំពុងនិរទេសខ្លួន នៅក្រៅប្រទេស បានចេញសេចក្តីអំពាវនាវដល់គណបក្សនយោបាយចំនួន ៣ ឱ្យអនុវត្តសកម្មភាពផ្សេងៗ និងធ្វើការបង្គាប់បញ្ជាផ្ទុយ ពីស្មារតីនៃច្បាប់ ដើម្បីបម្រើដល់ផលប្រយោជន៍ និងមហិច្ឆតានយោបាយស្មោកគ្រោករបស់ខ្លួន ។
ស្ថិតក្នុងបរិបទនេះ ក្រសួងមហាផ្ទៃ សូមព្រមានទុកជាមុន ចំពោះគណបក្សនយោបាយ ដែលបានចុះឈ្មោះចូលរួមការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ដែលនឹងប្រព្រឹត្តទៅ នាថ្ងៃទី ២៥ ខែកុម្ភៈ ឆ្នាំ២០២៤ ខាងមុខនេះ ឱ្យបញ្ឈប់ជាបន្ទាន់ រាល់សកម្មភាព ដែលបំពានច្បាប់ ស្តីពីគណបក្សនយោបាយ ពិសេសមាត្រា ៦ថ្មី(ពីរ) ដែលបានចែង អំពីសកម្មភាព ដែលត្រូវបានហាមឃាត់ចំពោះគណបក្សនយោបាយ ក្នុងនោះចំណុចទី៧ នៃមាត្រានេះ បានកំណត់ច្បាស់ថា «ការយល់ព្រមដោយចំហ ឬដោយតុណ្ហភាព ឬ ឃុបឃិតជាមួយទណ្ឌិតជាប់ទោសពីបទឧក្រិដ្ឋ ឬពីបទមជ្ឈិម ឱ្យធ្វើសកម្មភាពណាមួយ ដើម្បីជាផលប្រយោជន៍ នយោបាយសម្រាប់គណបក្សនយោបាយរបស់ខ្លួន» គឺជាសកម្មភាពមួយក្នុងចំណោមសកម្មភាព ដែលត្រូវបានហាមឃាត់ ។
ក្រសួង បានបញ្ជាក់ថា ៖ “ក្នុងន័យដូចគ្នានេះដែរ យោងតាមមាត្រា ៤៤ថ្មី(ពីរ) នៃច្បាប់នេះ បញ្ញត្តិថា គណបក្សនយោបាយ ដែលប្រព្រឹត្តល្មើស អាចប្រឈមនឹងការផ្អាកសកម្មភាពប្រាំឆ្នាំ ឬប្រឈមមុខនឹងការរំលាយដោយតុលាការ ។ ទន្ទឹមនេះ មាត្រា ៣៨ថ្មី នៃច្បាប់ស្តីពីគណបក្សនយោបាយ បានផ្តល់សមត្ថកិច្ចដល់ក្រសួងមហាផ្ទៃ ក្នុងការ ចាត់វិធានការដើម្បីផ្អាកសកម្មភាពគណបក្សនយោបាយនោះ ឬប្ដឹងទៅតុលាការ ដើម្បីរំលាយគណបក្ស នយោបាយនោះចោល” ។
ជាមួយគ្នានោះដែរ ក្រសួងមហាផ្ទៃ សូមអំពាវដល់គ្រប់គណបក្សនយោបាយដែលបានចុះឈ្មោះចូលរួមការបោះឆ្នោត ជ្រើសតាំងសមាជិកព្រឹទ្ធសភា នីតិកាលទី៥ សូមអនុវត្តឱ្យបានត្រឹមត្រូវតាមច្បាប់ និងលិខិតបទដ្ឋានគតិយុត្ត ជាធរមាន ដើម្បីចូលរួមប្រកួតប្រជែងដោយសេរី ត្រឹមត្រូវ និងយុត្តិធម៌ ស្របតាមគោលការណ៍លទ្ធិប្រជាធិប តេយ្យសេរី ពហុបក្ស ដូចមានចែងក្នុងរដ្ឋធម្មនុញ្ញ នៃព្រះរាជាណាចក្រកម្ពុជា ដែលជាច្បាប់កំពូលរបស់ជាតិ ។
សូមជម្រាបថា ការព្រមានរបស់ក្រសួងមហាផ្ទៃនេះ ធ្វើឡើងបន្ទាប់ទណ្ឌិត សម រង្ស៊ី កាលពីថ្ងៃទី១១មករា ចេញសារជូនចំពោះតំណាងកម្លាំងប្រជាធិបតេយ្យទាំងអស់ នៅប្រទេសកម្ពុជាយា់ងដូច្នេះថា ៖ “ខ្ញុំ សម រង្ស៊ី សូមអំពាវនាវដល់តំណាងកម្លាំងប្រជាធិបតេយ្យទាំងអស់ នៅប្រទេសកម្ពុជា ឲ្យរួប រួមគ្នា ហើយសហការគ្នា ដើម្បីលើកកម្ពស់លទ្ធិប្រជាធិបតេយ្យ នៅស្រុកយើង” ។
លោកថា ក្នុងន័យនេះ សូមកុំឲ្យមានការវាយប្រហារគ្នាទៅវិញទៅមក ហើយត្រូវតែចែកតួនាទីគ្នា ដើម្បីទទួលបានជ័យជំនះរួម ។
នៅពេលនេះ មានគណបក្សនយោបាយ ៣ ដែលតំណាងឲ្យកម្លាំងប្រជាធិបតេយ្យ ហើយដែលមានអ្នកគាំទ្រចេញមកពីប្រភពដើមតែមួយ គឺគណបក្សភ្លើងទៀន គណបក្សកម្លាំងជាតិ និងគណបក្ស ឆន្ទៈខ្មែរ ។
ជាមួយគ្នានោះដែរ ទណ្ឌិតរូបនេះ បានសូមឲ្យអ្នកគាំទ្រ និងសកម្មជន គណបក្សទាំង៣ នេះ រក្សាភាពស្មោះត្រង់ ចំពោះប្រទេសជាតិ និងប្រជារាស្ត្រ មានន័យថា រក្សាឧត្តមគតិដើមរបស់យើងទាំងអស់គ្នា ឈរលើសីលធម៌ សច្ចធម៌ យុត្តិធម៌ ។
អ្វីដែលសំខាន់បំផុត គឺឧត្តមគតិដើមរបស់យើងនេះហើយ ដែលធ្វើឲ្យព្រលឹងខ្មែរ ព្រលឹងជាតិ រស់រវើកជានិច្ច។ ឈ្មោះគណបក្សមិនសំខាន់ប៉ុន្មានទេ ពីព្រោះយើងអាចប្តូរឈ្មោះគណបក្ស ឬប្តូរ គណបក្សតែម្តង តាមអ្វីដែលកាលៈទេសៈតម្រូវ។ អ្វីដែលសំខាន់បំផុត គឺព្រលឹងយើង ដែលនៅរស់រវើក ហើយគ្មានការប្រែប្រួលអ្វីឡើយ។ យើងអាចប្តូរគណបក្ស តាមអ្វីដែលកាលៈទេសៈតម្រូវ ដូចយើងប្តូរ សម្លៀកបំពាក់អញ្ចឹងដែរ។ គណបក្សគ្រាន់តែជាសម្បកក្រៅទេ ដែលអាចមានការប្រែប្រួល តែព្រលឹង យើងមានតែមួយ ហើយនៅដដែល។
លោកសមរង្ស៉ីបានលើកឡើងថាក្នុងការបោះឆ្នោត ជ្រើសរើសសមាជិកព្រឹទ្ធសភា នៅថ្ងៃ ២៥ កុម្ភៈ ២០២៤ ត្រូវតែមានការ សហការគ្នា រវាងគណបក្សកម្លាំងជាតិ និងគណបក្សឆន្ទៈខ្មែរ ដោយចៀសវាងការប្រកួតប្រជែងគ្នា នៅ តាមភូមិភាគនីមួយៗ។ បើគណបក្ស ២ នេះ ប្រកួតប្រជែងគ្នា នៅក្នុងភូមិភាគណាមួយ គឺគណបក្ស ទាំងពីរ ច្បាស់ជាបរាជ័យទាំងពីរ។
ចំពោះអង្គបោះឆ្នោត ដែលជាសមាជិកគណបក្សភ្លើងទៀន ត្រូវប្រកាន់វិន័យបោះឆ្នោត ដោយ សម្ងាត់ ឲ្យគណបក្សប្រជាធិបតេយ្យតែមួយ នៅក្នុងភូមិភាគនីមួយៗ ដើម្បីធានាជោគជ័យរួម នៃកម្លាំង ប្រជាធិបតេយ្យ។ ការជ្រើសរើសគណបក្សណាមួយ រវាងគណបក្សកម្លាំងជាតិ និងគណបក្សឆន្ទៈខ្មែរ នៅក្នុងភូមិភាគនីមួយៗ នឹងត្រូវសម្រេច ក្នុងពេលឆាប់ៗខាងមុខនេះ តាមការចាំបាច់។
អង្គបោះឆ្នោត មិនចាំបាច់បង្ហាញជំហររបស់ខ្លួន ជាសាធារណៈក៏បានដែរ មិនចាំបាច់ឲ្យអ្នកក្រៅ ដឹងពីជំហររបស់ខ្លួនក៏បានដែរ ដើម្បីធានាសន្តិសុខ និងលំនឹងនៃការងារទៅថ្ងៃមុខ សម្រាប់អង្គបោះ ឆ្នោតម្នាក់ៗ។ អ្វីដែលសំខាន់បំផុត គឺអង្គបោះឆ្នោត ត្រូវបោះឆ្នោតដោយសម្ងាត់ តាមសម្បជញ្ញៈរបស់ ខ្លួនម្នាក់ៗ ហើយតាមវិន័យដូចបានរៀបរាប់ពីខាងលើ ហើយដែលនឹងត្រូវបញ្ជាក់ ក្នុងពេលឆាប់ៗខាង មុខនេះ ៕
ចែករំលែកព័តមាននេះ