ជាការពិតណាស់ ជីវិ.តមនុស្សម្នាក់ៗកើតមកតែងតែមានសុខ មានទុក្ខជារឿងធម្មតា គ្មាននរណាម្នាក់អាចគេចផុតបានឡើយ ដូចជាតារាសម្តែងរូបស្រស់ និងជាពិធីករលោក កាវីន បងប្អូនមហាជនអាចនឹងស្គាល់លោកហើយ ដោយកាលពីពេលថ្មីៗនេះ
រាជធានីភ្នំពេញ ៖ ជាការពិតណាស់ ជីវិ.តមនុស្សម្នាក់ៗកើតមកតែងតែមានសុខ មានទុក្ខជារឿងធម្មតា គ្មាននរណាម្នាក់អាចគេចផុតបានឡើយ ដូចជាតារាសម្តែងរូបស្រស់ និងជាពិធីករលោក កាវីន បងប្អូនមហាជនអាចនឹងស្គាល់លោកហើយ ដោយកាលពីពេលថ្មីៗនេះ លោកកាវីន បានវិលមកប្រឡូកក្នុងសិល្បៈជាថ្មី និងទទួលបានការងារជាហូរហែ ក្រោយលោកជួបទុក្ខធំ ម្តាយបានលាចាកលោកនោះ។
ជាការពិតណាស់ ក្រោយមេឃភ្លៀងរួច មេឃនឹងស្រឡះ ដោយតាសម្តែងលោក កាវីន ទទួលបានការងារជាបន្តបន្ទាប់ បន្ទាប់ពីលោកបានវិលចូលអាជីពសិល្បៈថ្មី ដែលជាឆ្នាំងបាយរបស់លោក ក្នុងនោះ លោកកាវីន អាចថា គឺជាតារាមួយដួង ដែលមានភាពកត្តញ្ញូចំពោះម្តាយលោកផងដែរ ព្រោះកាលពីកន្លងទៅ តារាសម្តែងរូបនេះសុខចិត្តលះបង់គ្រប់បែបយ៉ាង ដើម្បីជួយដល់ម្តាយដែលជាអ្នកមានគុណ។
តាមរយៈបទសម្ភាសន៍ជាមួយសារព័ត៌មានកោះសន្តិភាព លោក កាវីន បានប្រាប់ឱ្យដឹងថា «ក្រោយពេលលោកបានវិលចូលសិល្បៈវិញនេះ លោកទទួលការងារជាហូរហែផងដែរ ដោយក្នុងនោះ លោកក៏នៅតែទទូចចំពោះផលិតករសុំហៅលោកថតរឿងផង ដោយសារលោកបានវិលចូលសិល្បៈវិញហើយ»។
លោក កាវីន បានប្រាប់ឱ្យដឹងថា «ជាការពិតណាស់ ការងារដំបូងដែលលោកទទួលបានក្រោយពេលបួសនោះ គឺជាពិធីករ ហើយលោកទទួលបានការងាមកវិញ ក្រោយពីលោកបួសជាថ្ងៃខែនៅឯស្រុកកំណើតរបស់លោក»។
ជាការកត់សម្គាល់ តារាសម្តែងលោក កាវីន គឺជាតារាសម្តែងមួយរូប ដែលមានភាពតស៊ូជាមួយការងារសិល្បៈ ដោយលោកជាក្មេងកំព្រាឪពុក រស់នៅជាមួយម្តាយ ជាមួយនឹងទុក្ខលំបាកតាំងពីក្មេង រហូតលោកឈានជើងចូលសិល្បៈ និងមានគេស្គាល់ច្រើនតាមរយៈការប្រឡងកាលពីឆ្នាំ២០១៣ និងប្រឡូកក្នុងសិល្បៈពេញមុខពេញមាត់ក្នុងឆ្នាំ២០១៧ និងបន្តរហូតដល់បច្ចុប្បន្ន។
តាមរយៈការបួសនេះទៀតសោត នាំឲ្យលោកសាងសេចក្តីល្អ ហើយការបួសនេះ ជាការចែកឋានរបស់អ្នកម្តាយលោក ដោយនេះកាតព្វកិច្ចរបស់កូន ហើយបួសនេះ គឺហៅថា ការដឹងគុណដល់គាត់ តែបើសងគុណ គឺយើងសងមិនអស់ឡើយ។ ដូច្នេះនេះអាចថា កាតព្វកិច្ចដ៏ធំចំពោះលោកដែលបំពេញជូនម្តាយ ក៏ដូចជាភាពកត្តញ្ញូដ៏បវរប្រសើរផងដែរ។
ក្នុងនោះផងដែរ លោកកាវីន បានបួសរយៈពេល១០០ថ្ងៃ ដោយការបួសជូនដល់ម្តាយក្នុងនាមជាកូនម្នាក់ដែលកត្តញ្ញូ។ ហើយកាលពីម្តាយនៅមានជីវិ.តនោះ តារារូបនេះស្រឡាញ់យកចិត្តថ្នាក់ថ្នមដល់ម្តាយ ដែលជាព្រះរស់ មិនអោយម្តាយលោកពិបាកនោះឡើយ។
ជាចុងក្រោយ លោកកាវីន ពិតជាអរគុណខ្លាំងណាស់ ចំពោះបងប្អូនអ្នកគាំទ្រ ដែលទន្ទឹងផ្លូវលោកចូលសិល្បៈវិញ ហើយលោកក៏សង្ឃឹមថា បងៗដែលជាផលិតករនឹងមានការងារផ្សេងផ្តល់អោយលោកផងដែរ៕
អត្ថបទដោយ ៖ លីហួ គីមឆាយ
ចែករំលែកព័តមាននេះ