និស្សិតកូរ៉េខាងត្បូង១ក្រុមប្តឹងរដ្ឋាភិបាល ក្រោយអនុរក្សបញ្ចប់ការប្រឡងមុន៩០វិនាទី
កូរ៉េខាងត្បូង ៖ និស្សិតកូរ៉េខាងត្បូងមួយក្រុមបានប្តឹងរដ្ឋាភិបាល ដោយសារតែការប្រឡងចូល
កូរ៉េខាងត្បូង ៖ និស្សិតកូរ៉េខាងត្បូងមួយក្រុមបានប្តឹងរដ្ឋាភិបាល ដោយសារតែការប្រឡងចូល
កូរ៉េខាងត្បូង ៖ និស្សិតកូរ៉េខាងត្បូងមួយក្រុមបានប្តឹងរដ្ឋាភិបាល ដោយសារតែការប្រឡងចូលមហាវិទ្យាល័យរបស់ពួកគេបានបញ្ចប់មុន៩០វិនាទី ដែលលឿនជាងពេលកំណត់ ហើយពួកគេកំពុងស្នើសុំប្រាក់ ២០លានវ៉ុន ស្មើនឹង ១៥,៤០០ដុល្លារអាមេរិកក្នុងម្នាក់ សម្រាប់ថ្លៃសិក្សាក្នុងមួយឆ្នាំ ដើម្បីប្រឡងឡើងវិញ។
ប្រភពពី BBC ដែលចេញផ្សាយនៅថ្ងៃទី២០ ខែធ្នូ ឆ្នាំ២០២៣ បានរាយការណ៍ថា មេធាវីតំណាងនិស្សិតទាំងនោះបានអះអាងថា កំហុសនេះបានប៉ះពាល់ដល់ការប្រឡងរបស់និស្សិត សម្រាប់ការប្រឡងដែលនៅសល់។
ការធ្វើតេស្តចូលរៀនមហាវិទ្យាល័យដ៏ល្បីរបស់កូរ៉េខាងត្បូង ត្រូវបានគេស្គាល់ថា Suneung គឺជាការប្រឡងចូលមហាវិទ្យាល័យថ្នាក់ជាតិរបស់ប្រទេសនេះ ដែលប្រៀបដូចការរត់ម៉ារ៉ាតុងរយៈពេល៨ម៉ោងជាមួយវិញ្ញាសាមុខវិជ្ជាជាច្រើន ហើយក៏ត្រូវបានទទួលស្គាល់ថា ការប្រឡងដ៏ពិបាកបំផុតមួយនៅលើពិភពលោកផងដែរ ដោយវាមិនត្រឹមតែកំណត់ទីតាំងនៅសាកលវិទ្យាល័យ និងការងារប៉ុណ្ណោះទេ ប៉ុន្តែសូម្បីតែទំនាក់ទំនងនាពេលអនាគតនិស្សិត។ វិធានការមួយចំនួន ដើម្បីជួយនិស្សិតផ្តោតអារម្មណ៍អំឡុងពេលការប្រឡងដ៏ធំប្រចាំឆ្នាំដូចជា ការបិទដែនអាកាសរបស់ប្រទេស និងពន្យារពេលការបើកទីផ្សារភាគហ៊ុន ខណៈលទ្ធផលប្រឡងនៅឆ្នាំនេះ ត្រូវបានចេញផ្សាយកាលពីថ្ងៃទី៨ ខែធ្នូ កន្លងទៅ។
ពាក្យបណ្តឹងដែលប្តឹងកាលពីថ្ងៃទី១៩ ខែធ្នូ កន្លងទៅ ដោយនិស្សិតយ៉ាងហោច៣៩នាក់បានអះអាងថា កណ្តឹងបានរោទ៍មុនពេលកំណត់ នៅឯកន្លែងប្រឡងនៅក្នុងរដ្ឋធានីសេអ៊ូល ពោលអំឡុងពេលប្រឡងវិញ្ញាសាភាសាកូរ៉េ ដែលជាប្រធានបទដំបូងនៃការប្រឡង។ និស្សិតខ្លះបានតវ៉ាភ្លាមៗ ប៉ុន្តែពួកគេបាននិយាយថា អ្នកមើលការខុសត្រូវនៅតែនាំយកសំណើប្រឡងរបស់ពួកគេចេញទៅ ខណៈដែលបណ្តាគ្រូអនុរក្សបានទទួលស្គាល់កំហុសមុនពេលចាប់ផ្តើមការប្រឡងវិញ្ញាសាបន្ទាប់ ដោយផ្តល់រយៈពេលមួយនាទីកន្លះត្រឡប់មកវិញ។
របាយការណ៍របស់ទីភ្នាក់ងារព័ត៌មានកូរ៉េយ៉ុនហាប់ (Yonhap) បានរាយការណ៍ថា និស្សិតទាំងនោះអះអាងថា ពួកគេមានការខកចិត្តជាខ្លាំង ដែលពួកគេមិនអាចផ្តោតលើការប្រឡងវិញ្ញាសាបន្ទាប់ទៀត ដោយមានអ្នកខ្លះបានបោះបង់ការប្រឡង ហើយវិលត្រឡប់ទៅផ្ទះវិញ។
លោក Kim Woo-suk មេធាវីតំណាងនិស្សិតបានប្រាប់សារព័ត៌មានក្នុងស្រុកថា អាជ្ញាធរអប់រំមិនបានសុំទោសនោះទេ ស្របពេលទូរទស្សន៍ដ៏ល្បីរបស់កូរ៉េ KBS បានស្រង់សម្តីមន្ត្រីម្នាក់បាននិយាយថា អ្នកគ្រប់គ្រងទទួលបន្ទុកនៃមជ្ឈមណ្ឌលនៃការប្រឡងបានអានខុសពេលវេលាកំណត់។
សូមជម្រាបថា នេះមិនមែនជាលើកទីមួយទេ ដែលនិស្សិតប្ដឹងពាក់ព័ន្ធនឹងកណ្តឹងរោទ៍លឿនជាងពេលកំណត់។ ជាក់ស្តែងកាលពីខែមេសាកន្លងទៅ តុលាការក្រុងសេអ៊ូលបានផ្តល់ប្រាក់រង្វាន់ចំនួន៧លានវ៉ុន ស្មើនឹង៥,២៥០ដុល្លារដល់សិស្សដែលអះអាងថា ពួកគេគ្មានការលំបាកក្នុងការប្រឡង Suneung កាលពីឆ្នាំ ២០២១ បើទោះបីជាកណ្តឹងរោទ៍មុនប្រហែល២នាទីយ៉ាងណាក៏ដោយ៕ (ប្រភព ៖ BBC)
ចែករំលែកព័តមាននេះ