គ្រោះថ្នាក់ពិតជាមិនអាចមើលឃើញមែន ដោយរថយន្តស៊េរីទំនើបម៉ាកហ្វតមួយគ្រឿង បើកបរតាមដងផ្លូវសុខៗ ស្រាប់តែផ្ទុះកង់បែក បណ្ដាលឱ្យក្រឡាប់រថយន្ត ធ្វើឱ្យមនុស្សប្រុសស្រីចំនួន៨នាក់ រងរបួសធ្ងន់និងស្រាល។ ហេតុការណ៍នេះ បានកើតឡើងកាលពី
ខេត្តកំពង់ចាម ៖ គ្រោះថ្នាក់ពិតជាមិនអាចមើលឃើញមែន ដោយរថយន្តស៊េរីទំនើបម៉ាកហ្វតមួយគ្រឿង បើកបរតាមដងផ្លូវសុខៗ ស្រាប់តែផ្ទុះកង់បែក បណ្ដាលឱ្យក្រឡាប់រថយន្ត ធ្វើឱ្យមនុស្សប្រុសស្រីចំនួន៨នាក់ រងរបួសធ្ងន់និងស្រាល។ ហេតុការណ៍នេះ បានកើតឡើងកាលពីថ្ងៃទី១៨ ខែធ្នូ ឆ្នាំ២០២៣ វេលាម៉ោង៣រសៀល ស្ថិតនៅក្នុងឃុំព្រែកក់ ស្រុកស្ទឹងត្រង់។ ក្រោយកើតហេតុ ជនរងគ្រោះទាំង៨នាក់ ត្រូវបានបញ្ជូនមកសង្គ្រោះនៅមន្ទីរពេទ្យបង្អែកស្រុកស្ទឹងត្រង់។
បើតាមសមត្ថកិច្ចមូលដ្ឋាន បានប្រាប់ឲ្យដឹងថា នៅចំណុចផ្លូវក្រាលកៅស៊ូ ស្ថិតក្នុងភូមិត្នោតតាសាយ ឃុំព្រែកកក់ ស្រុកស្ទឹងត្រង់ ខេត្តកំពង់ចាម មានករណីគ្រោះថ្នាក់កើតឡើង១លើក ដោយរថយន្តម៉ាក ford ពណ៌ស ពាក់ស្លាកលេខ ភ្នំពេញ2BE-6959 បើកបរដោយឈ្មោះ ឯក សុវណ្ណារ័ត្ន ភេទប្រុស អាយុ២៦ឆ្នាំ ជាជនជាតិខ្មែរ រស់នៅភូមិស្ពឺ ឃុំជយោ ស្រុកចំការលើ ខេត្តកំពង់ចាម ហើយនេះជាហេតុការណ៍កម្រកើតឡើង ដោយយូរៗទើបឃើញមានម្ដង។
សមត្ថកិច្ចមូលដ្ឋាន បានប្រាប់បន្តឲ្យដឹងទៀតថា រថយន្តមួយគ្រឿងនេះ មានអ្នករួមដំណើរជាមួយចំនួន៧នាក់ ក្នុងនោះរួមមាន ៖ ១- ឈ្មោះ មាន ឆេងលាប ភេទស្រី អាយុ២៦ឆ្នាំ ជនជាតិខ្មែរ រស់នៅភូមិស្ពឺ ឃុំជយោ ស្រុកចំការលើ ខេត្តកំពង់ចាម។ ២- ឈ្មោះ ក្រួច ប៉ូច ភេទប្រុស អាយុ៨២ឆ្នាំ ជនជាតិខ្មែរ។ ៣- ឈ្មោះ ហឿន គា ភេទប្រុស អាយុ៥៣ឆ្នាំ ជនជាតិខ្មែរ។ ៤- ឈ្មោះ ជា អាង ភេទស្រី អាយុ៦១ឆ្នាំ ជនជាតិខ្មែរ។ ៥- ឈ្មោះ ប៉ូច ថុល ភេទស្រី អាយុ៥៤ឆ្នាំ ជនជាតិខ្មែរ។ ៦- ឈ្មោះ ឌុល សេង ភេទស្រី អាយុ៧៥ឆ្នាំ ជនជាតិខ្មែរ និង៧- ឈ្មោះ នាង សុខ ភេទស្រី អាយុ៧៨ឆ្នាំ ជនជាតិខ្មែរ។ ជនរងគ្រោះទាំង៦នាក់ រស់នៅភូមិព្រែករលួស ឃុំព្រែកបាក់ ស្រុកស្ទឹងត្រង់ ខេត្តកំពង់ចាម ដោយធ្វើដំណើរក្នុងទិសដៅពីលិចទៅកើត។
សមត្ថកិច្ចមូលដ្ឋាន បានបញ្ជាក់ថា ចំពោះមូលហេតុ គឺមកពីរថយន្តបែកកង់ បណ្តាលឲ្យក្រឡាប់ធ្វើឱ្យមនុស្ស៨នាក់ ក្នុងនោះស្រី៥នាក់ រងរបួសធ្ងន់និងស្រាល ចំណែករថយន្តវិញរងការខូចខាតកម្រិតធ្ងន់។
ក្រោយពេលកើតហេតុ ជនរងគ្រោះក៏ត្រូវបានបញ្ជូនទៅព្យាបាលនៅមន្ទីរពេទ្យបង្អែកស្រុកស្ទឹងត្រង់ រីឯរថយន្តក៏ត្រូវបានប្រគល់ជូនក្រុមគ្រួសារ ដើម្បីយកទៅជួសជុលប្រើប្រាស់វិញផងដែរ។
ចែករំលែកព័តមាននេះ