ឡានដឹកសម្ភារៈសំណង់១គ្រឿងចុះទូក ដាច់ហ្វ្រាំងរអិលធ្លាក់ចូលទឹកទន្លេនៅកំពង់ដស្វាយជ្រុំ
- ភ្នំពេញ
រាជធានីភ្នំពេញ ៖ រថយន្តដឹកសម្ភារៈសម្រាប់សាងសង់មួយគ្រឿង បានរអិលធ្លាក់ចូលទឹកទន្លេមេគង្គ
រាជធានីភ្នំពេញ ៖ រថយន្តដឹកសម្ភារៈសម្រាប់សាងសង់មួយគ្រឿង បានរអិលធ្លាក់ចូលទឹកទន្លេមេគង្គលិចបាត់ និងបណ្តាលអោយអ្នកបើកបររបួសស្រាល ខណៈពេលបើកចុះទូកកាណូតឆ្លងដ ហើយជាន់ហ្វ្រាំងមិនស៊ី ។
ហេតុការណ៍គ្រោះថ្នាក់ខាងលើនេះបានកើតឡើងកាលពីវេលាម៉ោងប្រមាណ២និង៣០រសៀលថ្ងៃទី ៦ ខែធ្នូឆ្នាំ ២០២៣ នៅចំណុចកំពង់ដស្វាយជ្រុំ ក្នុងភូមិទី៣ សង្កាត់ជ្រោយចង្វារ ខណ្ឌជ្រោយចង្វារ រាជធានីភ្នំពេញ។
រថយន្តដែលជួបគ្រោះថ្នាក់នោះជារថយន្តឈ្មួល ម៉ាក់ KAI FRONTIER ពណ៌ខៀវ មិនចាំស្លាកលេខ មានដឹកដែក អន្ទារ ក្តារពុម្ព និងស័ង្កសី បើកបរដោយបុរសម្នាក់ មិនស្គាល់អត្តសញ្ញាណ រួមជាដំណើរជាមួយកម្មករ២នាក់។
តាមសាក្សីបានអោយដឹងថា នៅមុនពេលកើតហេតុ គេឃើញរថយន្តនោះដឹកគ្រឿងសម្ភារៈសម្រាប់សាង់សង់ចុះទូកដ ដែលមានចំណោទដើម្បីឆ្លងទៅត្រើយម្ខាង ក្នុងគោលបំណងទៅព្រែកតាម៉ាក់ ។ ខណៈនោះ ហ្វ្រាំងមិនស៊ី កម្មករក៍បាននាំគ្នាជួយកល់ដែរ តែកល់មិនជាប់ក៍បានរអិលធ្លាក់ចូលទៅក្នុងទឹកទន្លេ បោកផ្ទប់ទៅនឹងទឹក បណ្តាលអោយបែកកញ្ចក់រងរបួសអ្នកបើកបរ ។
ទោះបីជាយ៉ាងណា អ្នកបើកបរបានបើកទ្វារចេញ រួចផុតពីគ្រោះថ្នាក់ ។ បន្ទាប់ពីកើតមានគ្រោះថ្នាក់ ម្ចាស់កំពង់ដរក៏បានយករថយន្តស្ទូច និងគ្រឿងចក្រ ដើម្បីអូសយករថយន្តនោះឡើងលើគោកវិញ ៕
ចែករំលែកព័តមាននេះ